Jeremías 23:26 - Qullan Arunaca

²⁶ ¿Cunapachcamasa uca profetanacajj c'ari arunaca yatiyasipcaquini, jupanacan pachpa amtatanacapjja?

Aymar Bibliia 1986

²⁶ ¿Cunapachcamasa uca profetanacajj c'ari arunaca yatiyasipcaquini, jupanacan pachpa amtatanacapjja?

Qullan Arunaka DC

²⁶ ¿Kunapachkamas uka profetanakax jupanakan amtatanakaparjam k'ari arunak yatiyasipkakini?

Jeremías 23:26 Jak'a apnaqawi uñst'ayäwi

Salmos 4:2

Jach'a jach'a tucur jakenaca, ¿cunapachcamarac jisc'achapjjetätasti?, ¿cunapachcamarac c'arir munasipcaquïta, sallkarus thakasipcaquïtasti?

Isaías 30:10

Unañchäwi uñjirinacarusti sapjjaraquiwa: “Jan uca unañchäwinac uñjapjjamti”, profetanacarusti: “Cheka yatiyäwinac catokapctas ucanacjja jan yatiyapjjestati, jan ucasti suma koña arunac parlt'apjjeta, janirac cusisiñanacajjsa apakapjjestati.

Jeremías 13:27

Jan wali amtatamjja uñjtwa, wachok jucha luratamsa, mä p'enka yakhanacampi sarnakatamsa, kollu patanacana, pampanacana ajjtascañ luräwinaca luratamsa. ¡Ay, Jerusalén! ¿Cunapachcamas uqhama k'añu sarnakäta?”

Jeremías 14:14

Ucatsti Tatitojj saraquituwa: “Uctejj profetanacajj nayan sutejjaru sasipcchejja, ucapachajj c'arisipjjewa. Janiw nayajj jupanacaru qhitancti, janiw cuna arojjsa churcaractti, ni jupanacarojj cunsa siscaractti. Ucanacajj c'ari yatiyäwinacaquiwa, c'ari uñjäwinacac parlapjjaraqui, jupanacan amtatanacaparu parlapjjatapaquiwa. Ucanacacwa uca profetanacajj yatiyapjjejja.

Jeremías 17:9

“Jaken chuymapjama ñankha, c'arintirejj janiw utjquiti. ¿Qhitisa jaken chuymapjja sum uñjaspa?

Jeremías 4:14

Jerusalén, ñankhanacatjja chuymam k'omachasim, uqhamatwa jumajj khespita uñjasïta. ¿Cunapachcamas p'ekemanjja amtäta jan wali amtañanacjja?

Oseas 8:5

¡Samaria, jumajj vaca kalluru yupaychcta ucajj ajjtasiyituwa! Colerasiñajjasti jupa contraraquiw sarti. ¿Cunapacharac israelitanacasti k'oma uñjasjjapjjpachäni?

Hechos 13:10

Ucatsti saraquïnwa: —¡Take sallkjañampi, jan walimpi, phokhantat supayan wawapa, cheka cancañ uñisiriraqui! ¿Cunats jumajj Tatitun suma cheka thaquip k'ewinucuñ munta?

2 Timoteo 4:3

Niya purininiwa cunapachatejj jakenacajj jan asqui yatichäwinac catokañ munapcani uca urunacajja; ucampis jupanacan munañanacaparjamaquiw walja yatichirinac thakapjjani, cunjämtejj jupanacajj yatichayasiñ munapjje uc ist'añataquiqui.

2 Pedro 1:21

Profetanacasti janipuniw cunsa munañanacapatjja parlapcänti, jan ucasti jupanacajj Diosar catuyata jakenacäpjjänwa, Dios toketaracwa parlapjjänjja, Kollan Ajayun amuyt'ayata.