Jeremías 44:10 - Qullan Arunaca

¹⁰ Janiraquiw jumanacajj jichhacama sarnakäwinacamsa asquichasipctati, janiraquiw ajjsartañas utjapctamti, cuna yatichäwi leyinactejj nayajj jumanacaru, uqhamaraqui awquinacamaru churapcsma ucanacsa janiraquiw phokhapctati.

Aymar Bibliia 1986

¹⁰ Janiraquiw jumanacajj jichhacama sarnakäwinacamsa asquichasipctati, janiraquiw ajjsartañas utjapctamti, cuna yatichäwi leyinactejj nayajj jumanacaru, uqhamaraqui awquinacamaru churapcsma ucanacsa janiraquiw phokhapctati.

Qullan Arunaka DC

¹⁰ Jichhakamasti janiw jumanakax sarnaqäwinakamsa askichasipktati, janirakiw axsartañas utjapktamti, nayra awkinakamampiru, jumanakampir churata yatichäwinakarusa, kamachinakarusa janirakiw phuqhapktati.

Jeremías 44:10 Jak'a apnaqawi uñst'ayäwi

1 Reyes 21:29

“¿Uñjtati cunjämsa Acab reyejj nayan nayrakatajjan jisc'ar tucujja? Ucampis nayan nayrakatajjan jisc'ar tucutapatjja, janiw familiapjjarojj jan walt'añjja apayancäti jupan jacañapcama, jan ucasti wawapan jacañapanwa ucjja apayanëjja” sasa.

2 Reyes 22:19

chuymaman llaquisitamata, nayarusa jutatamata arsutanacajja ist'asina aca orake contra, uqhamarac take utjirinacap contraraqui, tucjatäñapataqui, maldicitäñaparaqui. Ucatsti isima ch'iyanokasitamata, uqhamarac nayan nayrakatajjana jachatamatsa, nayajj jumarojj ist'smawa. Naya Tatituwa ucjja sisma.

2 Crónicas 32:26

Ucampis Ezequiasajj jach'a jach'a tuccasinsa jupajj jisc'aruw tucüna Diosan nayrakatapana, uca pachparaquiw Jerusalenanquir jakenacasa lurapjjaraquïna. Ucatsti Tatitojj Ezequiasan jacäwipanjja janiw colerasiñapjja jupanacjjaru apayancänti.

2 Crónicas 33:12

Ucatsti cunapachatï wali t'akhesiana jicjjatascäna ucqhajja, Tatit Diosaparuwa art'asïna, ucatsti nayra awquinacapan Diosap nayrakatanjja walipuniwa jisc'aru tuct'äna.

2 Crónicas 33:19

Jupan oración luratapasa, uqhamarac catokatapasa, jucha luratanacapatsa, jan sum saratanacapatsa, cawqhanacarutejj yakha diosanacataqui santuario utanaca luraycäna ucanacatsa, Asera diosanaca uchayatapatsa, uqhamarac diosanac uchayatapatsa janïra Diosapatac jisc'ar tuct'cäna ucqha, profetanacapan sarnakäwipar kellkatawa.

2 Crónicas 34:27

chuymamsa ch'alljjtayasitamata, nayataquejja jisc'ar tucutamata, aca chekataquisa, uqhamarac jakenacap toke arsutajja ist'asinjja; nayan nayrakatajjansa jisc'ar tucutamata, isimsa ch'iyanokasitamata, uqhamarac nayan nayrakatajjana jachatamatsa, nayasti jumarojj ist'aracsmawa. Naya Tatituw ucjja jumarojj sisma.

Salmos 34:18

Tatitojj llaquimp aynacht'atanacan jac'apancasquiwa, jupanacar khespiyañataqui, aynacht'at chuymanacap waytañataqui.

Salmos 51:17

Diosatac chekpach loktäwejj cutiquipstat chuym loktañawa. Diosay, llamp'uptat chuymarojj janiw jumajj jisc'achctati.

