Jeremías 32:40 - Qullan Arunaca

⁴⁰ Jupanacampisti mä machaka wiñay arust'äwi luräjja: Jupanacarusti uca arust'äwinjja arsuraquïwa, asqui lurañataquipuni; chuymanacaparusti nayaru jach'anchañwa phokhantaraquï, uqhamaraqui nayatsa janipuni mayampis sarakañapataqui.

Aymar Bibliia 1986

⁴⁰ Jupanacampisti mä machaka wiñay arust'äwi luräjja: Jupanacarusti uca arust'äwinjja arsuraquïwa, asqui lurañataquipuni; chuymanacaparusti nayaru jach'anchañwa phokhantaraquï, uqhamaraqui nayatsa janipuni mayampis sarakañapataqui.

Qullan Arunaka DC

⁴⁰ Jupanakampisti mä wiñay arust'äwi lurä: uka arust'äwinxa arsurakïwa jupanakampipunïñataki, yanapt'arakïwa, ukatsti nayar jach'añchañ chuyma churä, ukhamat nayat janipun saraqañapataki.

Jeremías 32:40 Jak'a apnaqawi uñst'ayäwi

2 Samuel 23:4

khantati warawarjamäniwa, alajjpachan jan kenayan intejj khantquis uca khanjamäniwa, cawquïri khanatejj koranacsa jallu pasatatjja jiltayqui uqhamäniwa’ sasa.

Salmos 80:19

Take atipir Diosay, cunjämäpcäyättejj uqhamaruy cutjtayjjapjjeta, ¡qhuyapayasiñamampiy uñtanipjjeta, nanacasti khespiyataw uñjasipjjä!

Isaías 24:5

Orakesti jakenacampi taquisitawa, leyinacsa apanucupjjaraquiwa, camachinacsa janiw phokhapcaraquiti, Tatitun wiñayatac arust'äwipsa t'unapjjaraquiwa.

Isaías 55:3

Nayan ucar jutapjjam, ucatsti ist'apjjeta, ist'apjjeta, ucatsti jacapjjätawa. Nayaw jumanacampejj wiñay arust'äwi lurä, uqhamat phokharaquï cuntejj mä uru Davidarojj munasiñampi arscta ucjja.

Isaías 61:8

“Tatitusti cunatejj chekapäqui ucwa muni, lunthatasiñampiru jake jiwayañampirusti uñisiraquiwa. Jupaw jumanacarojj cunatejj churañäqui ucjja take chuyma churapjjätam, mä wiñay arust'äwi jupanacampejj luraraquini.

Jeremías 24:7

Jupanacarusti mä suma amuyu churaraquï nayan Tatitütajja yatipjjañapataqui; jupanacasti marcajjäniwa, nayasti jupanacan Diosaparaquïyäwa, nayaru take chuymampi cuttanjjapjjatapata.

Jeremías 31:34

Nayar uñt'añataquejja janiraquiw waquiscjjaniti, yatichasipjjañanacapajj maynit maynicama amigonacaparusa, uqhamarac familianacaparusa, takeniraquiwa jisc'at jach'acama nayarojj uñt'apjjetani. Nayasti jupanacarojj ñankha luratanacapatjja perdonaraquïwa, jucha luratanacapatsti janiw mayampsa amtascjjaraquïti. Naya Tatituw ucjja arsta” sasa.

Jeremías 50:5

Sión thaqui toketwa jisct'asipjjaraquini, ucatsti ucsaruw aqham sasa sarapjjaraquini: ‘Tatitun ucaru sarjjañäni, jupampisti mä wiñayataqui arust'äwi luraraquiñäni, jan mayampitaqui armasquiri’ sasa.

Ezequiel 36:26

Jumanacarusti mä machak chuyma, mä machak ajayu uscjjapjjaraquïma. Jumanacatsti uca kala chuymjja apakjjapjjaraquïmawa, mä llamp'u chuyma churjjapjjaraquïma.

Ezequiel 36:27

Nayan ajayojjwa jumanacarojj churapjjäma, uqhamata leyinacajjsa, arsutanacajjsa phokhapjjañamataqui,

Ezequiel 37:26

Jupanacan jan cun ajjsarasa jacasipjjañanacapataquisti mä amtäwiruw mantäjja. Uca amtäwisti wiñaya amtäwïniwa. Jupanacarusti waljaniruw tucuyaraquëjja, jupanac taypirusti wiñayataquiw nayan kollan templojja ucharaquëjja.

Ezequiel 39:29

Janiw jichhajj mayampsa jupanacataquejj maysa uñtcjjäti, Israel marcjjaru ch'amajj churanjjta uca laycu. Naya Tatituw ucjja arsta.”

Miqueas 4:5

Yakha marcanacajj pachpa diosanacaparuw jaysapjjejja, ucampis jiwasanacajj Tatitu Diosasarupuniw jaysañäni.

Deuteronomio 31:6

Ch'amañcht'asipjjam, sayt'asipjjaraquim, jan ajjsarapjjamti ni sustjasipjjamsa jupanacampi nuwasiñataquejja, Tatitu Diosamaw jumanacampïsqui uca laycu, janiraquiwa jaytapcätamti ni apanucupcätamsa.”

Deuteronomio 31:8

Tatitu pachpaw juman nayram sarani, jumampiraquïniwa, janiraquiw jaytcätamti ni antutcaraquïtamsa, uqhamasti jan ajjsaramti, janirac lajllasimsa.”

Hebreos 13:20

Sumancañan Diosajj Jesucristorojj jiwatanac taypit jactayi. Uca Jesucristosti ovejanacan jach'a awatiripawa, wilapampiwa wiñay arust'äwipjja arsuwayi.

Hebreos 4:1

Uqhamasti, Diosampi samarir mantañatac arsüwejj jiwasatac utjquipanjja amuyasirïñasawa, ucatarac jumanacat cawquïris jan mantcaspati.

Hebreos 7:24

Ucampis Jesusajj janiw jiwquiti, janiraquiw sacerdotëñapas yakharojj pasquiti.

Santiago 1:17

Take cunatejj asquïqui uqhamarac chekäqui ucajj alajjpachatwa juti, qhititejj alajjpach khananac lurqui uca Diosawa churistu. Diosajj pachpaquipunïsquiwa, janiraquiw jupanjja sarir ch'iwir uñtatas utjquiti.

1 Pedro 1:5

Jumanacarusti Diosajj jupar iyawsapjjatam laycojja, jach'a ch'amapampiw take cunatsa imasipcaractam, cuna khespiyasiñatejj jumanacataqui waquichatäqui uca catokapjjañamcama. Uca khespiyasiñsti khepa urunacaw jumanacajj catokasjjapjjäta.