Jeremías 48:3 - Qullan Arunaka DC

³ Horonaim sat chiqatsti arnaqasitanakaw ist'asi; ‘¡Aynacht'añampi, q'ala t'unjatäñampiw utjaraki!’

Aymar Bibliia 1986

³ Horonaim sat chekatsti arnakasitanacaquiw ist'asi: ‘¡Aynacht'añampi, jach'a t'unjatäñampiw utjaraqui!’

Qullan Arunaca

³ Horonaim sat chekatsti arnakasitanacaquiw ist'asi: ‘¡Aynacht'añampi, jach'a t'unjatäñampiw utjaraqui!’

Jeremías 48:3 Jak'a apnaqawi uñst'ayäwi

Isaías 15:2

Dibon markan utjir jaqinakasti, qullu patankki uka templor jachiriw makhatapxi, Moab markasti, Nebo markampina, Medebá markampin t'unjatätapat chuyma wal usuyasi. Ñik'utanakapasa, sunkhanakapas taqinin mururatkamäpxi.

Isaías 15:5

Isaías profetax siwa: Moab markar ukham uñjasax chuymaxax walpin usutu; moabitanakasti axsarañampi phuqhantatäpxiwa, Zoar, Eglat-selisiya uka markanakaruw jaltxapxi, Luhit siski uka qhathanjam jacht'asis makhatapxi, Horonaim uka thakhinjam t'unjat uñjasitapat jacht'asis sarxapxi.

Isaías 15:8

Yanap mayisa arnaqasitanakapasti Moab uraqpachan ist'asi, wararitanakapasti Eglaim siski uka chiqkamaw ist'asi, Beer-elim siski uka chiqkamaw ist'asi.

Isaías 22:4

Ukat sistxa: Nayat jithiqtapxam, chuymas kawkst'ataw jachañ munta; markaxan aynacht'atapatsti jan chuymachapxistati.

Jeremías 20:16

¡Uka jaqisti, kawkïr markanakarutix Tatitux wiñayatak t'unjki ukhamäpan! ¡Qhantatinakax usutat arnaqasiñanak ist'pan, chika urusti nuwasiñan arnaqasitanak ist'arakpan,

Jeremías 47:2

“Tatitux akham siwa: Amsta tuqit walja umanakax mantani, jawirat jilarir umanakjama, aka markarusti, kunanakapatix utjki ukanakamppach q'ala chhaqtayi, uka markanakan jakirinakarusa, q'ala chhaqtayaraki. Uka markan jakirinakax taqiniw arnaqasipxi, jaqinakax walpun ayquñat arnaqasipxi.

Jeremías 48:34

Hesbón markankir jaqinakax wal wararipxi, wararitanakapasti Elalé, Jahas markakamaw ist'asi, Sóar ukkhat Horonaim, Eglat-selisiya ukakamaw ist'asi, Nimrim chiqankir uma jalsunakapas wañantatarakiwa.

Jeremías 48:4

“Moab markasti t'unjatawa; usuyasiñat warariñanakasti Sóar chiqakamaw ist'asi.

Jeremías 48:5

Makhatirinakax jacht'asisaw Luhit sat amstanjam makhatasipki; saraqirinakax warart'asisaw t'unjatätapatxa, Horonaim sata aynachanjam saraqasinipkaraki.

Jeremías 51:54

Babiloniatpach t'aqhisiñat wararitanakax ist'asi, caldeonakan uraqipatpach wararitanakax ist'asi.