Jeremías 3:12 - Qullan Arunaca

¹² Jichhajj saram, ucatsti aca arunac saraquim amsta tokeru uñtasa: ‘Tatitojj siwa: ¡Nayatac sayt'asir Israel, cuttanjjam nayan ucaru! Janiw nayajj jumarojj colerata catokcämati, janiraquiw wiñayataquisa coleratäcäti, qhuyapayasirïtajj laycu. Naya Tatituw ucjja arsta.

Aymar Bibliia 1986

¹² Jichhajj saram, ucatsti aca arunac saraquim amsta tokeru uñtasa: ‘Tatitojj siwa: ¡Nayatac sayt'asir Israel, cuttanjjam nayan ucaru! Janiw nayajj jumarojj colerata catokcämati, janiraquiw wiñayataquisa coleratäcäti, qhuyapayasirïtajj laycu. Naya Tatituw ucjja arsta.

Qullan Arunaka DC

¹² Jichhax saram, ukatsti aka arunak yatiyanim amsta tuqinkir markaru: “ ‘Tatitux siwa: ¡Nayatak sayt'asir Israel, nayan ukar kuttanxam! Janiw nayax jumarux phiñasit chuymampi katuqkämati, janirakiw wiñayatakis q'apisitäkäti, nayax khuyapayasir Tatitütwa. Naya, Tatituw uk arsta.

Jeremías 3:12 Jak'a apnaqawi uñst'ayäwi

Génesis 4:7

Jumatejj cunatajj asquïqui uc lurasma ucqhajja ¿Janit jach'ar aptatäcaraquismajja? Ucampisa juman jan asqui luratam laycojja juchajj jac'amancascaraquiwa, jumar apnakañ munaractam, ucampis jumajj atipjañamawa” sasa.

2 Reyes 15:29

Peka reyejj Israel marcar apnakascäna ucqhawa Asirianquiri Tiglat-pileser reyejj jutäna, ucatsti catuntasïnwa Ijón, Abel-bet-maaca, Janoa, Cedes, Hazor, Galaad, Galilea ucanaca, uqhamarac Neftalí take uca orakenaca, ucatsti jakenacaparojj preso apäna Asiria marcaru.

2 Reyes 17:23

Tucuyarusti Tatitojja jupan nayrakatapatjja apakänwa Israel marcaru, cunjämatï Tatitojj yatiycäna sirviri take profetanacap toke, ucatsti Israel marcajj Asiria marcaruwa preso apayatäna, ucanracwa jichhürcama jicjjatasisqui.

2 Reyes 17:6

Ucjjarusti Oseas reyejj llätunca mara apnakascäna ucqhasti, Asirianquir reyiw Samaria marca catuntasïna, Israelit jakenacarusti preswa Asiria marcar apäna, ucatjja utjnokayänwa Habor orakenquiri Gozán sat jawira Halah sat chekaru, uqhamarac medonacan marcanacaparuraqui.

2 Reyes 18:1

Cunapachatï Ela chachan Oseas yokapajj Israel marcana quimsa mara apnakascäna ucqhawa Acaz chachan Ezequías yokapajj Judá marcana reyïña kalltäna.

2 Crónicas 29:10

Ucatwa nayajj amtasta Israelan Tatit Diosampisa suma parlt'äwiru mantañataqui, jiwasata colerasiñapa apakjjañapataqui.

2 Crónicas 30:9

Jumanacatejj Tatitun ucar cutt'anjjapjjäta ucajja, uñisirinacamajja jilanacamaru, wawanacamaru preso catupqui ucanacajja, jupanacatjja qhuyapt'ayasiniwa, ucatsti antutanjjapjjaniwa aca orakeru cutt'aniñapataqui, jumanacan Tatit Diosamasti qhuyapayasirïtap laycu, janiw jumanacarojj apanucupcätamti jumanacatejj jupan ucar cutt'anipjjäta ucajja” sasa.

Salmos 103:17

Tatitur wakaychirinacataquisti munasiñapajj wiñayawa, asqui cancañapajj allchhin allchhipataquis utjascaquiwa:

Salmos 103:8

Tatitojj munasiriwa, qhuyapayasiriwa, janiw mäc k'apisirïquiti, qhuyapayasiñan phokhantatawa.

Salmos 103:9

Janiw wiñay tokenokquistuti, janiraquiw wiñayas tim amjjäsquiti.

