Jeremías 27:5 - Qullan Arunaca

⁵ Nayaw jach'a ch'amajjampi aca orakjja lurta, uqhamaraqui jakenacsa, take animalanacsa, ucatsti qhitirutejj nayajj muncta ucarus churaquiraquiristwa.

Aymar Bibliia 1986

⁵ Nayaw jach'a ch'amajjampi aca orakjja lurta, uqhamaraqui jakenacsa, take animalanacsa, ucatsti qhitirutejj nayajj muncta ucarus churaquiraquiristwa.

Qullan Arunaka DC

⁵ Nayaw jach'a ch'amaxampi aka uraqi lurta, jaqinaksa, taqi animalanaksa, ukatsti khitin apnaqañaptix munkirista ukaruw churarakirista.

Jeremías 27:5 Jak'a apnaqawi uñst'ayäwi

Génesis 1:25

Diosasti take aca animalanacwa uscüna, ucatsti take cunansa sumätapwa uñjäna.

Génesis 9:6

“Maynitejj mä jakeru jiwayanejja, juparojj yakha jakew jiwayaraquini, jakesti Diosar uñtasita luratätap laycu.

1 Reyes 8:42

aca templomana oración lurañataqui ucqhajja (jupanacajja ist'apjjaniwa juman jach'a sutimata parliri, uqhamarac ch'amamampi luratamatsa),

Esdras 1:2

“Persianquiri Ciro reyejj acanacwa arsu: ‘Alajjpachanquiri Tatitu Diosawa amparajjaru aca orakenquir take marcanaca catuyitu, ucatsti saraquituwa Jerusalenan mä templo lurayañajjataqui, ucasti Judá orakenwa jicjjatasi.

Nehemías 9:22

“Jupanacarusti catuyäyätawa marcanacsa, uqhamarac jakenacapsa, ucatjja jupanacaruw orakjja jalanokäyäta, uqhamaraqui jupanacajj catuntasipjjänwa Hesbón sat orake, ucasti Sehún sat reyin orakepänwa, uqhamarac Basán, Og sat reyin orakeparaqui.

Salmos 102:25

Orakerojj kalltatpach sum utt'aytajja; alajjpachasti amparamamp luratawa;

Salmos 96:5

Yakha marcanacan diosanacapajj janiw cunäpquisa, Diosasti alajjpach luririwa;

Éxodo 20:11

Tatitusti sojjta urunwa alajjpacha, aca orake, kotanaca, uqhamarac cunanacatejj ucan utjqui ucanacsa luräna; ucampis pakallko urunjja samaränwa. Uca laycuwa Tatitojj bendice samarañ ururu, uqhamarac arsuraqui uca urojj juparu loktatätapa.

Éxodo 6:6

Jichhasti saram, israelitanacarojj aqham sätawa: ‘Naya Tatituwa khespiyapjjäma t'akhesis sirviñata, uqhamarac egipcionacajj sinti ch'ama irnakañanaca churapctam ucatsa, jach'a ch'amajja uñacht'ayasa, uqhamarac cheka asqui cancañajjampi.

Isaías 42:5

Dios Tatitu, qhititejj alajjpachsa lurqui, janatatcaraqui, oraksa lurcaraqui, uqhamaraqui ucan achurinacarusa, jacañsa jakenacarus churcaraqui, sirviriparusti saraqui:

Isaías 44:24

Jumar khespiyir Tatitumajj, acwa arsu, qhititejj jumaru janïra nascta uqhatpach usctam ucajja: “Nayätwa take cun luriri Tatitojja, nayaw alajjpacha janatatta aca oraksa sayt'ayaracta jan qhitin yanapapampi.

Isaías 45:12

Nayaw acapachsa uqhamaraqui jakenacsa uscta, alajjpachsa amparajjampiraquiw janatatta, uqhamaraqui take cunanacatejj alajjpachan utjqui ucsa nayaw lurta.

Isaías 48:13

Amparajjampiw orak sayt'ayta, amparajjampiraquiw alajjpachsa janatatta; sutip arsta ucatpachaw jupanacajj jacañ kalltapjje.

