Jeremías 32:18 - Qullan Arunaka DC

¹⁸ Jumasti jaqinakarux khuyapayasiñam wawanakapan wawanakaparuw uñacht'aytaxa, awkinakapan juchanakapatxa, uka jaqinakarux mutuyaraktawa. ¡Jach'a ch'amani Tatitu, sutimax Taqi Ch'amani Tatitu satawa!

Aymar Bibliia 1986

¹⁸ Jumasti jakenacarojj qhuyapayasiñamjja wawanacapan wawanacaparuraquiw uñacht'aytajja, uqhamaraquiwa jakenacarus mutuyaractawa awquinacapan juchanacapatjja. ¡Jach'a ch'amani Dios, sutimajj Take Ch'amani Dios satawa!

Qullan Arunaca

¹⁸ Jumasti jakenacarojj qhuyapayasiñamjja wawanacapan wawanacaparuraquiw uñacht'aytajja, uqhamaraquiwa jakenacarus mutuyaractawa awquinacapan juchanacapatjja. ¡Jach'a ch'amani Dios, sutimajj Take Ch'amani Dios satawa!

Jeremías 32:18 Jak'a apnaqawi uñst'ayäwi

Génesis 49:24

ukampis jumax wali ch'aman amparanakanïtawa, mich'inak antutañsa sum katxäsiraktaxa. ¡Taqi ch'amani Diosax yuspagaratäpan! ¡Awatirin sutiparu, Israelar uñjiriru yuspagaratäpan!

2 Reyes 9:26

“Kamisatix masürux, Nabot chachampina, wawanakapampin wilapa uñjtxa, ukhamarakiw luratamatjam aka pachpa uraqin mutuyäma. Naya, Tatituw uk arsta” sasa. Ukhamasti, aptawayasin Nabot chachan uraqipar liwtanim, kunjämtix Tatitux arskäna ukhamarjama.

Nehemías 1:5

Jupar akham sarakta: “Alaxpachankir Dios Tatay, axsarkañ jach'a Diosay, jumar munapktam ukanakarusa, kamachi arunakam phuqhirinakarus janiw armktati, chiqa chuymanïtawa, arust'äwir mantat arumsa phuqtawa;

Salmos 50:1

Khititix diosanakan Diosapäki uka Tatituw arsu; inti jalsuta, inti jalantat jakirinakarux jawsthapi.

Salmos 89:9

9 (10) Jumaw lamar qutarux llamp'uraytaxa, jach'a mathapinakarus t'akuraytaxa;

Éxodo 34:6

Tatitusti Moisesan nayraqatap sarakipasin jach'at säna: —¡Tatituwa! ¡Tatituwa! ¡Munasiri, khuyapayasir Diosawa. Janiw jank'ak q'apisirïkiti, jach'a munasiriwa, chiqarakiwa!

Éxodo 34:7

Waranqa wawanakan wawanakapatakis pachpa chiqa aski munasiriwa, ñanqha luratanaksa, jan wali amtäwinaksa, juchanaksa pampachiwa; ukampis juchanirux mutuyapuniwa, awkinakan ñanqha luratanakapatxa, wawanakaparu, allchhinakaparu, allchhinakapan wawanakaparu, allchhinakapan allchhinakaparuw mutuyi —sasa.

Isaías 10:21

Mä qawqha israelitanakakiwa, taqi ch'aman Diosarux kuttanxapxani.

Isaías 57:15

Alaxpachankir Tatitu, khititix wiñayatak jakki, sutipasti qullanäkaraki, ukax akham siwa: “Nayax alay qullan chiqan jakta, ukampis khititix alt'at chuymani, llakt'ata sarnaqki ukarux ch'amañcharaktwa.

Isaías 9:6

6 (5) Mä wawawa jiwasatak yuri, Tatituw mä yuqall wawa churistu, uka wawawa jichhax ch'amampi apnaqani. Akham sasaw sutichapxani: Amtäwinakapanxa Muspharkaña, jan atipjkay Tatitu, wiñay Awki, sumankañan Jilïripa, sasa.