Salmos 145:8

Tatitojj munasiriwa, qhuyapayasiriraquiwa, k'apisiñapajj c'achhaquiwa, munasiñapasti jilarquiriwa.

Salmos 79:5

Tatay, ¿cunapachcamarac k'apisitaquïscätasti? ¿Cunapachcamarac k'apisiñamasti ninjam naqhanisti?

Salmos 86:15

Jumasti, Tatay, qhuyapayasir Diosätawa, llamp'u chuymani, munasiñani, asqui Diosätawa.

Salmos 86:5

Tatay, jumajj munasiñanïtawa, juch pampachiriraquïtawa, jumar art'asirinacataquejj qhuyapayasirïtawa.

Proverbios 28:13

Qhititejj juchap imantascani ucajja, janiw nayrar sarcaniti, ucampis qhititejj juchap arsusisina jaytanucjjani, ucasti perdonatäjjaniwa.

Isaías 31:6

Israelan wawanacapa qhitirutejj wal chuymapa ust'ayapcta ucar cutjjapjjam.

Isaías 44:22

Nayaw juchanacamsa, pantasitanacamsa chhaktaytjja, cunjämatejj kenayanacajj chhaktapjje uqhama. Nayan ucar cuttanjjam, nayajjay jumarojj khespiysmajja.”

Jeremías 11:6

Ucatsti Tatitojj saraquituwa: “Take aca arunacsti Judá orakenquir marcanacar yatiyam uqhamaraqui Jerusalén callenacansa. Jakenacarusti saraquim: ‘Ist'apjjam cawquïris uca arust'äwin arunacapajja ucanaca, ucatsti phokhapjjaraquim.

Jeremías 12:15

Uqhama jiq'inucutatsti, jupanacatjja qhuyapayasiraquïwa, pachpa orakeparu, pachpa marcaparuw cuttayanjjaraquï.

Jeremías 23:8

jan ucasti aqham sasaw juramento lurapjjani: ‘Israelitanacaru amsta tokenquir marcanacata, cawqui marcanacarutejj ananuccatayna ucanacat cuttayanjjiri Tatitojj jacasquiwa’ sasa. Ucatsti pachpa utanacapan jacasipjjaraquini.”

Jeremías 3:1

Tatitojj siwa: “Mä jaketejj warmipampi jaljti ucapachasti, warmejj uca chachampi jaljtasajj yakhampiw casarasjje, nayra chachapasti janiw uca warmirojj jac'jjaniti. Wasitattejj chicjjapjjaspan ucasti, ¡marcataquejj janiw ucajj walïcaspati! Ucampisa, jumajj Israel, walja chachanacampiw sarnaktajja, ¡jichhasti nayan ucaruw cuttanjjañ munaractajja! Naya Tatituw, ucjja arsta, sasa.

Jeremías 3:14

Tatitojj siwa: “Nayataqui sayt'asir wawanaca, cuttanjjapjjam nayan ucaru, nayätwa jumanacan uywirimajja. Sapa marcat mayni apsuraquï, sapa jach'a familianacatsti panin apsuraquï, ucatsti Sionaruw cuttayanjjapjjaraquïma.

Jeremías 3:18

“Uca uru purincani ucapachasti Judá marcajj Israel marcaruw jakcattjjani, ucatsti mayaquiw amsta tokenquir marcanacat cutt'anjjapjjani, cawquïri oraktejj nayajj mä herenciäcaspas uqhama nayrapacha awquinacapar churta uca orakeru” sasaw Tatitojj arsu.

Jeremías 3:22

Nayatac sayt'asir wawanaca, nayan ucar cuttanjjapjjam, nayaraquiw jumanacarojj naya toke sayt'asitanacamatjja kollart'jjapjjäma” sasa. “Acancapjjtwa, jumaruw maqhatjjapjjaracsma, jumätaw nanacan Tatitu Diosajjajja.

Jeremías 3:5

¿jichhasti colerataquipunïscätati? ¿Colerasiñamasti wiñayataquipunïniti?’ sasa. Uqham sasasti kawkhtejj munctajja ucqharacwa ñankhanacjja lurtajja.”

Jeremías 3:7

Nayasti saraquïyätwa: ‘Uqham lurasajja inas nayan ucarojj wasitat cuttanjjchini’ sasa, ucampis janiw cuttanquiti. Judá cullacapasti yakhampi sarnaker sum uñjaraqui,

Jeremías 30:11

Naya Tatituw ucjja arsta, nayaw jumampïscta, jumar khespiyañataquejja. Cawquïr marcanacarutejj ananuccayäsma uca marcanacsti t'unjaraquïwa, ucampis jumarojj janiw t'unjcämati, jan ucasti juchamatjamacwa mutuyäma, juchamatsti mutuyapuniraquïmawa.”

