Jeremías 44:3 - Qullan Arunaca

³ cunayman casta ñankhanac lurapjjatanacap laycu. Yakha diosanacaru quillt'asisa, ucanacaru inciensonaca loktasisaw nayarojj ñankhachapjjetu; uca diosanacampisti janiwa jumanacasa, ni nayra awquinacamasa cuna lurañanacamasa utjcänti.

Aymar Bibliia 1986

³ cunayman casta ñankhanac lurapjjatanacap laycu. Yakha diosanacaru quillt'asisa, ucanacaru inciensonaca loktasisaw nayarojj ñankhachapjjetu; uca diosanacampisti janiwa jumanacasa, ni nayra awquinacamasa cuna lurañanacamasa utjcänti.

Qullan Arunaka DC

³ kunayman ñanqhanak lurapxatanakap layku. Yaqha diosanakar killt'asisa, ukanakar inciensonaka luqtasisaw nayarux ñanqhachapxitu; uka diosanakampisti jumanakasa, nayra awkinakamas janiw kuna lurañanakamas utjkänti.

Jeremías 44:3 Jak'a apnaqawi uñst'ayäwi

Nehemías 9:33

Ucampis jumajj chekapätawa take cunanacatejj nanacjjaru jutcäna ucanacatjja; jumajja take phokhañamampiwa phokhäyätajja, ucampis nanacajja cunatejj jan walïqui ucwa lurapjjäyäta.

Isaías 3:8

Chekpachapuniw Jerusalenajj k'al aynacht'ani, Judá marcasti k'ala tucjataraquiw uñjasini, ucansti Tatitutaquiquiw arsupjje, uqhamarac lurapjjaraquisa, jach'a cancañapar, ñankhachasaraqui.

Jeremías 11:17

“Naya take ch'amani Tatituw uca koka ayruntta, jichhasti jach'a t'akhesiña sartayaracta Israelana, uqhamaraqui Judá orakensa jach'a ñankhanaca lurapjjatap laycu, Baal diosaru incienso loktasasti nayarojj ñankhachapjjetuwa.”

Jeremías 16:10

“Cunapachatejj aca arunaca jakenacar yatiyäta ucapachasti jisct'apjjaraquïtamwa: ‘¿Cunatsa Tatitojj nanacataqui uca jach'a jan walt'aña apayani? ¿Cuna jan walsa lurapjjtjja? ¿Cuna juchsa lurapjjtjja Dios Tatitu nayrakatanjja?’ sasa.

Jeremías 22:9

Ucatsti ucjjarojj arusjjatapjjaraquiniwa: ‘Jupanacajj cuntejj Tatitu Diosapajj mä arust'äwi jupanacampi lurcäna uca apanucupjjatayna, ucatsti yakha diosanacaruw quillisipjjatayna yupaychapjjaraquitayna, ucatwa uqham uca marcarojj luri’ sasa.

Jeremías 29:19

Jumanacajj janiw nayar sirviri profetanacajj cuna arunactejj ewjjapctam uca arunacarojj ist'apctati uca laycu, nayasti mayampi mayampwa jumanacarojj uca profetanacjja qhitanipjjaracsma, ucampis jumanacajj janiw jupanacarojj ist'apctati. Naya Tatituw ucjja arsta.

Jeremías 32:30

Kalltatpachwa Israelampi Judá marcampejj cunatejj nayataquejj jan walïqui ucanac lurapjjerïnjja; israelitanacasti jupanacan lurat c'ari diosanacampiw ñankhachapjjetänjja. Naya, Tatituw, ucjja arsta.

Jeremías 44:23

Jichhasti cuna jan walt'añantejj jicjjatasipcta ucasti uqham jumanacan yakha diosanacaru incienso loktasipjjatamatwa jutapjjtamjja, uqhamatracwa jumanacajj Tatitutaqui jucha lurapjjtajja, janiraquiw yatichäwinacapsa, leyinacapsa, camachinacapsa ist'apctati ni phokhapcaractasa.”