Isaías 51:13

¿Qhititejj alajjpachsa, acapachsa lurqui uca Tatitu Diosamatjja armasïtati, qhititejj alajjpacha janatati, oraksa utt'ayaraqui ucatjja? ¿Qhitinacatejj jumar tucjañataquejj jac'ancqui, wali colerata uñch'uquisctam ucanacataquejj qhathatiscaquïtati? Ucampis ¿cawquinquis colerasiñapajja?

Jeremías 27:4

Jupanacarusti reyinacaparu yatiyapjjañapataqui saraquim; naya take ch'amani Tatitu Israelan Diosapaw arsta.

Jeremías 32:17

‘Tata, jumaw jach'a ch'amamampi alajjpachsa, acapachsa lurtajja. Janiw jumataquejj cunas jan lurasirjamajj utjquiti.

Jeremías 51:15

Tatitojj ch'amapampiw aca orake luri, ch'iqhi cancañapampiw aca orakjja sayt'ayaraqui, amuyt'apampiw alajjpachjja jach'aptayaraqui.

Daniel (hebreo) 2:38

cawqha chekanacantejj jakenacajj jacapqui uca chekanacsa jumaruw catuyaractamjja, animalanacsa, jamach'inacsa; jupaw juma, jach'a reyiru, take ucanacjja catuyaractam, juma reyisti uca kori p'ekëtawa.

Daniel (hebreo) 4:14

Ucat uca angelajj jach'at art'araquïna aqham sasa: “Uca kokjja liwinucupjjam; layminacapsti qhuchhurapjjam, laphinacapsa apakapjjam, achunacapsa willitatapjjam, cawquïri animalanacatejj ch'iwipancqui ucanacas chhuctawayjjapjjaracpan, uqhamaraqui layminacapanquiri jamach'inacasa.

Daniel (hebreo) 4:17

Uca juchañchäwi arunacwa arsuwayapjje kollana uñjiri angelanacajja, uqhamat take jakenacajj yatipjjañapataqui, alajjpachanquiri Diosajj ch'amanïtapa, take jakenacana apnakañanacapjjarojja, jupaw marca apnakañanacsa churaraqui qhitirutejj churañ munqui ucaru, ucatsti mä marcan jilïripatwa utt'ayaraqui, qhititejj take jakenacat sipansa llamp'u chuymanïqui ucarojja.’

Daniel (hebreo) 4:22

uca kokajj, juma, jach'a reyïtawa, jiltasinsti wali munañanipuniw tuctajja. Jach'a reyin munañapasti alajjpachcamawa purt'araqui, munañanïñapasa take aca orakpacharuw puriraqui.

Daniel (hebreo) 4:25

Juma, jach'a reyisti, jakenacatjja yakhachatäjjätawa, animalanacampi chicaw jacaraquïta, vacanacjamaw koranac mank'araquïta, janchimjjarusa sullaw sullantaraquini. Uqhamaw juma, jach'a reyejj, pakallko mara jacäta, alajjpachanquiri Diosajj take acapachan reinonacjjarusa munañanïtapa yatekañamcama, uqhamaraqui jupajj apnakerit utt'ayaraqui qhitirutejj munqui ucaru.

Daniel (hebreo) 5:18

“Alajjpachanquir jach'a Diosajj Nabucodonosor awquimarojj churänwa reino, jach'a cancaña, kamir cancaña, uqhamaraqui take jach'añchäwinacsa.

Hechos 14:15

—¡Tatanaca! ¿Cunats ucanac lurapjjta? Nanacajj jumanacjam jakequïpjjaractwa. Nanacajj uca inamay lurañanac apanucupjjañamataquiw jumanacar parlir jutapjjta ucanac apanucusina, jacquir Diosar arcapjjañamataqui. Jupaw alajjpacha, acapacha, jach'a kotsa lurir Diosajja, uqhamarac take ucanacan utjirinacsa.

Hechos 17:24

“Jupanquiw alajjpachas acapachasa. Juparaquiw acapachsa uqhamarac take ucan utjirinacsa lurejja. Jupajj janiw jaken lurat templonacan jacquiti.

Hechos 17:26

“Jupasti mä sapa jaketacracwa take cast jakenacsa mirtayi take acapachan utjañapataqui. Jupan munañaparaquiw jakenacan kawkha maranaca acapachan utjañapasa, uqhamarac cawqhacam jacañapasa.

