Jeremías 32:23 - Qullan Arunaca

²³ Ucampisa cunapachatejj jupanacajj aca orakeru mantanipjjän ucapachasti, aca oraksa catuntasipjjän ucapachasa, janiw jumarojj ist'apcäyätamti, uqhamaraqui cuna arunactejj siscäyäta ucanacsa janiw phokhapcaraquïyätamti, take cuntejj jumajj jupanacaru siscäyäta uca arunacsti janiw catokapcänti. Ucatwa jichhajj take aca t'akhesiñanac apayantajja.

Aymar Bibliia 1986

²³ Ucampisa cunapachatejj jupanacajj aca orakeru mantanipjjän ucapachasti, aca oraksa catuntasipjjän ucapachasa, janiw jumarojj ist'apcäyätamti, uqhamaraqui cuna arunactejj siscäyäta ucanacsa janiw phokhapcaraquïyätamti, take cuntejj jumajj jupanacaru siscäyäta uca arunacsti janiw catokapcänti. Ucatwa jichhajj take aca t'akhesiñanac apayantajja.

Qullan Arunaka DC

²³ Ukampis kunapachatix jupanakax aka uraqir utjantañatak mantanipkäna ukapachasti, janiw jumarux ist'apkäyätamti, kuna arunaktix siskäyäta ukanaksa janirakiw phuqhapkäyätamti. Ukat jichhax taqi aka t'aqhisiñanak apayantaxa.

Jeremías 32:23 Jak'a apnaqawi uñst'ayäwi

Esdras 9:7

Qhä pachata jichhacamawa wali jucha lurañana jacapjjta. Ucatsti nanacan juchanacajj laycojja, nanacasa, reyinacajjasa, uqhamarac sacerdotenacajjasa yakha marcanacanquir reyinacan munañanacapar catuyataw jicjjatasipjjta. Ucatjja chhojjrinchjata, jayar apanucuta, aparata, jisc'achjata jicjjatasipjjäyäta, jichhasti uca pachpa luräwiruraquiw puripjjaracta.

Nehemías 9:15

Ucatjja mank'at awtjatäpcäna ucqhasti alajjpachatwa t'ant'a churaniractajja sist'asipjjañapataqui, uqhamarac umat pharjatäpcäna ucqhasti karkatwa uma jalsuyarapïyätajja umt'apjjañapataqui. Ucatjja arsüyätawa cawquïr oraktejj churañataqui parlcayäta ucar mantapjjañapataqui.

Salmos 78:10

janiw Diosamp arust'äwi luratanacap yäkapcänti, janiraquiw yatichäwinacaparus jaysañ munapcänti.

Jeremías 2:7

Nayaw jumanacarojj aca suma orakeru irpanipjjsma, uqhamat achunacapa mank'apjjañamataqui, suma achunacapata mank'apjjañamataqui. Ucampis jumanacajj jutasinjja nayan orakejj-jja taquisipjjtawa, aca oraketsti ajjtasiyapjjaraquistawa, nayan orakejjata.

Jeremías 26:4

Jupanacarusti naya Tatitun arsutajja saraquim: ‘Janitejj nayar ist'apquitani, uqhamaraqui cuna yatichäwinactejj nayajj jupanacaru siscta ucanacsa janiraqui phokhapcaniti,

Jeremías 44:10

Janiraquiw jumanacajj jichhacama sarnakäwinacamsa asquichasipctati, janiraquiw ajjsartañas utjapctamti, cuna yatichäwi leyinactejj nayajj jumanacaru, uqhamaraqui awquinacamaru churapcsma ucanacsa janiraquiw phokhapctati.

Jeremías 7:26

Ucampisa jumanacajj janiw nayarojj jaysapquistati, ni ist'apcaraquistasa, jan ucasti juc'ampi khoru chuymaniw sarnakapjjtajja nayra awquinacamatsa juc'ampi.

