Jeremías 32:40 - Qullan Arunaka DC

⁴⁰ Jupanakampisti mä wiñay arust'äwi lurä: uka arust'äwinxa arsurakïwa jupanakampipunïñataki, yanapt'arakïwa, ukatsti nayar jach'añchañ chuyma churä, ukhamat nayat janipun saraqañapataki.

Aymar Bibliia 1986

⁴⁰ Jupanacampisti mä machaka wiñay arust'äwi luräjja: Jupanacarusti uca arust'äwinjja arsuraquïwa, asqui lurañataquipuni; chuymanacaparusti nayaru jach'anchañwa phokhantaraquï, uqhamaraqui nayatsa janipuni mayampis sarakañapataqui.

Qullan Arunaca

⁴⁰ Jupanacampisti mä machaka wiñay arust'äwi luräjja: Jupanacarusti uca arust'äwinjja arsuraquïwa, asqui lurañataquipuni; chuymanacaparusti nayaru jach'anchañwa phokhantaraquï, uqhamaraqui nayatsa janipuni mayampis sarakañapataqui.

Jeremías 32:40 Jak'a apnaqawi uñst'ayäwi

2 Samuel 23:4

qhantati warawarar uñtatäniwa, jan qinayan urun, qhantkir intiru uñtatäniwa, quranaksa jallu purintipan inti qhanapampi jiltayki ukhamäniwa’ sasa.

Salmos 80:19

19 (20) Taqi ch'aman Diosay, kunjamäpkäyättix ukhamaruy kutjtayxapxita, ¡khuyapayasiñamampiy uñtanipxita, nanakasti qhispiyataw uñjasipxä!

Isaías 24:5

Uraqisti jaqinakapan takisitawa, kamachinak jan phuqhatap layku, arsutanakaparus janiw jaysapkiti, Tatitun wiñayatak arust'äwipsa p'akintapxarakiwa.

Isaías 55:3

Nayan ukar jutapxam, ukatsti ist'apxita, ist'apxita, ukatsti jakasipkätawa. Nayaw jumanakampix wiñay arust'äwi lurä, ukhamat kuntix Davidarux munasiñampi arskta uk phuqharakï.

Isaías 61:8

Tatitusti kunatix chiqapäki uk muni, lunthatasiñampi, jaqi jiwayañampirux uñisiwa. Jupaw jumanakarux kunatix churañäki uk taqi chuyma churapxätam, ukatsti mä wiñay arust'äwi jumanakampix lurani.

Jeremías 24:7

Jupanakarusti nayan Tatitütax yatipxañapatakiw mä suma amuy churarakï; jupanakasti markaxäniwa, nayasti jupanakan Diosaparakïyäwa, nayar taqi chuymampi kuttanxapxatapata.

Jeremías 31:34

Nayar uñt'añatakix janiw wakiskxaniti, maynit maynikama, masinakkama, wila masinakkam yatichasiñanakapaxa, taqiniwa jisk'at jach'akama nayarux uñt'apxitani. Nayasti jupanakarux ñanqha luratanakapat pampachäwa, jucha luratanakapatsti janirakiw mayampsa amtaskxäti. Naya, Tatituw uk arsta” sasa.

Jeremías 50:5

Jerusalén markar sarir thakhit jiskt'asipxani, ukatsti uksaruw akham sasa sarapxarakini: ‘Tatitun ukar sarxañäni, jupampisti wiñayatak mä arust'äwi lurañäni, jan mayampitak armaskiri’ sasa.

Ezequiel 36:26

jumanakarusti mä machaq chuyma, mä machaq ajayu churxapxäma. Jumanakat uka qala chuyma apaqxapxäma, mä llamp'u chuyma churxapxarakïma.

Ezequiel 36:27

Chuymanakamaruw nayan ajayux uchä, ukhamat kamachinakax phuqhapxañamataki,

Ezequiel 37:26

Jupanakan jan kun axsaras jakasipxañapatakisti mä arust'äwi lurä. Ukasti wiñay arust'äwïniwa. Nayaw jupanakarux waljaniru tukuyxä, jupanak taypirusti wiñayatakiw nayan qullan utax ucharakï.

Ezequiel 39:29

Janipuniw jupanakatakix mayampsa maysaru uñtkxäti, Israel markxaru ajayuxa warxatanitax layku. Naya, Tatituw uk arsta.”

Miqueas 4:5

Yaqha markanakax pachpa diosanakaparuw jaysapxi, ukampis jiwasanakax Tatit Diosasarupuniw jaysañäni.

Deuteronomio 31:6

Ch'amañcht'asipxam, qamas katxatapxarakim, jupanakamp nuwasipkät ukkhaxa, jan axsarapxamti, janirak khathatipxamsa, Tatit Diosamaw jumanakampïski, janiw jaytapkätamti, janirakiw apanukupkätamsa” sasa.

Deuteronomio 31:8

Tatituw juman nayräxam sarani, jumampïskaniwa; janiw jaytkätamti janirakiw antutkätamsa; ukhamasti, jan axsaramti, janirak llajllasimsa.”

Hebreos 13:20

Sumankañ churir Diosax, Tatit Jesucristosaruw jiwatanak taypit jaktayawayi, ovejanakan jach'a Awatiriparu, jupax wilapampiw wiñay arust'äwi arsuwayi,

Hebreos 4:1

Ukhamasti, Diosan samarañapar mantañatak arsüwi utjkipan wal amuyasiñasawa, inampis jumanakat kawkïris jan mantkaspa.

Hebreos 7:24

ukampis Jesusax wiñay jakirïtap laykux sacerdote lurañap janiw yaqhar churkänti.

Santiago 1:17

Kunatix askïki, chiqäki ukax alaxpachankir Diosat juti, jupax alaxpachankir warawaranak lurawayi. Diosax pachpakïskiwa, jupansti janiw mayjt'añasa, ch'amakt'añas utjkiti.

1 Pedro 1:5

Tatitux jupar iyawsapxatamatxa, kawkïr qhispiyasiñtix jumanakatak wakichatäki uk katuqapxañamkamaw jach'a ch'amapampix taqi kunat imasipkaraktam, ukasti qhipa urunakan yatiyatäniwa.