Salmos 78:10

janiw Diosamp arust'äwi luratanacap yäkapcänti, janiraquiw yatichäwinacaparus jaysañ munapcänti.

Éxodo 10:3

Ucatsti Moisesampi, Aaronampejj faraonan ucar sarasinjja sapjjänwa: —Hebreonacan Tatitu Diosapasti aqham siwa: ‘¿Cunapachcamasa nayataqui jan llamp'u chuyman tucjjäta? Antutjjam marcajjaru nayar yupaychiri sarjjapjjañapataqui.

Éxodo 9:17

Ucampis jumajj janiw munctati marcajjaru sarjjañapatac antutañjja.

Éxodo 9:30

Ucampis nayajj suma yattjja janiwa jumasa, ni sirvirinacamasa Tatitu Diosan acancatapjja ajjsarapctati.

Proverbios 14:16

Yatiñan jakejj jan walirojja ajjsariwa, ucatsti jithektaraquiwa, ucampis jan yatiñan jakejj ch'amaparuquiw alcati.

Proverbios 16:6

Jucha luratarojja munasiñampi, cheka cancañampiwa pampachi; Tatitur ajjsaratap laycuwa maynejja jan walita jithekti.

Proverbios 28:14

Cusisiñaniwa Tatiturupuni ajjsartiri jakejja, ucampis chuyma kalarayasiri jakejj jan walt'añaruwa purini.

Proverbios 8:13

Tatitur ajjsarañajj, jan waliru uñisiñawa. Nayasti uñistwa jach'a jach'a tucuñaru, jan walina sarnakañaru, uqhamarac c'arisiñaru.

Isaías 42:24

¿Qhitis Israelarojj, Jacobon marcaparojj, atipjatäpan lunthatataraquïpan sejja? ¿Janiti Tatitu take ucanacjja lurayquejja? Jupanacasti Tatitutaquiw juchañchasipjje, janiraquiw cuna thactejj Tatitojj uñacht'ayqui ucanjam sarañ munapquiti, janiraquiw yatichäwinacaparus jaysapquiti.

Isaías 57:15

Alajjpachanquiristi, qhititejj wiñayatac jacqui, sutipasti kollanaraqui, ucajj aqham siwa: “Nayajj mä alto kollan chekanwa jacta, ucampisa qhititejj alt'at chuymani, llact'ata sarnakaraqui ucanacarusti ch'amañcharactwa.

Isaías 66:2

¡Take acanacjja nayaw amparajjampi lurta, uqhamatwa utjañjja kalltapjjaraqui! Naya Tatituw ucjja arsta. “Cawquïr jaktejj nayajj uñtascta ucajj qhititejj pobre, llact'ata sarnakqui, arunacajjsa suma ist'caraqui, phokcaraqui ucawa.

Jeremías 10:7

Marcanacan reyipa, ¿qhitis janejj ajjsartamjja? Juma sapaquiw ajjsaratäñajj waquistajja. Aca oraken yatiñani jakenacat sipansa, reyinacat sipansa janiw jumjamajj qhitis utjquiti.

Jeremías 26:4

Jupanacarusti naya Tatitun arsutajja saraquim: ‘Janitejj nayar ist'apquitani, uqhamaraqui cuna yatichäwinactejj nayajj jupanacaru siscta ucanacsa janiraqui phokhapcaniti,

Jeremías 32:23

Ucampisa cunapachatejj jupanacajj aca orakeru mantanipjjän ucapachasti, aca oraksa catuntasipjjän ucapachasa, janiw jumarojj ist'apcäyätamti, uqhamaraqui cuna arunactejj siscäyäta ucanacsa janiw phokhapcaraquïyätamti, take cuntejj jumajj jupanacaru siscäyäta uca arunacsti janiw catokapcänti. Ucatwa jichhajj take aca t'akhesiñanac apayantajja.

Jeremías 36:24

Janiraquiw reyisa, ni uca jach'a jilïrinacasa, uca arunaca ist'asinjja ajjsartapcänti, janiraquiw llaquisitanacapsa uñacht'ayapcänti.