Jeremías 44:8

¿Cunatsa jumanacajj nayaru ñankhachapjjesta aca Egiptor jaquiri jutasinjja incienso yakha diosanacaru loktasisajja? Uca luratanacamampejj jumanacpachaquiw ñankha lurasisipctajja, take marcanacan uñjcañaraquiw jumanacajj t'unjatäpjjäta, mä p'enkaw tucupjjaraquïta take marcanac nayrakatana.

Jeremías 5:19

Cunapachatejj jisct'apcätam ucapachasti: ‘¿Cunatsa aqham take acanaca luristu Tatitu Diosasajja?’ sasa, ucapachasti jumajj jupanacarojj saraquïtawa: ‘Cunjämatejj jumanacajj Tatiturojj apanucusin yakha diosanacaru aca pachpa orakepan yupaychapjjtajja, uqhamaraquiw jichhajj yakha marcanquir jakenacaru sirvipjjäta, jaya orakena’ sasa.

Jeremías 5:29

¿Janit ucanacatsti mutuycästi? ¿Janit uqhama jakenacarusti juchap uñt'aycästi? Naya, Tatituw ucjja arsta.

Jeremías 7:19

Ucampisa nayaru ñankhachañat sipansa, jupanacpachaw juc'ampi ñankhachasisipqui, jupanacataquisti mä p'enkaraquiwa. Naya Tatituw ucjja arsta.

Lamentaciones 1:8

Jerusalenajj sintpunwa juchañchjasiraqui, jisc'achayasiñcamaw juchañchjasiraqui. Qhitinacatejj nayrajj jach'aru aptapcän ucanacasti jichhajj jisc'achjjapjjaraquiwa, juparojj k'alala uñjapjjatap laycu. Ucatpï jichhajj jachasquejja, p'enkapatsti maysa uñtjjaraqui.

Lamentaciones 4:13

¡Take ucanacasti profetanacapana, uqhamaraqui sacerdotenacapan juchanacap laycuw lurasi, jupanacasti pachpa marca mankhanwa jan juchani jakeru jiwayapjjaraquïnjja!

Ezequiel 9:9

Tatitusti ucjjarojj saraquituwa: “Israel marcan juchapajja uqhamaraqui Judá marcan juchapasa sinti jach'apuniwa. Aca orakensti jake jiwayañaw phokhantataraqui; jan wali lurañanacampi phokhantataraquiwa. Jupanacajj amuyapjjaraquiwa nayajj aca marcjja apanucjjeristsa janirac ñankha luratanacapsa uñjquiristti uqhamwa amuyapjjaraqui.

Daniel (hebreo) 9:5

Nanacajj juma nayrakatan jucha lurapjjta, ñankhanacsa lurapjjaracta; cunatejj jan walïqui ucacwa lurapjjtjja, jumaru apanucusaw jacapjjaracta; camachi arunacamsa, arsutanacamsa apanucupjjaractwa.

Deuteronomio 13:6

“Jan ucajj pachpa jilamasa, yokall wawamasa, imill wawamasa, uca munat warmimasa, uqhamaraqui uca wali munat amigomasa, jan qhitin ist'caya yakha diosanacar yupaychañ amtayätamjja, cawquïri Diosarutejj jan uñt'apcta ni jumasa ni wawanacamasa,

Deuteronomio 29:25

Ucatsti aqham sasaw arusjjatapjjaraquini: ‘Awquinacapan Diosapan suma arust'äwipwa p'aquintapjje, cawquïrtejj luräna cunapachatejj Egipto marcat irpsuncän ucapacha.

Deuteronomio 29:26

Ucqhasti sarapjjayätaw yakha diosanacar yupaychiri, quillt'asiri, cawquïri diosarutï jan uñt'apcäyäta ni cunsa churapcäyäta ucaru.

Deuteronomio 32:17

Supayanacaruw sacrificio loktapjjaraquïna, jan uñt'at c'ari diosanacaru, machak diosanacaru, ucqha purinitanacaru, cawquïri diosanacarutï awquinacamajj jan yupaychapjjerïqui ucaru.

Hebreos 3:16

¿Qhitinacaraquïnsti Diosan arup ist'asina juchachasirinacasti? Take qhitinacarutejj Moisesajj Egipto oraket apsuncatayna ucanacäpjjänwa.