Jeremías 23:16 - Qullan Arunaca

¹⁶ Take ch'amani Tatitusti siwa: “Israelitanaca, cuntejj profetanacajj parlapjje ucanacarojja jan ist'apjjamti; parlatanacapasti c'ari arunacaquiwa. Jupanacan amtata arunacacwa parlapjje, janiraquiw nayajj jupanacaru cuna arunacsa churcti.

Aymar Bibliia 1986

¹⁶ Take ch'amani Tatitusti siwa: “Israelitanaca, cuntejj profetanacajj parlapjje ucanacarojja jan ist'apjjamti; parlatanacapasti c'ari arunacaquiwa. Jupanacan amtata arunacacwa parlapjje, janiraquiw nayajj jupanacaru cuna arunacsa churcti.

Qullan Arunaka DC

¹⁶ Taqi ch'aman Tatitusti siwa: “Israelitanaka, profetanakax parlapki uka arunakarux jan ist'apxamti. Arsutanakapax k'arikamakiwa. Jupanakan amtat arunakak parlapxi, janiw nayax jupanakar kuna arunaksa churkti.

Jeremías 23:16 Jak'a apnaqawi uñst'ayäwi

1 Reyes 22:11

Quenaana sat chachan Sedequías sat yokapasti, hierrotwa mä kawkha wajjranaca lurasïna, ucatsti jach'atwa säna: —Aqham siwa Tatitojja: “Aca wajjranacampiwa sirionacaru nuwantir saräta k'al tucjañcama” sasa.

2 Reyes 17:15

Uqhamarac jupanacajj jisc'achapjjaraquïnwa leyinacaparu, uqhamarac nayra awquinacapampi suma parlt'äwiru mantapcäna ucanacsa, camachi arunaca jupanacar churatäcäna ucanacsa. Ucjjarusti inamaya yakha diosanacan khepapwa arcapjjäna. Ucatsti jupanacpachawa inamayaru puripjjäna, jupanacar muytqui uca maya marcanacar uñtata, Tatitojj ucanacatracwa ewjjawayäna: “Janiw jupanacjamajj lurätati” sasa.

2 Crónicas 18:5

Ucatjja Israelanquir reyisti profetanacaruw tantachäna, ucanacasti pusi patacanïnwa, jupanacarusti jisct'änwa: —¿Galaadanquir Ramot chekarojj nuwirejj sarapjjeristti, janicha? —sasa. Ucatjja jupanacajj sapjjänwa: —Nuwir sarascaquim, Diosaw jupanacarojj amparamar catuyätam uca laycu —sasa.

Proverbios 19:27

Munat wawajjay, chekachäwi arunacarutejj jan ist'cäta ucajja, suma ewjja arunacatwa sarakttajja.

Jeremías 14:14

Ucatsti Tatitojj saraquituwa: “Uctejj profetanacajj nayan sutejjaru sasipcchejja, ucapachajj c'arisipjjewa. Janiw nayajj jupanacaru qhitancti, janiw cuna arojjsa churcaractti, ni jupanacarojj cunsa siscaractti. Ucanacajj c'ari yatiyäwinacaquiwa, c'ari uñjäwinacac parlapjjaraqui, jupanacan amtatanacaparu parlapjjatapaquiwa. Ucanacacwa uca profetanacajj yatiyapjjejja.

Jeremías 2:5

Tatitojj jumanacarojj sapjjtamwa: “¿Cuna jan walsa nayra awquinacapajj nayanjja jicjjatapjjänjja, nayat jayarst'añataquejja? Jan cunataqui inamaya diosanacana khepapwa sarjjapjje, jupanacasa ina ch'usaruw tucupjjaraqui.

Jeremías 23:21

“Janiw nayajj uca profetanacarojj qhitancti, janiraquiw jupanacarojj cuna arunacsa siscti, ucampisa jupanacajj nayan sutejjaru parlañataquejj jalacamaquiw jalsuwayapjjaraqui.

Jeremías 23:26

¿Cunapachcamasa uca profetanacajj c'ari arunaca yatiyasipcaquini, jupanacan pachpa amtatanacapjja?

