Jeremías 41:2 - Qullan Arunaka DC

² Ismael chachax uka tunkanimpi sartasin Guedaliasarux espadampiw jiwayapxäna, khitirutix Babiloniankir reyix Judá uraqi apnaqañapatak utt'ayawaykatayna ukaru.

Aymar Bibliia 1986

² Mizpa sisqui uca chekan mank'casinjja, Ismael uqhamaraqui uca tuncanimpi sartasinwa espadampi Gedaliasarojj jiwayapjjäna, qhitirutejj Babilonianquiri reyejj Judá orake apnakañapataqui utt'ayawaycatayna ucaru.

Qullan Arunaca

² Mizpa sisqui uca chekan mank'casinjja, Ismael uqhamaraqui uca tuncanimpi sartasinwa espadampi Gedaliasarojj jiwayapjjäna, qhitirutejj Babilonianquiri reyejj Judá orake apnakañapataqui utt'ayawaycatayna ucaru.

Jeremías 41:2 Jak'a apnaqawi uñst'ayäwi

2 Samuel 3:27

Abneran Hebronar puripansti, Joab jaqix markat mistuñ punkut khursa tuqiruw jupar irpäna, jupampikis parlañ munkaspa ukhama. Ukan purakat chhuqhuntasin Abnerar jiwayäna, Asael jilapar jiwayatapat phuqsusisa.

2 Reyes 25:25

Ukampis kunapachatix Guedaliasax paqallqu phaxsi marka apnaqañ phuqkän ukapachaxa, Judá markankir reyinakat saraqir Ismael chachaw tunka jaqinakamp chikt'at Mispá chiqar purinïna, ukatsti jupax Guedalías chacharux jiwayänwa, jupar yanapiri judionakarusa, babilonio jaqinakarusa jiwayarakïna.

Salmos 109:5

Aski lurataxatxa, ñanqhampiw kutt'ayapxitu, munasiñatsti uñisisiñampiw phuqhapxitu.

Salmos 41:9

9 (10) Nayan munat masixamppacha, khitirutix alkataskäyät ukamppacha, khititix nayamp manq'kän ukamppachaw nayarux ch'uxña luritu.

Jeremías 40:14

ukatsti juparux sapxarakïnwa: —May yatiyañ munapxsma, Baalís sata Amón uraqin reyipax jiwayañ munasktam. Ukatakisti Netaniasan Ismael yuqaparuw khithani —sasa. Guedaliasasti janiw jupanakarux yäqkänti.

Jeremías 40:16

Ukampis Guedaliasax sarakïnwa: —¡Jan kunsa luramti! Kuntix Ismaelxat parlkta ukax janiw chiqäkiti —sasa.

Jeremías 40:5

Kuttxañ munsta ukapachasti, Guedaliasan ukar kuttxam, khititix Ahicam sat jaqin yuqapäki, Safán jaqin allchhipäkaraki ukaru. Babiloniankir reyisti juparuw Judá uraqinkir markanak apnaqañapatak utt'ayaraki, ukhamasti jupampi jakir sarxam, ukhamaraki markamamp chika. Kawkiruy sarxañ munsta ukarux saraskakim” sasa. Uka jilïristi jank'akiw Jeremiasarux mä waxt'äwi churäna, ukhamaraki kunanakatix munaski jakañatakix ukanaksa, ukatsti khithanukxänwa.

Jeremías 40:7

Judá markan ejercitopan jilïrinakapaxa, soldadonakapasa, khitinakatix pampan jikxatasipkäna ukanakaxa, Babiloniankir reyix Ahicam jaqin Guedalías yuqapar uka marka apnaqañapatak utt'ayatapa yatisinsti, ukhamaraki taqi chachanaka, warminaka, wawanaka, kawkïrinakatix Babiloniaru jan apatäpkän ukanakar apnaqañapataki utt'ayatätapa ist'asinsa,

Jeremías 40:8

taqpachaniw Mispá sat chiqar Guedaliasan ukar sarapxäna. Ukanak taypinsti Netaniasan Ismael sat yuqapaw ukankäna; Caréah sat jaqin Johanán ukhamaraki Jonatán sat yuqanakapa; Tanhúmet sat jaqin Seraías yuqapa; Netofankiri Efai sat jaqin yuqanakapa, Maacat chiqankir mayni jaqin Jezanías sat yuqapasa, taqi jaqinakapampi kunaw ukankarakïna.

Jeremías 41:3

Ismael chachax taqi judionakaru, qawqha babilonio soldadonakatix Guedaliasampi chika Mispá chiqan qhiparapkatayna taqi ukanakaruw jiwarayarakïna.

Juan 13:18

“Janiw nayax taqi jumanakat parlkti; nayax khitinakarutix ajlliskta uk sum yatta. Ukampis kunatix Qillqatan siski ukax phuqhasiñapawa: ‘Kawkïritix nayamp chika manq'ki ukax nayatakiw sayt'i’ sasa.