Jeremías 32:34 - Qullan Arunaca

³⁴ Nayaru catuyata templsa taquisipjjewa, uca ajjtascañ yakha diosanacap ucar uchasisajja.

Aymar Bibliia 1986

³⁴ Nayaru catuyata templsa taquisipjjewa, uca ajjtascañ yakha diosanacap ucar uchasisajja.

Qullan Arunaka DC

³⁴ Nayar katuyat utaxsa, uka axtaskañ yaqha idolonakap uchasisaw takisipxi.

Jeremías 32:34 Jak'a apnaqawi uñst'ayäwi

2 Reyes 21:1

Cunapachatï Manasés waynajj tunca payan maranïna ucqhawa reyïña kalltäna. Ucatsti Jerusalén marcanjja pheska tunca pheskan maraw reyïna. Taycapasti Hepsiba sat sutinïnwa.

2 Reyes 23:6

Tatitun templopanccäna uca Asera diosjja Jerusalenata ankäjjaruw apanucüna. Ninampiwa naqhantayäna khellar tucuyañcama Cedrón sat jawira umakatana, ucatjja uca khelljja willtänwa jakenacan amaya imäwipjjaru.

2 Crónicas 33:15

Ucjjarojj Tatitun templopatjja apakayaraquïnwa yakha marcanacanquiri diosanacaru, uqhamarac uca diosarusa, kollu patanquir templotwa apakayaraquïna c'ari diosanacataqui take altaranaca luraycäna ucanaca, uqhamarac Jerusalenatsa, ucatsti marcat ankäjjaruwa jakonucuyäna.

2 Crónicas 36:14

Uqhamaraquiw Judá orakenquir jilïrinacasa, sacerdotenacasa, uqhamarac jakenacasa juc'amp jan walinaca lurapjjäna, jucharar marcanacan ajjtcaña luräwinacapa lurasina, uqhamarac Tatitun templopa taquichasina, cuntejj Tatitojj Jerusalenan santuario ajlliscäna uca.

Jeremías 19:4

Israelitanacasti nayarojj apanucuwayapjjetuwa, aca oraksti yakha orakeruw tucuyapjjaraqui, aca chekanwa yakha diosanacaru inciensonac loktasipjjaraqui, uca diosanacsti janiw jupanacajj uñt'apcänti; ni nayra awquinacapasa, ni Judá orakenquir reyinacasa uñt'apcänti; aca orakerusti jan juchani jakenacan wilapampiw phokhantapjjaraqui.

Jeremías 23:11

Tatitusti siwa: “Profetanacasa, sacerdotenacasa juchararcamaquïpjjewa, Pachpa templojjanwa jan walinac lurasipquiri jicjjataracta.

Jeremías 30:14

Take munirinacamasti apanucuwayjjapjjtamwa, janiw jumat amtascjjapjjaraquiti. Nayaw jumarojj uqham chhojjriñchsmajja, uñisirimäquiristsa uqhama jan qhuyapt'ayasisaw mutuyämajja, walja jach'a juchanac luratam laycuw uqham lursmajja.

Jeremías 34:15

Ucampisa jichhajj jumanacajj sarnakäwinacamjja mayjaruwa tucuyjjapjjtajja, cunatejj nayataquejj asquïqui ucwa lurapjjaractajja, marca masi esclavonacamaru antutjjasajja. Ucatsti mä arust'äwiruraquiw mantapjjänjja nayan nayrakatajjana, cawquïri templotejj nayataqui satäqui ucana.

Jeremías 44:4

Nayasti mayampi mayampwa nayar sirviri profetanacjja qhitanipjjäyäsma jumanacaru jan uca ajjtaña luräwinaca lurapjjañanacamata jarct'añapataqui, nayasti uca luräwinacampejj ajjtastwa.

Jeremías 7:10

take ucanac lurasinsti aca nayan templojjaru, cawquïritï nayaru loktatäqui, ucarojj jutapjjaractawa, naya nayrakataru uñstañataquejja. Ucatsti amuyasipjjaractawa, ucanjja arjjatatäsipcasmasa uqhama ucat take uca jan walinacjja lurasipcaraquisma, ucatsti nayajj uca luratanacamjja janiw juc'ampi uñjcäti.

Jeremías 7:30

Tatitusti siwa: “Judá orakenquir jakenacasti mä jan walwa lurapjje nayaru ñankhachquiri: uca ajjtascañ c'ari diosanacapwa nayar loktat templorojj uchasjjapjje, uqhamat templojja k'añuchapjje.

Jeremías 7:31

Ben-hinom vallensti Tofet sat nina phichhaña chekaruraquiw altar waquichapjje, ucan imill wawarusa jan ucajj yokall wawarusa naqhantayañataqui, nayasti janipuniw jupanacarojj ucanac lurapjjam siscti, ni amtäwejjansa ucanacajj utjcaraquïnti.