Jeremías 48:2 - Qullan Arunaca

² Moab marcan jach'a honorapasti tucusjjewa, Hesbón chekanwa uñisirinacapajj cunayman amtasipqui Moab marcajj, marcpacha chhaktjjañapataqui. Madmén, jumas tucjataraquiw uñjasïta, guerrasti jumjjarojj jutapuniniwa.

Aymar Bibliia 1986

² Moab marcan jach'a honorapasti tucusjjewa, Hesbón chekanwa uñisirinacapajj cunayman amtasipqui Moab marcajj, marcpacha chhaktjjañapataqui. Madmén, jumas tucjataraquiw uñjasïta, guerrasti jumjjarojj jutapuniniwa.

Qullan Arunaka DC

² Moab markan jach'a kankañapasti tukusxiwa. uñisirinakapax Hesbón chiqan amtasipki Moab markan markpach chhaqtxañapataki. Madmén marka, jumas tukjatarakiw uñjasïta, nuwasiñasti jumxarux jutapuniniwa.

Jeremías 48:2 Jak'a apnaqawi uñst'ayäwi

Isaías 15:1

Moab marcataqui profecía arunaca: Cuna arumatejj Ar sisqui uca marcajj t'unjatäcän uca arumajja, Moab marcajj t'unjataraquïnwa; Kir sat marcajj t'unjatäcän uca arumajj Moab marcajj t'unjataraquïnwa.

Isaías 15:5

Chuymajjasti Moab marcataquejj yanapa mayiraqui; jakenacapasti Zoar uqhamaraqui Eglat-selisiya sisqui uca chekcamaw jaltjjapjje, Luhit sisqui uca amstanjamwa jacht'asisa sarjjapjje, Horonaim sisqui uca thaquinjama t'unjatätap uñjasisasti wal jachapjje.

Isaías 16:14

Jichhasti Tatitojj siwa: “Acat quimsa mararojja, cunjämtejj mä kollket irnakerejj sisqui uqhama, Moab marcan jach'a cancañapajj tucusiniwa jisc'achcañaraquïniwa, walja jakenïcchi ucasa; mä kawkha pisi ch'ama jakenacaquiw kheparjjani.”

Isaías 25:10

Tatituw Sión kollurojj amparapampi imascani, ucampisa Moab marcarusti taquisiraquiniwa, cunjämtejj t'unanacajj taquisitajj uqhama.

Jeremías 25:15

Israelan Tatitu Diosapasti saraquituwa: “Uñjam aca copajja colerasiñajjampejj vinompi phokhantatjamawa. Jichhajj catum ucatsti cawquïri marcanacarutejj nayajj qhitcäma ucanacaru churam umantapjjañapataqui.

Jeremías 25:17

Nayasti uca copjja Tatitun amparapat asakta, ucatsti cawquïri marcanacarutejj jupajj qhitquitu take ucanacaruw churaracta umapjjañapataqui.

Jeremías 31:36

“Cuna urutejj jumanacajj jan aca leyinacajja phokjjapjjäta ucapachasti, Israelajj janiw juc'ampi marcajjäjjaspati. Naya Tatituw ucjja arsta.

Jeremías 33:24

“¿Amuytati cunjämsa jakenacajj parlapjje nayan Judá orakeru, uqhamaraqui Israelaru apanucutajjatjja? ¡Ucatwa marcajjarojja jisc'achañampi uñjapjje, janiraquiw mä marcarjamas uñjapquiti!

Jeremías 46:28

Naya Tatituw ucjja arsta. Jacobon marcapa, nayan uywatajja, jan ajjsaramti, nayaw jumampïscta. Cawqui marcanacarutejj ananucsma uca marcanacsti nayaw k'ala t'unjaraquï; ucampisa jumarojj janiw t'unjcämati, jan ucasti mayisitamjamaruraquiw chekacharaquïma, mutuyäwimsti churapuniraquïmawa.”

Jeremías 48:17

Moab marca jac'an utjirinaca, qhitinacatejj jach'a jach'añchäwipsa uñt'apjjta ucanaca, uca marcat jachapjjam, sapjjaraquim: ‘¡Uñtapjjam cunjämas aca marcajj tucjata uñjasi, take orakenacapasa, jupajj ch'amanïnwa, wali jach'at uñt'ataraquïnwa!’ sasa.

Jeremías 48:42

Moab marcasti tucusiraquiniwa, naya Tatitutaqui sayt'asitap laycu.

Jeremías 48:45

“Yakhepanacajj jan ch'amaniquiw jaltjjapjje, Hesbón ch'iwinacaru imantasiñataqui; ucampisa Hesbón marcajja, Sehón reyin marcapäqui ucajj ninampi naqhayataraquiwa, uca ninasti jach'aruw saratataraqui, Moab kollunacsa uca ch'ajjwiri marcsa, k'alwa mank'antaraqui.

Jeremías 49:3

“Hesbón, aykom jumajja, Hai marcan t'unjatätapata. ¡Rabá marcanquiri warminaca, jaqhusipjjam jumanacajja! ¡Ch'iyanokat isimpi ist'asipjjam, chuymanacama lek'esipjjaraquim! ¡Lokhenacar uñtata jalanakapjjam, janchinacamsti chhojjriñchjasipjjaraquim! Milcom diosajj jaya marcaru apatäjjatapata, sacerdotenacapampi, jupan jilïri jakenacampi chica.

Jeremías 49:37

Elam marcarusti qhathatiyaraquïwa jach'a uñisirinacap nayrakatanjja, t'akhesiñanacwa juparojj apayaniraquï, colerasiñajjsti jupjjarojj antutjjataniraquïwa, guerranaca jupanacjjarojj apayaniraquï k'ala tucjatäpjjañapcama. Naya Tatituw ucjja arsta.

Números 32:37

Rubén tribun jakenacapajj aca marcanacwa wasitat lurapjjäna Hesbón, Eleale, Quiriataim,