Jeremías 44:23

Jichhasti cuna jan walt'añantejj jicjjatasipcta ucasti uqham jumanacan yakha diosanacaru incienso loktasipjjatamatwa jutapjjtamjja, uqhamatracwa jumanacajj Tatitutaqui jucha lurapjjtajja, janiraquiw yatichäwinacapsa, leyinacapsa, camachinacapsa ist'apctati ni phokhapcaractasa.”

Jeremías 5:3

Tata, jumajj cheka chuymani jakenac thaktajja. Mutuyaractawa, ucampisa janiw usuyasipquiti; Aynacht'ayascaractawa, ucampisa janiw yatekañ munapquiti. Kala chuymanïpjjewa, wali khorunacäpjjaraquiwa, janiraquiw cheka thaquiru cuttaniñsa munapquiti.

Jeremías 6:15

¡Jumanacajj take ucanacatjja p'enkasipjjañamänwa, take cunanactejj nayajj jan muncta ucanac luratanacamatjja! Ucampisa, janiw p'enkasipquiti, ¡janiraquiw cunatejj p'enkasiñäqui ucsa yatipquiti! Ucatpï jichhajja, cunapachatejj nayajj mutuycä ucqhajja, ch'anktasipjjaniwa, mayninacjamaw liwirtapjjaraquini. Naya Tatituw, ucjja sista.”

Jeremías 8:12

¡Take cuna jan walinactejj nayajj jan muncta ucanac luratanacamatjja jumanacajj p'enkasipjjañamänwa! Ucampisa, janiw p'enkasipctati, janiraquiw yatjjapjjtati cunäquitejj p'enkasiñajj ucsa. Ucatpï cunapachatejj nayajj mutuyapcäma ucapachajj, ch'anktasipjjätawa, mayninacjamaw liwirtapjjaraquïta. Naya Tatituw ucjja arsta.’ ”

Ezequiel 9:4

Juparojj saraquiwa: “Jerusalén marca muytam, cawquïrinacatejj aca marcan jan wali luräwinacap laycu wali llact'atäsipqui ucanacaru mä chimpu paranacaparu uscuraquim” sasa.

Malaquías 4:2

Ucampisa qhitinacatï nayaru ajjsartasa sarnakapcta ucanacataquejj, chekaparu sarnakañajj intir uñtataw khantanini, khanapasti jakenacataquejj khespiyasiñ apanini. Ucatsti jumanacajj cusisiñata jalnakapjjäta cunjämatejj vaca kallunacajj uyut mistusajj jalnakapquejj uqhama.

Mateo 27:54

Ucanccän uca capitanasti mayninacampejja, orak qhathatimpi, uqhamarac yakhanacampi uñjasinjja wal ajjsarapjjäna, ucat sapjjaraquïna: “Chekpachapuniw aca jakejj Diosan Yokapäpacha” sasa.

Lucas 23:40

Ucampis maynïr lunthatajj masiparojj tokenokänwa: —Jumas aqham mutuyatäcasinjja, ¿janit Diosarojj ajjsarcta?

Romanos 11:20

Chekpachansa jupajj qhuchhuratänwa jan iyawsañanïtap laycu, ucampis jumajj iyawsatam laycuquiwa uqhamätajja, ucatsti janiw jach'a jach'a tucuñamäquiti, jan ucasti ajjsart'añamawa.

1 Pedro 5:6

Jisc'aruy tucupjjam Diosataquejja, uqhamat jupajj jumanacar horasaparu jach'ar aptañapataqui.

Apocalipsis 15:4

Tata, ¿qhitiraqui jan ajjsariristamsti? ¿Qhitiraqui jan yupaychiristamsti? Juma sapaquïtaw kollanajja. Take marcanacaw jutasina jumarojj yupaychapjjaraquïtam, cheka asqui luratanacam uñjapjjatap laycu” sasa.