Jeremías 44:10 - Qullan Arunaka DC

¹⁰ Jichhakamasti janiw jumanakax sarnaqäwinakamsa askichasipktati, janirakiw axsartañas utjapktamti, nayra awkinakamampiru, jumanakampir churata yatichäwinakarusa, kamachinakarusa janirakiw phuqhapktati.

Aymar Bibliia 1986

¹⁰ Janiraquiw jumanacajj jichhacama sarnakäwinacamsa asquichasipctati, janiraquiw ajjsartañas utjapctamti, cuna yatichäwi leyinactejj nayajj jumanacaru, uqhamaraqui awquinacamaru churapcsma ucanacsa janiraquiw phokhapctati.

Qullan Arunaca

¹⁰ Janiraquiw jumanacajj jichhacama sarnakäwinacamsa asquichasipctati, janiraquiw ajjsartañas utjapctamti, cuna yatichäwi leyinactejj nayajj jumanacaru, uqhamaraqui awquinacamaru churapcsma ucanacsa janiraquiw phokhapctati.

Jeremías 44:10 Jak'a apnaqawi uñst'ayäwi

1 Reyes 21:29

“¿Kunjämtix Ahab reyix naya nayraqataxan jisk'ar tukki uk uñjtati? Nayan nayraqataxan jisk'ar tukutap laykuxa, janiw kuna ñanqhsa jupan jakañapkamax wila masinakapar apayankäti, jan ukasti yuqapan jakañapan ukxa apayanï” sasa.

2 Reyes 22:19

aka chiqawja uraqitaki, markachirinakapampitaki tukjat uñjasiñapa, ñanqhachatäñapa yatisin chuymam llakthaptayatam layku, llamp'ur tukutamata, isim ch'iyanuqasitamata, nayraqataxan jachatam laykuw, nayax jumar ist'araksma. Naya, Tatituw uk sisma.

2 Crónicas 32:26

Ukampis jach'a jach'a tukkasinsa, Ezequiasax Dios nayraqatan jisk'aruw tuküna, Jerusalenankir jaqinakax uka pachparak lurapxäna, Tatitusti Ezequiasan jakañapkamax janiw jupanakxaru q'apisiñap samaraskänti.

2 Crónicas 33:12

Ukatsti kunapachatix jan walt'añan jikxataskän ukkhaxa, Manasesax Tatit Diosaparuw art'asïna, nayra awkinakapan Diosap nayraqatanxa jisk'aruw tukt'äna.

2 Crónicas 33:19

Jupan mayisitapampi, ist'ayasitapampi, jucha luratanakapasa, jan wali sarnaqatanakapasa, qullu patanakan yaqha diosanakatak yupaychañ utanak lurayatapasa, kawkharutix Astarté diosaru, yaqha diosanaksa uchkäna, Diosapatak janïr jisk'ar tukkasa ukkha, taqi ukanakax profetanakapan sarnaqäwipan qillqatawa.

2 Crónicas 34:27

aka chiqataki, ukhamarak jaqinakap tuqi arsutaxa ist'asin chuymam ch'allxtayasitamata, nayatak jisk'ar tukutamata, isinakam ch'iyanuqasitamata, nayan nayraqataxan jachatamatxa, nayax jumar ist'smawa. Naya, Tatituw sisma.

Salmos 34:18

18 (19) Tatitux llakimpi aynacht'atanakan jak'apankaskiwa, aynacht'at chuymap qhispiyañatakix jak'apankaskiwa.

Salmos 51:17

17 (19) Diosatak chiqpach luqtäwix llamp'u chuyma luqtañawa; ¡Diosay, llamp'uptat chuymarux janiw jumax jisk'achktati!

Salmos 78:10

janiw Diosamp arust'äwi luratanakap yäqapkänti, janirakiw yatichäwinakaparus jaysañ munapkänti.

Éxodo 10:3

Moisesampi, Aaronampisti faraonan ukar sarasin jupar sapxäna: —Hebreonakan Tatit Diosapax akham siwa: “¿Kunapachkamarak nayatak jach'a jach'a tukuskakïtasti? Markaxar khithanukxam, nayar yupaychir sarañapataki,

Éxodo 9:17

Ukhamäkipansa, jumax markaxar jark'askaktawa, janiw sarxañapatak antutañsa munktati.

Éxodo 9:30

Ukampis nayax yattwa, janïraw jumansa, yanapirinakamansa Tatit Diosar axsartañanakamax utjapktamti —sasa.

Proverbios 14:16

Yatiñan jaqix ñanqharux axsariwa, jithiqtarakiwa, pisi chuyma jaqisti ch'amaparukiw alkati.

Proverbios 16:6

Munasiñampi, chiqa kankañampiw jucha luratarux pampachi; Tatitur axsaratap laykuw jaqix ñanqhat jithiqti.

Proverbios 28:14

Tatiturupun axsartir jaqix, kusisiñaniwa, chuyma qalarayasir jaqisti, jan walt'añaruw purini.

Proverbios 8:13

Tatitur axsartañaxa, jan walir uñisiñawa. Nayax, jach'a jach'a tukuñarusa, jan walin sarnaqañarusa, k'arisiñarus uñistwa.