Jeremías 31:20

“Efraín marcajj nayataquejj munat wawajjawa; takenit sipansa sinti munat wawajjawa. Juparu tokenokcä ucasa, janipuniw nayajj jupatjja armascti; chuymajjajj ch'alljjtituwa, jupatsti walpun qhuyapayasiractjja. Naya Tatituw ucjja arsta.

Jeremías 31:21

“Israel, jichhajj thaquinacam suma chimpusim, uqhamat wasitat janc'aqui jicjjatjjañamataqui; cawquïri thaquinacantejj sarnakcäyäta ucanacjja sum amuyam. ¡Israel marca, cuttanjjam, cuttanjjam marcanacamaru!

Jeremías 31:8

Amsta tokenquir marcatsti cuttayanjjapjjämawa, aca orake thiyatpacharacwa jumanacarojj tantachjjapjjäma. Jupanacampi chicasti juyqhunaca, cojonacaraquiw cuttanjjapjjani, usuri warminacasti, cawquïrinacatejj wawachasjjapjje, ucanacas ¡waljanipuniw cuttanjjapjjani!

Jeremías 33:26

Jichhasti janipuniw apanuccäti Jacobon wawanacaparojja, David uywatajjan wawanacaparusa, jupanac taypitsti utjayaraquïwa mayni mistuñapa, Abraham, Isaac, Jacob ucanacan wawanacaparu apnakañapataquejja. Nayaw jupanacatjja qhuyapayasëjja, sarnakäwinacapsti asquiruw tucuyjjaraquejja.”

Jeremías 4:1

Tatitusti siwa: “Israel marca, jumatejj cuttanjjañ munstajja, nayan ucaruw cuttanjjañama. Uca ajjtascañ diosanacamtejj apanucjjätajja, ucatsti janirac nayatjja jayarst'cäta ucapachasti,

Lamentaciones 3:22

Tatitun munasiñapasti, qhuyapayasiñapasa jan tucusquiriraquiwa.

Ezequiel 11:17

Nayan sutejj-jjarusti jupanacarojj saraquim: ‘Naya Tatituw jupanacarojj uca jaya marcanacat cuttayanjjaraquï, cawquïri marcanaca taypirutejj nayajj jupanacaru willitatcta ucanacata, jupanacaru tantacht'asinsti Israel marca jupanacarojj churjjaraquï.

Ezequiel 33:11

Jichhasti jupanacarojj saraquim: Naya Tatituw juramentompi arsta, janiw nayajj khoru jaken jiwañapjja muncti, jan ucasti uca khoru jacañapjja apanucpan ucatsti jacaracpan. Israel, jumajj uca jan wali sarnakäwim apanucum. ¿Cunataraqui jiwascätasti?’

Ezequiel 39:25

Ucatpï jichhajj Tatitojj sejja: “Jichhajj take Israel marcpachatwa qhuyapayasëjja, take Jacobon wawanacapata. Jichhajj Israelan sarnakäwipajj sumäjjaniwa, uqhamat wayt'añajjataqui nayan kollan sutejjajj suma uñjatäñapataqui.

Oseas 6:1

Takeni jutapjjam, Tatitun ucar cuttjjañäni. Jupaw usuchjistu, juparaquiw c'umarachjjestani; chhojjriñchjistuwa, juparaquiw kolljjatjjestani.

Levítico 26:40

“Jumanacajj ñankha luratanacamsa, uqhamarac awquinacaman ñankha luratanacapsa uñt'asipcätawa, uqhamarac nayarusa jan take chuymampi arcapjjatamsa, uqhamarac naya contra sayt'asipjjatanacamsa,

Zacarías 1:4

Jan nayra awquinacamjam lurapjjamti, qhitinacarutï nayra profetanacajj naya toket jupanacaru sänjja jan wali sarnakäwinacapa, jan wali luräwinacapa jaytjjañapataqui, ucampis jupanacajja janiw ist'añsa, jaysañsa munapcänti. Naya Tatituw arstjja.

Deuteronomio 30:2

Tatiturutejj cutcatäta, take chuymamampi, take jacañamampi ist'araquïta, jumanacasa, takpach wawanacamasa, cunjämtï jichhajj ewjjapcsma,