Jeremías 10:16

¡Ukatsipana, kunja jach'as Israelan Diosapaxa, jupaw taqi kunatix utjki ukanaksa utt'ayi! Juparakiw Israelarux jupatak ajllisi; Taqi Ch'aman Tatitu, ukaw sutipaxa.

Jeremías 10:6

Tatay, janiw jumjamax khitis utjkiti: Jumax jach'a ch'aman Tatitütawa, sutimas jach'arakiwa.

Jeremías 20:11

Ukampis Tatay, jumax nayampïsktawa, nuwasïwin jan atipjkay nuwasir jaqjama; nayar arknaqirinakasti liwisipxaniwa, janiw atipjañatak ch'amanïpkaniti, aynacht'apxaniwa, mä p'inqaw uñjasipxani, wiñayatak p'inqachjatäpxaniwa.

Jeremías 31:35

Tatituw inti usku urun qhanañapataki, phaxsisa, warawaranakasa aruma qhanañapatakiraki, jupaw jach'a qutsa, mathapi qhuthutinaksa luraraki, jupax “Taqi Ch'amani Tatitu satarakiwa,” jupasti siwa:

Jeremías 33:2

“Naya, khititix aka uraqi lurki, ukatsti kawkhankañapäkitix ukkhar utt'aykaraki, ukaw sistam:

Jeremías 50:34

Ukampis qhispiyiripax jach'a ch'amaniwa, sutipasti “Taqi Ch'amani Tatitu” satarakiwa. Jupaw taqi kunsa chiqapar uñjani; markarusti sumankañ apanini, ukampis Babiloniankir jaqinakatakix jach'a axsarkañanak apanirakini” sasa.

Daniel (hebreo) 2:45

Uk sañ muni, qullut jan khitinsa nukt'kat qurumt'ankäna, jach'a jaqir t'unjkarakïna uka qalaxa. Jach'a ch'aman Diosaw juma reyirux uñacht'aytam kunatix akat qhiparu utjkani ukanaka. Uka samkax chiqawa, qhanañchäwipas chiqarakiwa.”

Habacuc 1:12

Tatay, ¿janit wiñayatak jakkir qullan Diosäktasti? Tatay, jumaw nayan arxatt'irixäta, jumarakiw babiloniankirinakarus ch'am churasin markamar mutuyaraktaxa, ukhamata juman chiqa uñjäwim uñacht'ayañapataki.

Números 14:18

“Janiw jank'ak phiñasirïkti, khuyapayasiñaxax jan tukuskiriwa, ñanqha luratsa, nayatak sayt'asiñanaksa pampachtwa, juchanirux mutuyapuntwa, awkimpina taykampin jucha luratanakapatxa, wawanakaparu, allchhinakaparu, allchhinakan allchhinakaparuw mutuyarakta” sasa.

Mateo 27:25

Jaqinakasti ukxarux sapxänwa: —¡Uka jaqin jiwatapatxa, nanakampi wawanakaxampiw juchanïsipkä! —sasa.

Lucas 6:38

Yaqhanakarux churapxam, jumanakarusti Diosaw churapxätam. Diosasti wayaqanakamarux wali phuqt'at churapxätam, suma thalantt'ata, limintt'ataraki. Kunjämtix yaqhanakarux lurapkäta uka pachparak Diosax jumanakampix lurani”.

Deuteronomio 10:17

Jumanakan Tatit Diosamax diosanakan Diosapawa, tatitunakan Tatitupawa; jach'a ch'amani, axsarkay Diosawa, janiw jaqir yaqha yaqha uñjkiti, janirakiw churäwinakampi alayaskiti.

Deuteronomio 7:21

Ukhamasti jumanakax jan jupanak nayräxan khathatipxamti, jumanakan Tatit Diosama, jach'a axsarkañ Tatituw jumanakampïski.