Lamentaciones 1:18

Tatitojj lurañapwa lurasqui, nayan camachi arunacapataqui sayt'asitajj laycu. ¡Take marcanaca, ist'apjjeta; t'akhesitajjsa uñjapjjaraquim! ¡Marcajjanquiri waynanacasa, tawakonacasa, preso apataw uñjasipjjaraqui!

Lamentaciones 1:8

Jerusalenajj sintpunwa juchañchjasiraqui, jisc'achayasiñcamaw juchañchjasiraqui. Qhitinacatejj nayrajj jach'aru aptapcän ucanacasti jichhajj jisc'achjjapjjaraquiwa, juparojj k'alala uñjapjjatap laycu. Ucatpï jichhajj jachasquejja, p'enkapatsti maysa uñtjjaraqui.

Ezequiel 20:18

Wawanacaparus mayiraquïyätwa, cuntejj awquinacapajj lurapcän ucanacjja jan lurapjjañapataqui, cuntejj awquinacapajj sapcän ucanacsa jan phokhapjjañapataqui, janiraqui yakha diosanacampis k'añuchasipjjañapataqui.

Ezequiel 20:21

“Ucampisa jupanacan wawanacapajj nayataquejj sayt'asipjjaraquiquïnwa. Leyinacajjsa, camachi arunacajjsa janiw phokhapcaraquïnti ni ucarjamas sarnakapcaraquïnti, uca arunacasti qhitinacatejj ucarjama sarnakapqui ucanacarojj jacaña churi, samaraña urunacajjsa taquisipjjaraquïnwa. Nayasti uca pachpa wasaranwa jupanacarojj colerasiñajj wartaniñ munäyäta, pachpa wasaran jupanacar tucjaña, uqhamat colerasiñajjajj samarañapataqui.

Ezequiel 20:8

“Ucampisa jupanacajj cutcatasipjjetuwa janiraquiw arunacajjsa ist'añsa munapcänti; uca ajjtascañ diosanacapatsa janiw jithektapcänti, janiraquiw Egiptonquir c'ari diosanacapsa apanucuñ munapcänti. Nayasti colerasiñajjsa jupanacjjaru wartaniña amtäyätjja, pachpa Egipto oraken mutuyaña colerajjajj apaktañapcama.

Lucas 17:10

Uqhamaraquiw jumanacajj cunapachatï take cuntejj Diosajj luram sapctam ucanac tucuyasajj sapjjañamajja: ‘Inamaya uywatanacaquïpjjtwa, cunatejj lurañanacajjäcän ucacwa lurapjjta’ ” sasa.

Juan 15:14

Jumanacajj nayan amigonacajjäpjjtawa, cuntejj nayajj jumanacar sapcsma uc lurapjjäta ucajja.

Gálatas 3:10

Qhitinacatejj Moisesan leyiparu catuyasipqui ucanacajja maldicitäpjjewa. Kellkatansti aqham siwa: “Take qhitinacatejj ley libron kellkatäqui ucanacarjama janipun phokcchi ucajja, maldicitäpjjewa.”

Santiago 2:10

Mä jaketejj Diosan take leyipar phokchejja ucat mä juc'ac pantjchi ucqhajja, juchaniwa takpach leyitjja.

Josué 21:43

Uqhamawa Diosajj uca Israel marcarojj take uca orakenac churäna, cunjämtï nayra awquinacaparu juramentompi arscäna uqhamar phokhasa. Ucatwa jupanacajj uca oraken utjasipjjäna, uqhamarac ucan jacapjjäna.

Josué 23:16

jumanacatejj Diosampi mantatäqui uca amtäwiru jan phokhapcäta, yakha diosanacaru yupaychapjjäta, uqhamaraqui quillt'asipjjätasa ucqhajj Diosajj jumanacataquejj colerasiniwa, ucatsti janc'aquiw aca suma orake churapctam ucatjja chhaktayapjjätam”