Jeremías 48:2 - Qullan Arunaka DC

² Moab markan jach'a kankañapasti tukusxiwa. uñisirinakapax Hesbón chiqan amtasipki Moab markan markpach chhaqtxañapataki. Madmén marka, jumas tukjatarakiw uñjasïta, nuwasiñasti jumxarux jutapuniniwa.

Aymar Bibliia 1986

² Moab marcan jach'a honorapasti tucusjjewa, Hesbón chekanwa uñisirinacapajj cunayman amtasipqui Moab marcajj, marcpacha chhaktjjañapataqui. Madmén, jumas tucjataraquiw uñjasïta, guerrasti jumjjarojj jutapuniniwa.

Qullan Arunaca

² Moab marcan jach'a honorapasti tucusjjewa, Hesbón chekanwa uñisirinacapajj cunayman amtasipqui Moab marcajj, marcpacha chhaktjjañapataqui. Madmén, jumas tucjataraquiw uñjasïta, guerrasti jumjjarojj jutapuniniwa.

Jeremías 48:2 Jak'a apnaqawi uñst'ayäwi

Isaías 15:1

Moab markataki profecía arunaka: Ar sata markax t'unjatäkän uka arumaxa, Moab markax t'unjatarakïnwa; Quir sat markax t'unjatäkän uka arumasti, Moab markax t'unjatarakïnwa.

Isaías 15:5

Isaías profetax siwa: Moab markar ukham uñjasax chuymaxax walpin usutu; moabitanakasti axsarañampi phuqhantatäpxiwa, Zoar, Eglat-selisiya uka markanakaruw jaltxapxi, Luhit siski uka qhathanjam jacht'asis makhatapxi, Horonaim uka thakhinjam t'unjat uñjasitapat jacht'asis sarxapxi.

Isaías 16:14

Jichhasti Tatitux siwa: “Mä irnaqirin luräwipax kimsa maratakikiwa. Ukat sapxsma, akat kimsa mararusti, Moab markan jach'a kankañapax q'ala tukjatäniwa. Jaqinakapax q'ala jiwarayatäniwa; mä qawqhanikiw jan jiwayat qhiparapxani, uka qhiparirinakasti pisi ch'aman jaqinakkamakïniwa.”

Isaías 25:10

Tatituw Jerusalén markarux imaskani, Moab markarusti takisiniwa, kunjämtix t'unanakax takisitäki ukhama.

Jeremías 25:15

Israelan Tatitu Diosapasti sarakituwa: “Jeremías, amparaxankki uka qirux phiñasiñaxampix vinompi phuqhantatjamawa. Jichhax jum katxarum ukatsti kawkïr markanakarutix nayax khitkäma ukanakar umarayanim.

Jeremías 25:17

Nayasti Tatitun amparapat uka tilinki apaqta, ukatsti kawkïr markanakarutix jupax khitkitu taqi ukanakaruw umañapatak churarakta.

Jeremías 31:36

“Kuna urutix nayan utt'ayat kamachinakax jan phuqhapkani ukapachax, Israel markax janiw juk'ampi markaxäkxaspati. Naya, Tatituw uk arsta.

Jeremías 33:24

“¿Amuytati kunjämsa jaqinakax parlapxi nayan Judá uraqiru, Israelaru apanukutaxatxa? ¡Ukat markaxarux jisk'achañampi uñjapxi, janirakiw mä markarjamas uñjapkiti!

Jeremías 46:28

Naya, Tatituw uk arsta. Jacobun markapa, nayan uywataxa, jan axsaramti, nayaw jumampïskta. Kawkhanakarutix ananuksma uka markanaksti nayaw q'ala t'unjarakï. Ukampis jumarux janiw t'unjkämati; luratamarjamaw chiqachäma, ukatsti mutuyapunirakïmawa.”

Jeremías 48:17

Moab marka jak'an utjasirinaka, jach'a kankañap uñt'irinaka, uka markat jachapxam, sapxarakim: ‘¡Uñtapxam, kunjämas aka markax tukjat uñjasi, ch'amampi apnaqañapasa, jach'at uñt'atäñasa, q'ala tukjatawa!’ sasa.

Jeremías 48:42

Moab markasti jan mayampitak tukjatäniwa, naya Tatitutak sayt'asitap layku.

Jeremías 48:45

“Yaqhipanakax jan ch'amaniw jaltxapxi, Hesbón markan ch'iwipar imantasiri; ukampis, Sihón reyin Hesbón markapax ninampi phichhantatäniwa, uka ninasti jach'aruw aqatati, uka ch'axwir Moab markan qullunakapsa q'al nakhantaraki.

Jeremías 49:3

“Hesbón marka, Ai markan t'unjatätapat jacham. ¡Rabá markankir warminaka, jach'at wararipxam! ¡Chhankha isimpi isthapisipxam, chuymanakam liq'isipxam! ¡Luqhinakar uñtat jalanaqapxam, janchinakamsti chhuxriñchjasipxarakim! Milcom diosax jaya markar apatäniwa, sacerdotenakapampi, jupan jilïr jaqinakampi chika.

Jeremías 49:37

Elam markarusti jiwayir uñisirinakap nayraqatan khathatiyä, t'aqhisiñanak juparux apayanï, phiñasiñaxsti jupxaruw antutxatanï, q'ala tukjatäpxañapatakix nuwasiñanak jupanakxarux apayanï. Naya, Tatituw uk arsta.

Números 32:37

Rubén ayllunkir jaqinakax, Hesbón, Elalé, Quiriataim sat markanak wasitat sayt'ayapxäna,