Jeremías 4:31 - Qullan Arunaca

³¹ Usutanacan wararitapwa ist'ta, cunapachatejj mä warmejj parto usumpi wararejj tayna yokall wawapa wawachasiñataquejja, uqhama; ucasti Sionan wararitanacapawa, aykosquiwa, amparapa lokatatasinsti saraquiwa: ‘¡Ay nayata! ¡Jake jiwayirinacaw jiwayapjjetani!’ ” sasa.

Aymar Bibliia 1986

³¹ Usutanacan wararitapwa ist'ta, cunapachatejj mä warmejj parto usumpi wararejj tayna yokall wawapa wawachasiñataquejja, uqhama; ucasti Sionan wararitanacapawa, aykosquiwa, amparapa lokatatasinsti saraquiwa: ‘¡Ay nayata! ¡Jake jiwayirinacaw jiwayapjjetani!’ ” sasa.

Qullan Arunaka DC

³¹ Usuchjatanakan wararitap ist'ta, tayna wawap wawachasiri warmin wararitapjama; ukasti Jerusalenankirinakan wararitapawa, janiw samsurjamäpkisa, wali jach'at art'asaw yanap mayipxi. Amparanakap luqatatataw sapxi: ‘¡Ay kunakïkan nayatxa! ¡Jaqi jiwayirinakaw jiwayapxitani!’ ” sasa.

Jeremías 4:31 Jak'a apnaqawi uñst'ayäwi

Génesis 27:46

Ucjjarusti Rebecajj Isaacaruraquiw säna: —Karitäjjtwa aca hitita warminacampi jacañataquejja, cawquïrinacampitï Esaú yokasajj casarasqui ucanacampejja. Jacobotejj mä hitita warmimpi casarasiraquispajja, cawquïrinacatejj aca Canaán oraken jacapqui ucanacampi, ucapachajja walïspaw jiwjjañajjajja —sasa.

Job 10:1

¡Nayataquejj jacañajj ch'amäjjewa! Jachcäwiraquiw tucusjjäjja, t'akhesitanacajjatsa take ch'amampiw arsusiraquï.

Salmos 120:5

¡Ay cunaquïcta nayajja, Mesec chekan jaya jakjam apanucutätwa, Cedar chekan ch'ujllan jacaracta!

Isaías 1:15

Cunapachatejj jumanacajj amparanacam loktasa mayisinipjjetäta ucapachajj, nayajj janiw jumanacar uñtanipcämati; oracionanaca walja lurasipcäta ucapachajj, janiw nayajj ist'apcämati. Amparanacamajj wilararcamaquiwa.

Isaías 13:8

wali sustjataw kheparapjjaraquini. Mä jach'a t'akhesiñampi, llaquisiñampiw jupanacarojj jutaraquini, wawachasiri warmjamaw aykoñampi k'ewisipjjaraquini. Jupanaccamaw sustjata uñcatasipjjaraquini, p'enkasiñatsa ajanunacapajj naqharaquiniwa.

Isaías 21:3

Janchejjas qhathatituwa, wawachasir warmin janchipjamaw usuraquitu, chuyma cawcst'añasti janiw ist'ayquituti, ajjsarañasti janiraquiw cunsa uñjayquituti.

Isaías 26:17

Juma nayrakatancapjjayätwa, Tatay, cunjämatï mä wawachasiri warmejj ususiñapana q'iwinaktqui wararcaraqui uqhama.

Isaías 42:14

Tatitusti siwa: “Walja urunacaraquiw amuquïsctjja, amuct'aractwa, janiw cunsa arscaractti; ucampis jichhajj wawachasir warmjamaw wararëjja, aykösa jaqhusiraquïsa.

Isaías 6:5

Nayasti saraquïyätwa: “¡Ay, cunaquïcan nayataquejja, jichhajj jiwapunchëjjaya! Nayrajjampiw take ch'amani Tatitu Reyerojj uñjta, nayasti jucharar jakëstjjaya jucha parliriraqui, jucha parliri marca taypinrac jacaractsa” sasa.

Jeremías 10:19

—¡Ay, cunaquïcan nayataquejja, aynacht'atätwa! “¡Chhojjrinacajjasti janiw kollañjamäcjjeti! ¡Nayasti amuyasisinjja aca llaquinaca apchëjjaya sasaw amtaraquïyäta!

Jeremías 13:21

“¿Camsätas jichhajj Jerusalén, cunapachatejj yakhanacampi apnakatäcäta ucapachajja cawquïri jakenactejj jumajj yatichcäyäta uca pachpa jakenacampi? Wawachasiri warmin usunacapjamaw jutaraquïtam.

Jeremías 14:18

Pamparuw mistta, ucansti guerran jiwaririnacan janchinacapaqui uñjaracta, marcaruw mantanta, ucansti mank'atjama jiwarasquiri jakenacacracwa uñjta. Profetanacasa sacerdotenacasa, jan uñt'ata jaya marcanacaruraquiw sarjjapjje.’ ”

Jeremías 15:18

¿Cunatsa t'akhesiñajjajj jan tucusi? ¿Cunatsa chhojjrinacajjas jan kollañjamäqui, take kollanacampis janirac kollasquiti? Nayataquejj maysa uñtjjtajja, chhaktir umar uñtataraquiw tuctajja.

Jeremías 18:21

¡Ucampis jichhajj apanucjjam wawanacapajja mank'atjama, uqhamaraqui espadampi jiwarayatäpjjañapataqui; warminacapasti ijma, jan wawani kheparapjjpan! ¡Chachanacapasti usunacampi jiwarapjjpan, waynanacasti guerran jiwarapjjaracpan!

