Jeremías 24:2 - Qullan Arunaca

² Maynïrejja wali suma higonacanïnwa, nayrïri achuquir higonacani, ucampisa maynïristi jan wali higonacaniraquïnwa, uca higonacasti sinti jan walipunïnwa, janiw mank'añjamäcaraquïnsa.

Aymar Bibliia 1986

² Maynïrejja wali suma higonacanïnwa, nayrïri achuquir higonacani, ucampisa maynïristi jan wali higonacaniraquïnwa, uca higonacasti sinti jan walipunïnwa, janiw mank'añjamäcaraquïnsa.

Qullan Arunaka DC

² Maynïr canastanxa wali suma higonakaw utjäna, nayrïr achuqir higonaka, maynïr canastansti, ñusantat higonakakiw utjäna, uka higonakasti ukham ñusantatätapatxa, janiw manq'añjamäkänti.

Jeremías 24:2 Jak'a apnaqawi uñst'ayäwi

Isaías 5:4

¿Cunampicha uva yapojjaru waquisïnjja lurañajja? ¿Cuncha nayajj jan ucajj armpachätjja? Nayajj suma mojjsa uvanacan achuñapwa suyascäyätjja, ¿cunatarac uqhamasti c'allc'u uvanac achusti?

Isaías 5:7

Take ch'amani Tatitun uva yapupajja, suma munat yapupajja, Israel marcawa, Judá marcawa. Tatitusti jupanacatjja munaraquïnwa leyipajj ajjsaratäñapa, ucampisa jake jiwayañanacacwa jicjjatejja; cheka luräwinacwa suyaraquïnjja, ucampisa t'akhesiñat warariñanacacwa jicjjataraquejja.

Jeremías 29:17

‘Take ch'amani Tatitusti siwa: Jumanacarojj guerranacampi, mach'ampi, cunayman usunacampwa apayanipjjäma. Jumanacarojj ñusantata higonacjamwa tucuyapjjäma, uqham ñusantatätapatjja jan mank'cañjamaraqui tucuyapjjäma.

Oseas 9:10

Tatitojj siwa: “Cunapachatejj Israelar jicjjatcäyät ucapachajj cusisiyätwa, cunjämatejj wasaran uva jicjjatirejj cusisquejj uqhama. Nayra awquinacamajj nayataquejj, nayräwiri achoker higonacjamänwa. Ucampis cunapachatejj Baal-peor chekaru puripjje ucqhajja, c'ari diosanacaruquiw catuyasjjapjje, ucatsti wali jisc'achcañawa tucupjjaraqui, jupanacajj munapcänsa uca yakha diosanacjama.

Miqueas 7:1

“¡Ay cunaquïcan! nayataquejja cosech apthapitat jilt'anaca thakasirjamätwa, janiraquiw cunsa jicjjatcti, ni uva ni higo, uva achunaca mank'añ munasina.

Nahúm 3:12

Take sayt'asiña chekanacamasti ch'ojjña higo alir uñtatawa, nayrïri achoker higonacampi phokhantata, onjjtayatas willirtapjjewa, qhititejj mank'cani ucan lacanacaparu.

Números 18:13

Uqhamaraqui cawquïri nayra cosechanacan achunacaptejj loktapquitu ucanacas jumataquïniwa. Cawquïri jaketejj familiamat k'omachat jicjjatascani ucasti mank'araquispawa.

Mateo 5:13

“Jumanacäpjjtawa acapach jayojja, ucampisa jayutejj ch'apakquipstaspajja ¿cunampis jayunchatäspajja? Janiwa cunataquis walïcjjaspati, jan ucasti apanucuñataquiquiwa uqhamata jakenacampi taquisitäñapataqui.