Deuteronomio 2:19

Ucampis, cunapachatï amonita jakenacampi jiquisïta, cawquïritï Lot chachan wawanacapäcaraqui ucqhajj, jan jumanacajj cunsa lurapjjamti ni nuwantapjjamsa, janiraquiwa uca oraketjja cunsa churapcämati, nayaw jupanacar uca orakjja churjjta’ sasa.

Deuteronomio 2:21

Uca zomzomeo marcasti jach'a marcänwa, jach'a tansa jakenacan cuna, anaquitas sat jakenacjama. Ucampisa Tatituw jupanacarojj t'unjäna, amonitas jakenac toke, ucatsti jupanacaraquiw uca orakenacanjja utjantasipjjäna,

Deuteronomio 2:7

Jumanacan Tatitu Diosamaw bendicipjjaractam take cuntï lurapcta ucanacansa; juparaquiw aca pusi tunca maranacas yanapapjjtam, imapjjaractamwa aca wasaran sarnakapcta ucansa, jan cun pist'ayasa.

Deuteronomio 2:9

Ucatsti Tatitu Diosajj saraquitänwa: ‘Jan moabitanacarojj nuwantamti ni nuwasimsa, jupanacajj Lot chachan wawanacapawa, uca laycu; nayasti janiraquiw ni mä jisc'a oraksa uca marcat churcämati. Nayaw jupanacar churta uca Ar sutin orakenaca’ sasa.

Deuteronomio 32:8

Mä cutiw alajjpachanquir awquejj jakenaca, marcanaca laquintäna, marcanacan korpanacapsa ucharaquïna, ucampis Israel marcaruw ajlliraqui.

Deuteronomio 4:17

ni animalanacaru, jamach'inacaru,

Deuteronomio 4:25

“Cunapachatejj jumanacajj wawanacanëjjapjjäta, uqhamarac allchhinacani, jumanacajj awquëjjapjjäta uca orakena, ucqhajj jumanacajj yakha diosanac lurasisa jucharu puripjjäta, cuna animalar uñtatsa, uqhamat Tatitu Diosama nayrakatana mä jach'a jucha lurasina ucata jupar colerayapjjät ucqhajj,

Deuteronomio 4:32

“Jichhasti thaktapjjam jumanacat juc'ampi nayra tiemponaca, cunapachatï Tatitu Diosas jakeru lurcäna aca orakena uca tiempotpacha; sarapjjaraquim take acapach orakenjamsa, ucatsti jisct'apjjam cunapachach aqham jach'a lurasïwinacajj paspachäna cunjämtï jichhajj pasqui uqhama.

Deuteronomio 4:35

Ucanacsti jumanacarojj uñacht'ayapjjsmawa jumanacan chekpach Diosätapa yatipjjañamataqui, uqhamaraqui jupat sipansa jan yakhajj utjatapa.

Deuteronomio 5:16

‘Awquimaru, taycamaru jach'añcham, cunjämtï Tatitu Diosamajj ewjjawayctam uqhama, uqhamata walja maranaca jacañamataqui aca Diosan churat orakena.

Deuteronomio 9:29

Ucampis jupanacajj juman marcamawa, juman herenciamaraquiwa, jumaw Egipto marcat irpsunta jach'a ch'amamampi’ sasa.

Colosenses 1:16

Jupa tokeracwa Diosajj luri take cunatejj alajjpachansa acapachansa utjqui ucanacjja, jan uñjatäqui ucsa, uñjatäqui ucsa. Take ajayunacan ch'amanïtapsa, munañan apnakerïtapsa, jupa tokew luri, jupataquiraqui.

Hebreos 1:2

Jichhasti aca khepa urunacanjja, Yokap tokew parlaraquistu. Diosaraquiw aca oraksa luri aca Yokap toke, uqhamarac take cuns jupar jaytaraqui.

Apocalipsis 4:11

“Tata, nanacan Diosajja, jumajj asquïtawa jach'añchäwi, gloria, uqhamarac munañanïña catokañataquejja. Jumaw take cuns ina ch'usat lurtajja, munañamataracwa take cunas jacascaraqui, juman uscutaraquiwa.”