Jeremías 41:2 - Qullan Arunaca

² Mizpa sisqui uca chekan mank'casinjja, Ismael uqhamaraqui uca tuncanimpi sartasinwa espadampi Gedaliasarojj jiwayapjjäna, qhitirutejj Babilonianquiri reyejj Judá orake apnakañapataqui utt'ayawaycatayna ucaru.

Aymar Bibliia 1986

² Mizpa sisqui uca chekan mank'casinjja, Ismael uqhamaraqui uca tuncanimpi sartasinwa espadampi Gedaliasarojj jiwayapjjäna, qhitirutejj Babilonianquiri reyejj Judá orake apnakañapataqui utt'ayawaycatayna ucaru.

Qullan Arunaka DC

² Ismael chachax uka tunkanimpi sartasin Guedaliasarux espadampiw jiwayapxäna, khitirutix Babiloniankir reyix Judá uraqi apnaqañapatak utt'ayawaykatayna ukaru.

Jeremías 41:2 Jak'a apnaqawi uñst'ayäwi

2 Samuel 3:27

Cunapachatejj Abnerajj Hebronar purinïna ucqhasti, Joab jakejj marcat mistuña puncut qhursa tokeruw irpäna, jupa sapampiqui parlañataqui, ucanwa puracat chhokhontasin jiwayäna, Asael jilaparu jiwayatapat phoksusisa.

2 Reyes 25:25

Ucampis pakallkör phajjsina Netanías chachan Ismael yokapaw purinïna tunca jakenacamp chict'ata, jupasti Elisama chachan allchhipänwa, uqhamarac Judá marcanquir reyinacan familiapatänwa, ucatsti takpachaniw Gedalías chacharu jiwayapjjäna, uqhamarac Mizpa chekana judío jakenaca, caldeo jakenacasa utjcäna ucanacarus jiwayapjjaraquiquïnwa.

Salmos 109:5

Asqui luratajjatjja, ñankhampiw cutt'ayapjjetu, munasiñatsti uñisisiñampiw phokhapjjetu.

Salmos 41:9

Alcatañ uñt'at masejjamppacha, mank'añajjat mank'er jakemppachaw nayarojj ch'ojjñ luritu.

Jeremías 40:14

“¿Janit yatcta Baalis sata Amón oraken reyipajj jumataqui Netaniasan Ismael yokaparu qhitanitapa jumaru jiwayañataqui?” sasa. Ucampisa Gedaliasajj janiw jupanacarojj yäkcaraquïnti.

Jeremías 40:16

Ucampisa Gedaliasajj saraquïnwa: ¡Jan cunsa luramti! Cuntejj Ismael toketa parlapqui ucajj janiw chekäquiti” sasa.

Jeremías 40:5

Cuttjjaña munsta ucapachasti Gedaliasan ucaru cuttjjam, qhititejj Ahicam sat jakena yokapäqui, Safán jakena allchhipäcaraqui ucaru. Babilonianquiri reyisti juparuw Judá orakenquir marcanaca apnakañapataqui utt'ayaraqui, jupampi jacam uqhamaraqui marcamampi. Cawquirus sarjjañ munta ucaru sarascaquim” sasa. Comandantesti janc'aquiw Jeremiasarojj mä wajjt'äwi churaraquïna, uqhamaraqui cunanacatejj munasqui jacañataquejj ucanacsa, ucatsti qhitanucjjänwa.

Jeremías 40:7

Cunapachatejj comandantenacasa, uqhamaraqui soldadonacasa Judea orakena kheparcatayna, Judá ejercitota uca chekaru jilt'apcatayna pampa tokenacana, ucanacasti Babilonianquiri reyejj Gedaliasaru uca marca apnakañapataqui utt'ayatapa ist'asinsti, uca Gedaliasajj Ahicam sat jaken yokapänwa, uqhamaraqui take chachanacasa, warminacasa, wawanacasa cawquïrinacatejj Babiloniaru jan apatäpcän ucanacaru apnakañapataqui utt'ayatätapa ist'asinsti,

Jeremías 40:8

takpachaniw sarapjjäna Gedaliasan ucaru Mizpa sisqui uca chekana. Ucanac taypinsti ucancaraquïnwa Netaniasan Ismael sat yokapa; Carea sat jaken Johanán uqhamaraqui Jonatán sat yokanacapa; Tanhumet sat jaken Seraías sat yokapa; Netofanquiri Efai sat jaken yokanacapasa, Maacat chekanquiri mayni jaken Jezanias sat yokapasa ucancaraquïnwa take jakenacapampi cuna.

Jeremías 41:3

Ismael chachasti take judionacaruw jiwarayaraquïna, kawkha caldeo soldadonacatejj Gedaliasampi chica Mizpa chekan kheparapcatayna ucanacarusa.

Juan 13:18

“Janiw nayajj parlcti take jumanacata, nayajj yattwa qhitinacarutejj ajlliscta ucjja. Cuntejj Kellkatanjj sisqui ucajj phokhasiñapawa: ‘Cawquïritejj nayamp chica mank'qui ucajja nayataquiw sayt'i’ sasa.