Isaías 42:24

¿Khitis Israel, Jacobun markaparux, atipjatäpan, katuntatarakïpan sixa? Pachpa Tatituw ukham luratäñap amti. Jupanakasti Tatitu nayraqatan juch lurapxi, janiw kuna thaktix Tatitux uñacht'ayki ukanjam sarañ munapkiti, janirakiw yatichäwinakaparus jaysapkiti.

Isaías 57:15

Alaxpachankir Tatitu, khititix wiñayatak jakki, sutipasti qullanäkaraki, ukax akham siwa: “Nayax alay qullan chiqan jakta, ukampis khititix alt'at chuymani, llakt'ata sarnaqki ukarux ch'amañcharaktwa.

Isaías 66:2

¡Taqi akanak nayaw amparaxamp lurta, taqi kunas nayankiwa! Naya Tatituw uk arsta. “Kawkïr jaqirutix nayax uñtkta ukaxa, jan kunani, llakt'at sarnaqki, arunakaxsa sum phuqkaraki uka jaqiwa.

Jeremías 10:7

Jumax markanakan reyipätawa, juma nayraqatan taqiniw khathatipxi. Aka uraqin yatiñan jaqinakat sipansa, reyinakat sipansa, janiw jumjamax khitis utjkiti.

Jeremías 26:4

Jupanakarusti naya, Tatitun arsutax sarakim: ‘Janitix nayar ist'apkitani, janiraki kuna yatichäwinaktix nayax jupanakar siskta ukanaksa phuqhapkani,

Jeremías 32:23

Ukampis kunapachatix jupanakax aka uraqir utjantañatak mantanipkäna ukapachasti, janiw jumarux ist'apkäyätamti, kuna arunaktix siskäyäta ukanaksa janirakiw phuqhapkäyätamti. Ukat jichhax taqi aka t'aqhisiñanak apayantaxa.

Jeremías 36:24

Janiw reyisa, uka jach'a jilïrinakasa, uka arunak ist'asax axsartapkänti, janirakiw llakt'asipkänsa.

Jeremías 44:23

Yaqha diosanakar yupaychasaw Tatitu nayraqatan jucha lurapxtaxa, janirakiw kamachinakaparus ist'añsa, phuqhañsa munapktati. Ukatpï jichhax uka jan walt'añanakan jikxatasipxtaxa —sasa.

Jeremías 5:3

Tatay, jumax chiqa chuyman jaqinak thaqtaxa. Mutuytawa, ukampis janiw usuyasipkiti; aynacht'aytawa, ukampis janiw yatiqañ munapkiti. Chuymanakapsa qalat sipan juk'ampi qalarayasipxi, janirakiw chiqa thakhir kuttaniñsa munapkiti.

Jeremías 6:15

¡Kuntix nayax jan munkta ukanakat p'inqasipxañapänwa! Ukampisa, janiw p'inqasipkiti, ¡janirakiw kunatix p'inqasiñäki uksa yatipkiti! Ukatpï jichhaxa, kunapachatix mutuykä ukkhaxa, ch'anqtasisaw mayninakjam liwirtapxani. Naya, Tatituw uk sista.”

Jeremías 8:12

Ñanqha axtaskañ juchanakpin lurapxtaxa, ukham luratanakamat janiw p'inqasipktati, janirakiw kunäkitix p'inqasiñax uksa yatkxapxtati. Ukatpï mutuyapxämaxa, ukatsti taqiniw t'unjatäpxäta. Naya, Tatituw uk arsta.’ ”

Ezequiel 9:4

juparusti sarakïnwa: “Jerusalén marka muytam, ukatsti uka markan jan wali luräwinakap layku llakt'ata jikxatasir jaqinakan parapar mä chimpu uchäta” sasa.

Malaquías 4:2

2 (20) Ukampisa, khitinakatix nayar axsartas sarnaqapkta ukanakatakixa, chiqapar uñjañaxax intir uñtataw k'ajani, qhanapasti jaqinakatakix qhispiyasiñ apanini. Jumanakasti kusisiñata jalnaqapxäta kunjämtix vaca qallunakax uyut mistusax jalnaqapki ukhama.

Mateo 27:54

Jesusar uñjir capitanampi, soldadonakampisti, uraq khathatimpi, taqi kunatix luraskäna ukanakampi uñjasax, axsarañat sapxäna: —¡Aka jaqix chiqpachapuniw Diosan Yuqapätayna! —sasa.

Lucas 23:40

Ukampis maynïr lunthatax masipar tuqinuqänwa: —Jumas ukham mutuyatäkasin, ¿Janit Diosarux axsarkta?

Romanos 11:20

Walikïskiwa, jupanakax jan iyawsañanïtap laykuw qhuchhuqatäpxäna, jumasti iyawsañanïtam laykukiw ukankasktaxa. Ukhamasti jan jach'a jach'a tukumti, jan ukasti axsart'añamax utjpan.

1 Pedro 5:6

Diosatakix alt'at chuymanïpxam, ukhamat jupax jumanakar wakiskir urun jach'ar aptañapataki.

Apocalipsis 15:4

Tatay, ¿khitirak jumar jan axsarätamsti? ¿Khitirak sutimar jan yupaychanisti? Juma sapakïtaw qullanaxa; taqi markanakaw jumar yupaychir jutani, chiqa aski luratanakaman qhanstatap layku” sasa.