Jeremías 4:30 - Qullan Arunaca

³⁰ Jumasti tucjata marca, ¿Cunataquis suma púrpura sat isimpi isthapista? ¿Cunataquis uca kori yänacamp uscusta? ¿Cunataquis nayranacamsa ch'iyara pintasta? Uqham c'achachasitamajj janiw cunataquis asquïquiti, munirinacamas jichhajj apanucupjjtamwa, jiwañamaraqui thakhapjjejja.

Aymar Bibliia 1986

³⁰ Jumasti tucjata marca, ¿Cunataquis suma púrpura sat isimpi isthapista? ¿Cunataquis uca kori yänacamp uscusta? ¿Cunataquis nayranacamsa ch'iyara pintasta? Uqham c'achachasitamajj janiw cunataquis asquïquiti, munirinacamas jichhajj apanucupjjtamwa, jiwañamaraqui thakhapjjejja.

Qullan Arunaka DC

³⁰ Jumasti, tukjat Jerusalén marka, ¿Kunatakis suti chupik isinakampi isthapista? ¿Kunatakis uka quri yänakampi k'achachasta? ¿Kunatakis nayranakamsa ch'iyarar tukuyasta? Ukham k'achachasitamax inamayatakiwa, munirinakamas jichhax apanukupxtamwa, jiwayatäñam munapxaraki.

Jeremías 4:30 Jak'a apnaqawi uñst'ayäwi

2 Reyes 9:30

Jehú capitanajj ucatjja Jezreel chekaruw saräna. Jezabel warmejj uc yatisinjja, nayranacapjja pintasitaynawa, uqhamarac ñic'utanacapsa c'achachasitayna, ucatsti mä ventanaruwa jac'achasïna.

Proverbios 6:25

Chuymamanjja jan munapayamti jiwaquïtap laycojja, ¡janirac uñtatapampis catuntayasimti!

Proverbios 7:10

Ucatsti mäquiwa uca warmejj jicjjatiri mistuni, jan wali sarnaker warmjam isthapita, c'arintañ amtäwinacampi phokt'ata.

Isaías 10:3

¿Cunac lurapcät jumanacajj cunapachatejj cuenta churapcät ucqhajja, camachapcaquïta cunapachatejj mutuyäwejj jayat jutcani ucapachajja? ¿Qhitirus sarapjjäta yanap mayirejja? ¿Cawqharus take kamir cancañamjja jaytanipjjäta?

Isaías 20:6

Uca urunacansti take uca kota iraman jaquirinacajj sapjjaraquiniwa: ‘Uñtapjjam, cunarac jichhasti tucu cawquïri marcarutejj jiwasajj alcatascayätan Asirianquir reyit arjjatañapataquejja. ¿Cunjämrac jichhasti khespiñänisti?’ ” sasa.

Isaías 33:14

Sionanjja juchararanacajj qhathatipjjewa, nankha juchani jakenacasti ajjsarañampi phokhantatäjjewa, sapjjaraquiwa: “¿Qhitirac jiwasatsti jacaspa, tucjiri ninansti, wiñayatac naqhir ninansti?” sasa.

Jeremías 13:21

“¿Camsätas jichhajj Jerusalén, cunapachatejj yakhanacampi apnakatäcäta ucapachajja cawquïri jakenactejj jumajj yatichcäyäta uca pachpa jakenacampi? Wawachasiri warmin usunacapjamaw jutaraquïtam.

Jeremías 22:23

Jichhajj jumajj tapamanjja c'uchiquïsctawa; Líbano toketa apanit cedronac taypina; ¡ucampisa niyaw t'akhesiñ kalltäta, aykoñanacajj purincätam ucapacha, ucanacasti parto usjamäniwa!”

Jeremías 30:14

Take munirinacamasti apanucuwayjjapjjtamwa, janiw jumat amtascjjapjjaraquiti. Nayaw jumarojj uqham chhojjriñchsmajja, uñisirimäquiristsa uqhama jan qhuyapt'ayasisaw mutuyämajja, walja jach'a juchanac luratam laycuw uqham lursmajja.

Jeremías 5:31

Cuntejj profetanacajj yatiyapjje ucajj c'ariwa; sacerdotenacasti munañanacaparuw apnakapjjaraqui, ¡marcajjasti uqhamwa munaraqui! Ucampisa ¿cunsa lurapjjäta tucuya urojj purincan ucqhajja?’ ”

Lamentaciones 1:19

Munirinacajjaruw yanap mayta, jupanacasti nayataquejj mayswa uñtjjapjje. Marcajjanquiri sacerdotenacasa, jilïri chuymani jakenacasa, pachpa marcanwa jiwarata uñjasipjje. ¡Mank'a thakasaw sarnakapjjaraqui; jan mank'atjama jiwascañataqui!

Lamentaciones 1:2

Arumanacasti jachcäwiw tucusiscaraqui; ajanunacapansti jachaquiw jalascaraqui. Take munirinacapasti janiw maynis jupar chuymachirejj utjquiti. Take amigonacapasti mayswa uñtjjapjje, uñisirinacapaw tucjjaraqui.

Lamentaciones 4:17

Nayranacapasa uñch'uccäwejja karirjjewa, inamayaquiw yanapa suyasctanjja. Mä marcan puriniñapwa suyasctan, jan khespiyir marcan puriniñapa.

Ezequiel 28:13

Diosan pankar yapupana, Edén chekanwa utjasiraquïyätajja, suma kalanacampi c'achachataraqui: Rubí, crisólito, jade, topacio, cornalina, jaspe, zafiro, granate, esmeralda; ucanacampi, aretenacamasa, yakha yänacamasa koricamaquïnwa, cunürütejj jumajj aca oraken uñstcta uca urutpacha waquichataraqui.

Ezequiel 28:9

Jichhasti ¿mä diosäcasmas uqham amuyasiscaquïtati, jumar jiwayiri jakenaca nayrakatancasasa? ¡Qhitinacatejj jiwarayapcätam uca nayrakatanjja, janiw jumajj cunäctasa, mä jisc'a jakequïtawa!

Abdías 1:7

Take jumampi arust'asir marcanacasti sallkjapjjtamwa; pachpa orakematsa jayaruw apanucupjjaractamjja. Pachpa amigonacamas juma contraquiraquiw sayt'asjjapjje, cawquïri amigonacamarutejj wal confiascäyäta ucanacas sipita waquicharapiractamjja. ¡Edomasti jan amuyt'asiriwa!”

Hebreos 2:3

¿Cunjämrac jaltañänisti, jiwasatejj uca jach'a khespiyasiñjj jan yäkcañäni ucasti? Pachpa Tatituw nayrakatajj yatiyäna aca khespiyasiñatjja, ucjjarusti qhitinacatejj ist'apcäna ucanacaraquiw uca arjj sum yatjjatapjjaraquïna, ucatsti jiwasaruw churanistu.

Apocalipsis 17:13

Aca tunca reyinacasti mä arust'aquïpjjewa, uca jach'a ajjsarcañ animalarusti munañanïñracwa churapjje.

Apocalipsis 17:2

Acapach reyinacajja uca warmimpi jucha lurasaw sarnakapjje, oraken utjirinacasti jucha luratanacapampejj vinompjamaw macharapjje” sasa.

Apocalipsis 17:4

Aca warmisti wila morado isimpi ist'atänwa, korimpi, suma kalanacampi, perlanacampi c'achachataraqui. Amparaparusti mä kori copa ast'ataraquïnwa, uca copansti ajjtascañ k'añu luräwinacampi phokhantatänwa.