Jeremías 32:23 - Qullan Arunaka DC

²³ Ukampis kunapachatix jupanakax aka uraqir utjantañatak mantanipkäna ukapachasti, janiw jumarux ist'apkäyätamti, kuna arunaktix siskäyäta ukanaksa janirakiw phuqhapkäyätamti. Ukat jichhax taqi aka t'aqhisiñanak apayantaxa.

Aymar Bibliia 1986

²³ Ucampisa cunapachatejj jupanacajj aca orakeru mantanipjjän ucapachasti, aca oraksa catuntasipjjän ucapachasa, janiw jumarojj ist'apcäyätamti, uqhamaraqui cuna arunactejj siscäyäta ucanacsa janiw phokhapcaraquïyätamti, take cuntejj jumajj jupanacaru siscäyäta uca arunacsti janiw catokapcänti. Ucatwa jichhajj take aca t'akhesiñanac apayantajja.

Qullan Arunaca

²³ Ucampisa cunapachatejj jupanacajj aca orakeru mantanipjjän ucapachasti, aca oraksa catuntasipjjän ucapachasa, janiw jumarojj ist'apcäyätamti, uqhamaraqui cuna arunactejj siscäyäta ucanacsa janiw phokhapcaraquïyätamti, take cuntejj jumajj jupanacaru siscäyäta uca arunacsti janiw catokapcänti. Ucatwa jichhajj take aca t'akhesiñanac apayantajja.

Jeremías 32:23 Jak'a apnaqawi uñst'ayäwi

Esdras 9:7

Khä urunakatpach jichhakamaw wali jucha lurañan jakapxta. Juchanakax laykuw nanakasa, reyinakaxasa, sacerdotenakaxas yaqha markanakankir reyinakan munañanakapar katuyat jikxatasipxta. Ukatxa chhuxriñchjata, jayar apanukuta, lunthatjata, jisk'achjata jikxatasipxäyäta, jichhasti uka pachpa luräwiruw puripxarakta.

Nehemías 9:15

Manq'at awtjatäpkäna ukkhasti sist'asipxañapatakix alaxpachat t'ant'a churantaxa, umat pharjatäpkäna ukkhasti umt'apxañapatakix qarqat uma jalsuyaraktaxa. Ukatsti jupanakar churañatak arsut uraqiruw mantayaraktaxa.

Salmos 78:10

janiw Diosamp arust'äwi luratanakap yäqapkänti, janirakiw yatichäwinakaparus jaysañ munapkänti.

Jeremías 2:7

Nayaw jupanakarux aka suma uraqir irpanta, ukhamat suma achunakapat manq'apxañapataki. Ukampis jumanakax jutasinxa nayan uraqix takisipxtawa, aka uraqixatsti axtasiyapxarakistawa.

Jeremías 26:4

Jupanakarusti naya, Tatitun arsutax sarakim: ‘Janitix nayar ist'apkitani, janiraki kuna yatichäwinaktix nayax jupanakar siskta ukanaksa phuqhapkani,

Jeremías 44:10

Jichhakamasti janiw jumanakax sarnaqäwinakamsa askichasipktati, janirakiw axsartañas utjapktamti, nayra awkinakamampiru, jumanakampir churata yatichäwinakarusa, kamachinakarusa janirakiw phuqhapktati.

Jeremías 7:26

Ukampis jumanakax janiw nayarux jaysapkistati, janiw ist'apkarakistasa, jan ukasti, nayra awkinakamat sipansa juk'ampi qhuru chuymaniw tukupxtaxa.

Lamentaciones 1:18

Tatitux kunatix askïki uk luraski, nayan kamachi arunakapar jan yäqataxata. ¡Taqi markanaka, ist'apxita; t'aqhisitaxsa uñjapxarakim! ¡Markaxankir waynanakasa, tawaqunakasa, katuntat apataw uñjasipxi!

Lamentaciones 1:8

Jerusalenax sintipuniw juchañchjasi, jisk'achjayasiñkamaw juchañchjasi. Khitinakatix nayrax jach'ar aptapkäna ukanakasti, jichhax jupar q'alal uñkatasax jisk'achapxiwa. Ukatpï jichhax jachaskixa, p'inqapatsa maysa uñtxaraki.

Ezequiel 20:18

Ukat wawanakaparux mayirakta awkinakapan luräwinakapa jan lurapxañapataki, awkinakapan arsutanakaparusa jan phuqhapxañapataki, janirak diosanakampis q'añuchasipxañapataki.

Ezequiel 20:21

“ ‘Ukampis jupanakan wawanakapax nayatakix sayt'asipxarakikïnwa. Janiw kamachinakaxsa arsutanakaxsa jaysapkänti; jakañ churiri arunakaxarjamas sarnaqapkänti, sábado urunakaxsa takisipxarakïnwa. Nayasti wali phiñasitapunïyätwa, uka phiñasiñax apaqtayasiñatakix pachpa wasaran tukjañ amtäyäta,

Ezequiel 20:8

“ ‘Ukampis jupanakax kutkatasipxituwa, janiw arunakaxsa ist'añ munapkänti; uka axtaskañ diosanakapatsa janiw jithiqtapkänti, janirakiw Egiptonkir k'ari diosanakapsa apanukuñ munapkänti. Nayasti wali phiñasitapunïyätwa, uka phiñasiñax apaqtayasiñatakix pachpa Egipto uraqin mutuyañ amtäyäta.

Lucas 17:10

Jumanakasti ukhamarakiw kuntix Diosax luram sapktam ukanak tukuyasax sapxañamaxa: ‘Nanakax inamay uywatanakakïpxtwa, kunatix lurañanakaxäkän ukak lurapxta’ sasa.

Juan 15:14

Kuntix nayax jumanakar sapksma uktix lurapxätaxa, nayan jila masinakaxäpxätawa.

Gálatas 3:10

Ukampis kamachin luräwipar alkatirinakax, ñanqhachatäpxiwa. Qillqatansti akham siwa: “Kamachin qillqatäki uka arunakarjam jan phuqhirinakax, ñanqhachatäpan” sasa.

Santiago 2:10

Mä jaqitix Diosan kamachipar phuqkas mä kamachin pantjaschi ukkhaxa, taqpach kamachinakat juchaniwa.

Josué 21:43

Ukhamawa Tatitux Israel markaru taqi uka uraqinak churäna, kunjämtix nayra awkinakapar juramentompi arskatayna ukhamar phuqhasa, jupanakasti uka uraqinakan utjnuqtasipxäna, ukan jakasipxarakïna.

Josué 23:16

janitix jumanakax kawkïr arust'äwtix Tatitux jumanakampi lurki ukar phuqhapkäta ukapacha. Jumanakatix yaqha diosanakaru yupaychasina jupanakatak alt'asipxäta ukaxa, Tatitusti jumanakatakix q'apisiniwa, ukatsti jank'akiw jupan churat aka suma uraqit chhaqtayapxätam” sasa.