Jeremías 44:3 - Qullan Arunaka DC

³ kunayman ñanqhanak lurapxatanakap layku. Yaqha diosanakar killt'asisa, ukanakar inciensonaka luqtasisaw nayarux ñanqhachapxitu; uka diosanakampisti jumanakasa, nayra awkinakamas janiw kuna lurañanakamas utjkänti.

Aymar Bibliia 1986

³ cunayman casta ñankhanac lurapjjatanacap laycu. Yakha diosanacaru quillt'asisa, ucanacaru inciensonaca loktasisaw nayarojj ñankhachapjjetu; uca diosanacampisti janiwa jumanacasa, ni nayra awquinacamasa cuna lurañanacamasa utjcänti.

Qullan Arunaca

³ cunayman casta ñankhanac lurapjjatanacap laycu. Yakha diosanacaru quillt'asisa, ucanacaru inciensonaca loktasisaw nayarojj ñankhachapjjetu; uca diosanacampisti janiwa jumanacasa, ni nayra awquinacamasa cuna lurañanacamasa utjcänti.

Jeremías 44:3 Jak'a apnaqawi uñst'ayäwi

Nehemías 9:33

Ukampis jumax chiqapätawa, taqi kunanakatix nanakxaru jutkäna ukanakat mutuñanakaxax wakisïnwa; jumax chiqaparuw uñjapxistaxa, nanakaw kunatix jan walïki uk lurapxtxa.

Isaías 3:8

Chiqpachapuniw Jerusalén markax q'al aynacht'xi, Judá markas q'ala tukjatarakiw qhiparxi, uka markanakansti taqiniw Tatiturux chuym ust'ayapxi.

Jeremías 11:17

“Naya taqi ch'aman Tatituw Israel markaru, Judá markarus aka uraqirux mä quqarjam ayruntta. Ukampis ñanqhanak lurapxatapata, Baal diosar yupaychapxatapat uka jan walt'añanak jupanakatak sartayta, ukham luratanakapampisti walpin phiñasiyapxitu.”

Jeremías 16:10

“Kunapachatix aka arunak jaqinakar yatiykäta ukapachasti, jiskt'apxarakïtamwa: ‘¿Kunatsa Tatitux nanakatak uka jan walt'añ apayani? ¿Kuna jan walsa lurapxtxa? ¿Kuna juchsa Dios Tatitu nayraqatan lurapxtxa?’ sasa.

Jeremías 22:9

Ukxarusti arusxatapxarakiniwa: ‘Jupanakax kuntix Tatitu Diosapax mä arust'äwi jupanakampi lurkäna uka apanukupxatayna, ukatsti yaqha diosanakaruw killisis yupaychapxarakitayna, ukat ukham uka markarux luri’ ” sasa.

Jeremías 29:19

Jumanakax janiw nayar luqtiri profetanakan iwxt'a arunakapar ist'apktati, nayasti mayamp mayampi jumanakarux uka profetanak khithanta, ukampis jumanakax janiw jupanakarux ist'apktati. Naya, Tatituw uk arsta.

Jeremías 32:30

Qalltatpach Israelankirinakampi Judá markankirinakampix kunatix nayatak jan walïki ukanak lurapxirïna; israelitanakasti jupanakan lurat diosanakampiw ñanqhachapxitäna. Naya, Tatituw uk arsta.

Jeremías 44:23

Yaqha diosanakar yupaychasaw Tatitu nayraqatan jucha lurapxtaxa, janirakiw kamachinakaparus ist'añsa, phuqhañsa munapktati. Ukatpï jichhax uka jan walt'añanakan jikxatasipxtaxa —sasa.

Jeremías 44:8

Aka Egipto markar jakir jutasax yaqha diosanakar yupaychasaw incienso luqtasipxta, ukham luratanakamampix jumanakpachakiw ñanqha lurasisipktaxa, taqi markanakan uñjkañaw jumanakax t'unjatäpxäta, uka markanak nayraqatansti mä p'inqaw tukupxarakïta.

Jeremías 5:19

‘¿Kunatarak Tatitu Diosasasti taqi akanak luristusti?’ sasa, ukxat jiskt'apkätam ukapachasti: jumax jupanakar sarakïtawa: ‘Kunjämatix jumanakax Tatitur apanukusin yaqha diosanakar aka pachpa uraqipan yupaychapxtaxa, ukhamarakiw jichhax jaya jaqin uraqipan yaqha markankir jaqinakar luqtas t'aqhisipxäta’ sasa.

Jeremías 5:29

¿Janit ukanakat mutuykästi? ¿Janit ukham jaqinakar juchap uñt'aykästi? Naya, Tatituw uk arsta.

Jeremías 7:19

Ukampis nayar ñanqhachañat sipansa, jupanakpachaw juk'ampi ñanqhachasisipki, jupanakatakisti mä p'inqarakiwa. Naya, Tatituw uk arsta.

Lamentaciones 1:8

Jerusalenax sintipuniw juchañchjasi, jisk'achjayasiñkamaw juchañchjasi. Khitinakatix nayrax jach'ar aptapkäna ukanakasti, jichhax jupar q'alal uñkatasax jisk'achapxiwa. Ukatpï jichhax jachaskixa, p'inqapatsa maysa uñtxaraki.

Lamentaciones 4:13

¡Taqi ukanaksti profetanakapan juchapata, sacerdotenakapan ñanqha luratapata, pachpa marka manqhan jan juchan jaqiru jiwayapxatapat ukham lurasïna!

Ezequiel 9:9

Tatitusti ukxarux sarakituwa: “Israel markampina, Judá markampin juchanakapax sinti jach'apuniwa. Uraqix jaqi jiwarayatanakampi phuqhantatawa; markax jan wali lurañanakampi phuqhantatawa. Nayas aka marka apanukkirista, janis ñanqha luratanakap uñjkirista ukham jupanakax amuyapxi.

Daniel (hebreo) 9:5

Nanakax juchachasipxtwa, ñanqhanak lurapxarakta; kunatix jan walïki uk lurapxta; jumar jan yäqasaw jakapxta; kamachi arunakamsa, arsutanakamsa apanukupxaraktwa.

Deuteronomio 13:6

6 (7) “Juman jilamatixa, pachpa jilamäkasina, jan ukax yuqall wawamasa, imill wawamasa, munat warmimasa, wali munat masimasa, jamasat jumar yaqha diosanakar yupaychayañ amtayätam, kawkïr diosanakarutix jumasa, awkinakamas jan uñt'kän ukaru,

Deuteronomio 29:25

25 (24) Ukxarusti sapxarakiniwa: ‘Aka markax nayra awkinakapan Diosapan suma arust'äwip p'akinti, Egipto markat irpsunkän ukapachaw uka arust'äwi Diosax jupanakamp luräna.

Deuteronomio 29:26

26 (25) Jupanakasti yaqha diosanakar yupaychiriw sarxapxi, jan uñt'at diosanakatakiw killt'asipxi, jupanakar jan kuns churir diosanakataki.

Deuteronomio 32:17

Ñanqha ajayunakaruw wilañchanak luqtapxäna, jan uñt'at k'ari diosanakaru, jichha uñstir machaq diosanakaru, awkinakapas ukanakar jan yupaychapxirïki ukaru.

Hebreos 3:16

¿Khitinakarak Diosan arup ist'kas kutkatasipxänsti? Moisesax khitinakarutix Egipto uraqit irpsunkäna ukanakänwa.