Jeremías 32:18 - Qullan Arunaca

¹⁸ Jumasti jakenacarojj qhuyapayasiñamjja wawanacapan wawanacaparuraquiw uñacht'aytajja, uqhamaraquiwa jakenacarus mutuyaractawa awquinacapan juchanacapatjja. ¡Jach'a ch'amani Dios, sutimajj Take Ch'amani Dios satawa!

Aymar Bibliia 1986

¹⁸ Jumasti jakenacarojj qhuyapayasiñamjja wawanacapan wawanacaparuraquiw uñacht'aytajja, uqhamaraquiwa jakenacarus mutuyaractawa awquinacapan juchanacapatjja. ¡Jach'a ch'amani Dios, sutimajj Take Ch'amani Dios satawa!

Qullan Arunaka DC

¹⁸ Jumasti jaqinakarux khuyapayasiñam wawanakapan wawanakaparuw uñacht'aytaxa, awkinakapan juchanakapatxa, uka jaqinakarux mutuyaraktawa. ¡Jach'a ch'amani Tatitu, sutimax Taqi Ch'amani Tatitu satawa!

Jeremías 32:18 Jak'a apnaqawi uñst'ayäwi

Génesis 49:24

ucampisa Joseajj wali ch'amani amparanacaniwa, arcopasti suma catjjäsitaraquiwa; ¡Jacobon take ch'amani Diosapasti yuspagaratäpan! ¡Awatirin sutiparu yuspagaratäpan, Israelar uñjirin sutiparu!

2 Reyes 9:26

‘Cunjämtï wasürojja Nabot chachana, uqhamarac wawanacapana wilanacapa uñjtjja, uqhamaraquiw churäma cunatejj wact'ctam ucjja aca pachpa orakena. Naya Tatituwa ucjja arsta’ sasa. Uqhamasti jumajj catusinjja, Nabot chachan orakeparu liwtanim, cunjämatï Tatitojj arscäna uqhamaru.”

Nehemías 1:5

Ucatsti sistwa: “Alajjpachanquir Dios Tata, jumajj jach'a ajjsarcaña Diosätawa, sumar mantäwimsa janiw armctati, qhuyapayasiractawa qhitinacatejj jumar munapctam uqhamaraqui camachi arunacamarusa phokhapqui ucanacataquejja.

Salmos 50:1

Qhititejj diosanacan Diosapäqui uca Tatituw arsu: inti jalsuta, inti jalantat jaquirinacarojj jawsthapi.

Salmos 89:9

Jumaw lamar kotarojj llamp'uraytajja, jach'a mathapinacarus t'acuraytajja;

Éxodo 34:6

Tatitusti Moisesan nayrakatapanjja jach'atwa aqham sas art'asïna: —¡Dios Tatitusti, wiñay jaquiriwa, uqhamarac qhuyapayasiriraqui. Janiw janc'aqui colerasirïquiti, jan ucasti jach'a munasiriwa, uqhamarac chekaraqui!

Éxodo 34:7

Waranka wawanacaman wawanacapataquisa pachpa cheka asqui munasiriquïscaniwa, uqhamarac perdonaraquiwa jan wali luratanacsa, jan wali amtäwinacsa, take juchanacsa. Ucampis juchanirojj janiw jan mutuyasaqui jaytquiti, jan ucasti awquinacan juchanacapatjja mutuyiwa wawanacaparu, allchhinacaparu, allchhinacapan wawanacaparu, uqhamarac allchhinacapan allchhinacaparusa.

Isaías 10:21

Mä kawkhanisti Jacobon marcapatjja, jan atipcaya Diosaruw cuttjjapjjani.

Isaías 57:15

Alajjpachanquiristi, qhititejj wiñayatac jacqui, sutipasti kollanaraqui, ucajj aqham siwa: “Nayajj mä alto kollan chekanwa jacta, ucampisa qhititejj alt'at chuymani, llact'ata sarnakaraqui ucanacarusti ch'amañcharactwa.

Isaías 9:6

Mä wawaw jiwasataqui yurini, Diosaw mä yokall wawa churistani, uca wawaw jichhajj apnakaraquini. Aqham sasaw sutichapjjaraquini: ‘Amtäwinacapanjja Muspharcaña, jan atipjcay Dios, Wiñay Awqui, Sumancañan Jilïripa’ sasa.