Jeremías 22:23

Jichhajj jumajj tapamanjja c'uchiquïsctawa; Líbano toketa apanit cedronac taypina; ¡ucampisa niyaw t'akhesiñ kalltäta, aykoñanacajj purincätam ucapacha, ucanacasti parto usjamäniwa!”

Jeremías 30:6

Jisct'apjjam, inampicha mä chachajj wawachasispa. ¿Cunatarac chachanacarusti parto usumpisa k'ewisipcaspa uqhama uñjtsti? ¿Cunatsa uqhamäpjje? ¿Cunatsa takenisa k'ellu tucupjje?

Jeremías 45:2

“Jumajj Baruc sistawa: ‘¡Ay cunaquïcani nayataquejja! ¡Tatitusti t'akhesiñanacampi, llaquisiñanacampicwa nayarojj churitu! Jachcäwisa karitäjjaractwa, janiraquiw nayataquejj samart'añajj utjquiti’ sasa.

Jeremías 48:41

Marcanacasa, suma sayt'asiña chekanacasa uñisiripan amparaparuw purini. Uca urusti Moab marcan guerrar sarir jakenacapasti partompi wararir warminacjamaw qhathatipjjani.

Jeremías 49:22

Bosra marcarusti uñisiripajj cunjämatejj mä siwek'arajj chhekha janatatasa mä jisc'a animalar thokjjatejj uqhamaraquiw thokjjatani. Uca urusti Edom marcanquiri guerrar sarir jakenacasti partompi k'ewisir warminacjamaw qhathatipjjaraquini.”

Jeremías 49:24

Damasco marcasti jan ch'amani, jaltjjañacwa amtjje. Ajjsarañampi, llaquisiñampi, usuyasiñampiquiw apnakjjaraqui, partompi k'ewisir warmirjama.

Jeremías 50:43

Babilonianquiri reyisti ucanac ist'asajja, ajjsarañatsa pachparu jan onjjtquiriw tucuraqui, wal t'akhesiraqui, usuyasiraquiwa parto usuni warmjama.

Jeremías 6:2

Sión orakejj mä suma ch'ojjña orakjamawa,

Lamentaciones 1:17

Sionasti yanapa mayisawa amparap loktasinqui, ucampisa janiw qhiti chuymachiripasa utjquiti. Tatituw Jacoborojj uñisirinacapampi muyuntayi uñisirinacapasti muyuntaraquiwa; Jerusalén marcasti jupanacataquejj jisc'achcaña marcaraquiwa.

Lamentaciones 1:20

¡Tatay, nayan t'akhesitajj uñtanimaya! ¡Chuymajjasa waystañwa munitu! T'akhesiñaw chuymajjar llupt'itu; cunapachatejj juchajjata amthapista ucapachajja. Qhaya ankansti wawanacajjarojj espadampiw jiwarayapjje, aca mankhansa jiwañaquiw utjaraqui.

Lamentaciones 2:21

Callenacansti waynanacampi, chuymani jakenacampiquiw jiwarata liwirtasipqui; marcajjanquiri waynanacasa, tawakonacasa, espadampi jiwarayataw uñjasipjje, colerasiñama urunsti jiwarayañcamaw chhojjriñchjaractajja; ¡jan qhuyapt'ayasisaw jiwarayaractajja!

Oseas 13:13

Israelarojj naciñap horasajj purinjjewa, ucampis mä jan wali wawawa, janiraquiw naciñataquis suma waquicht'asquiti, uqhamat sum naciñapataquejja.

Miqueas 4:10

K'ewinaktam, warariraquim Sión marca, cunjämtejj parto usumpi wararir warmejj wararejja uqhama, jakenacamajj jumatjja mistuwayjjapjjaniwa, ucatsti ch'usa pampanacanwa jacapjjaraquini, Babilonia marcacamaraquiw puripjjaraquini. Ucampis ucanjja Tatitojj marcaparojj khespiyaniwa, uñisirinacapatwa khespiyani.

Miqueas 4:9

Jichhasti, ¿cunatrac uqham warartasti parto usumpi k'ewisir warmjama? ¿Janiti reyimajj juman utjcjjejja? ¿Jan ucajj amuyt'irinacamacha jiwarjje ucatch jachta?

Miqueas 7:1

“¡Ay cunaquïcan! nayataquejja cosech apthapitat jilt'anaca thakasirjamätwa, janiraquiw cunsa jicjjatcti, ni uva ni higo, uva achunaca mank'añ munasina.

Mateo 21:5

“Sionanquir marcarojj sapjjam: ‘Uñjam, juman Reyimaw mä asnjjata jutasqui, llamp'u chuymani, mä jisc'a asno kalljjata, cawquïritejj qhumuñ uywan wawapäqui ucjjata.’ ”

1 Corintios 9:16

Nayataquejj janiw cuna jach'achasiñäquisa evangelio parlañajja, jan ucasti, waquisituwa parlañajjajja. ¡Janitejj Diosan arunacap parlquirist ucajja cunaquïcaspa nayataquejja!

1 Tesalonicenses 5:3

Cunapachatejj jakejj aqham siscani: “Take cunas sumaquïsquiwa, janiw cunas pascaniti” sasa, ucqhawa acatjamata jupanacjjaru t'unjäwejj jutani, cunjämtejj mä usur warmerojj parto usojj catuntqui uqhama; ucatjja janiw jaltapcaniti.