Jeremías 24:2 - Qullan Arunaka DC

² Maynïr canastanxa wali suma higonakaw utjäna, nayrïr achuqir higonaka, maynïr canastansti, ñusantat higonakakiw utjäna, uka higonakasti ukham ñusantatätapatxa, janiw manq'añjamäkänti.

Aymar Bibliia 1986

² Maynïrejja wali suma higonacanïnwa, nayrïri achuquir higonacani, ucampisa maynïristi jan wali higonacaniraquïnwa, uca higonacasti sinti jan walipunïnwa, janiw mank'añjamäcaraquïnsa.

Qullan Arunaca

² Maynïrejja wali suma higonacanïnwa, nayrïri achuquir higonacani, ucampisa maynïristi jan wali higonacaniraquïnwa, uca higonacasti sinti jan walipunïnwa, janiw mank'añjamäcaraquïnsa.

Jeremías 24:2 Jak'a apnaqawi uñst'ayäwi

Isaías 5:4

¿Kunampich uva yapuxar lurañax wakisïnxa? ¿Kuncha jan lurkpachätxa? Nayax suma muxsa uvanakan achuñap suyaskäyätxa, ¿kunatarak ukhamasti k'allk'u uvanakak achusti?

Isaías 5:7

Taqi ch'amani Tatitun uva yapupaxa, uka suma munat yapupasa, Israel markawa, Judá markarakiwa. Tatitusti jupanakatxa, kamachipar yäqatäñap munänxa, ukampis jaqi jiwayañanakak jikxatixa; chiqa luräwinak suyt'änxa, ukampisa t'aqhisiñat warariñanakak jikxatarakixa.

Jeremías 29:17

‘Naya taqi ch'aman Tatitusti sistwa: Jumanakarux nuwasiñanakampi, mach'ampi, kunayman usunakampi apayanipxäma. Jumanakax ñusantat higor uñtatäpxätawa, ukham ñusantatätapatxa jan manq'kañjamaraki tukuyapxäma.

Oseas 9:10

Tatitux siwa: “Kunapachatix Israel markar jikxatkäyät ukapachax kusisiyätwa, kunjämatix wasaran uva jikxatirix kusiski ukhama. Nayra awkinakamax nayatakix, nayrawir achuqir higonakjamänwa. Ukampis kunapachatix Baal-peor chiqar puripki ukkhaxa, k'ari diosanakaruw yupaychapxi, ukatsti wali jisk'achkañaw tukupxi, jupanakax munapkänsa uka yaqha diosanakjama.

Miqueas 7:1

¡Ay kunakïkan nayatakixa! Achunak apthapitat jilt'anak thaqhasir jaqjamätwa, uva, higo achunak manq'añ munasa, janiw kunsa jikxatkti, q'al apthapiwayxapxatayna.

Nahúm 3:12

Markaman pirqanakapasti; kunjämatix puqt'at higo achux, khitin unxtayatas uraqirkam willirtixa, ukatsti jaqiw manq'antaraki, ukhamaw uka pirqanakax liwirtani.

Números 18:13

Taqi kuntix uraqix achuyki, taqi uka achunakat nayrïr achunakap jupanakax apanipxani, nayasti jumaruw ukanak katuyäma. Q'umachat jikxatasir jaqix, ukanak manq'askaspawa.

Mateo 5:13

“Jumanakax akapach jayüpxtawa. Ukampis jayutix ch'aphaqar tukuspaxa, ¿kunampirak jayunchasispasti? Janiw kunatakis askïkxaspati, jan ukasti jaqin takisiñapatak anqar wartatakïxaspawa.