Jeremías 10:16

¡Ucatsipana cunja jach'asa Israelan Diosapajja, juparaquiw take cunatejj utjqui ucanacsa ucharaqui! Juparaquiw Israelarojj jupataqui ajllisi; Take Ch'amani Tatitu, ucaw sutipajja. Profeta:

Jeremías 10:6

Tata, janiw jumjamajj qhitis utjquiti: Jumajj jach'ätawa, sutimas jach'awa, ch'amaniraquiwa.

Jeremías 20:11

Ucampisa, Tata, jumajj nayampïsctawa, jan atipjcaya guerran nuwasir jakjama; nayar arcnakerinacasti liwisipjjaniwa, janiw atipjañatac ch'amanïpcaniti, aynacht'apjjaniwa, mä p'enkaw uñjasipjjaraquini, wiñayataqui mä jach'a p'enkachjäwimpi imjjatata.

Jeremías 31:35

Tatituw jumanacataqui inti uscu uru khanañapataqui, phajjsisa, warawaranacasa aruma khanañapataquiraqui, jupaw jach'a kotsa, ucan khothutinacsa luraraqui, jupasti “Take Ch'amani Tatitu sataraquiwa”, ucatsti siwa:

Jeremías 33:2

“Naya, qhititejj aca orake lurcta, ucatsti suma cimientopjjaru utt'aycaracta, ucaw sisma:

Jeremías 50:34

Ucampisa khespiyiripajj ch'amaniwa, sutipasti ‘Take Ch'amani Tatitu’ sataraquiwa. Jupaw take cunsa chekaparu uñjaraquini; marcarusti sumancañwa apanini, ucampisa Babilonianquiri jakenacataquejj jach'a ajjsarcañanacwa apaniraquini” sasa.

Daniel (hebreo) 2:45

Ucwa sañ muni cuntejj juma, jach'a reyejj, uca kollut mä jach'a kala jan qhitin nuct'ata sarakasinquiri uñjcäyäta ucajja, uca kalasti lak'aruw tucuyaraqui uca hierro, bronce, ñek'e, kollke uqhamaraqui korsa. Jach'a Diosasti juma, jach'a reyirojj, uñacht'ayaractamwa cunatejj acat kheparu pascani take ucanacjja. Uca samcajj chekäscapuniwa uqhamaraqui khanañchäwisa chekaraquiquiwa.”

Habacuc 1:12

“Dios Tatay, ¿janit jumasti wiñayataqui jacctasti, kollan jan jiwiri Diosajja? Tatay, nayan imantasiñajja, jumaw caldeonacarojj ch'ama churtajja castigañapataqui uqhamata juman cheka uñjäwima uñacht'ayapjjañapataqui.

Números 14:18

“Janiw janc'aqui colerasirïcti, wali jach'aw qhuyapayasiñajjajja, uqhamarac perdonaractwa ñankhanacsa, naya contra sayt'asiñanacsa, janiraquiw juchanirojj jan mutuyata jaytcaractti jan ucasti mutuyaractawa awquinacapan juchanacapatjja wawanacapan wawanacaparu” sasa.

Mateo 27:25

Take jakenacaraquiw ucjjarojj mayac arsupjjäna: —¡Nanacaw wawanacajjamppacha juchanïpjjä uca jaken jiwäwipatjja! —sasa.

Lucas 6:38

Yakhanacarojj churapjjam, jumanacarusti Diosaw churapjjätam. Diosasti bolsanacamarojj wali phokt'at churapjjätam, suma thalantt'ata, limintt'ataraqui. Cunjämtï yakhanacarojj lurapcäta uca pachparacwa Diosajj jumanacampejj luraraquini.”

Deuteronomio 10:17

Jumanacan Tatitu Diosamasti diosanacansa Diosapawa, uqhamaraqui munañaninacansa munañanipawa; jupawa wali jach'a Diosajja, wali ch'amani, ajjsarcaña, take jakerus quipcaqui uñjaraqui, janiraquiwa kollkempis alayasquiti.

Deuteronomio 7:21

uqhamasti jumanacajj jan jupanaca nayräjjana qhathatipjjamti, jumanacan jach'a ajjsarcañ Tatitu Diosamaw jumanacampïsqui uca laycu.