Jeremías 29:23

Take ucanacasti jumanacampejj lurasiniwa, Israel marcan sinti jach'a juchanac lurapjjatam laycu. Jake masiman warmipampiw jumanacajj jucha lurañan sarnakapjjtajja, cuntejj nayajj jan sapcsma ucanacaracwa nayan sutejj-jjaru parlapjjtajja. Nayajj ucjja sumwa yatta, naya quipcaw uñjta. Naya Tatituw ucjja arsta’ ” sasa.

Jeremías 29:8

Naya, Israelana Diosapa, take ch'amani Tatituw arsta, sapjjaracsmawa: Jan sallkjayasipjjamti cawquïri profetanacatejja jumanac taypina utji uqhamaraqui cawquïri yatirinacatejj jumanac taypina jacapjje ucanacan parlatanacapampejja; cuna samcanacaptejj jupanacajj parlapqui ucanacjja jan ist'apjjamti.

Jeremías 9:12

¿Qhitis wali amuyt'anejja take acanac amuyt'añataquejja? ¿Qhitirus Tatitojj take acanac yatiyi, mayninacaru yatiyañapataqui? ¿Cunatsa aca marcajj k'ala t'unjata uñjasi, waña mä wasarar uñtata, cawqhantejj jan qhitis pasqui uqhama?

Jeremías 9:20

Warminaca, Tatitun arunacapa ist'apjjam, cuntejj siscani ucanacsti suma isch'uquipjjam. Wawanacamarusa jachañ yatichapjjam, amiganacaparusti aqhama warariñaraqui:

Lamentaciones 2:9

Marcasti jan puncuni, jan jist'catañaniw uñjasi, puncunacasti t'unjata, pampanwa liwisisipqui. Reyinacapasa, jilïrinacapasa jan Diosar uñt'ir jakenacampi chicaquëjjewa; janiraquiw Diosan leyipas utjcjjeti. ¡Janiraquiw profetanacapasa Tatitutjja uñjäwinac catokcjjapjjeti!

Ezequiel 13:16

uqhamaraqui Israel marcanquiri uca c'ari unañchäwi uñjiri profetanacasa, cawquïrinacatejj Jerusalén marcarojj: Take cunas waliquïsquiwa, sasa yatiyapjjäna ucanacasa janiw kheparcjjapjjaniti.’ Naya Tatituw ucjja arsta.

Ezequiel 13:23

Ucatpï jichhajj jumanacajj jan mayampsa uca c'ari unañchäwinacam uñjcjjapjjätatejja, janiraquiw c'ari profecía arunacamsa juc'ampi parlcjjapjjätati; nayaw marcajjarojj jumanacan amparanacamat khespiyäjja, jumanacasti nayan Tatitütajj- jja ucapachaw uñt'apjjaraquïta.’ ”

Ezequiel 13:3

¡Ay, cunaquïcani cawquïri pisi chuyma lokhe profetanacatejj jupanacan pachpa amtatanacaparu arcasipqui, jupanacajj janiw chekpach unañchäwi uñjapquiti!

Ezequiel 13:6

Unañchäwi uñjatanacapas, profecía arunaca arsupjjatanacapas c'aricamaquiwa. Jupanacajj nayan sutejjat parlapjje, ucampis janiw nayajj jupanacaru qhitancti. ¡Arsutanacapan phokhasiñanacapsti suyt'apjjaraquiwa!

Ezequiel 22:28

Profetanacasti cunatejj chekapäqui ucjja imantapjjewa, cunjämatejj mä jakejj perkjja jank'ot pintsojja uqhama; jupanacasti unañchäwinacsa uñjapcaspa uqhamwa parlapjje, uca parlatanacapasti inamaya c'ariquiraquiwa. Jupanacasti nayan sutejjaruw parlapjjaraqui ucampisa janiw nayajj jupanacaru cunsa parlcti.

Miqueas 2:11

Maynitejj c'ari arunac parlaspa, ucat saraquispa: ‘Vinompi umañampiw utjani’ sasa, uca c'ari profetataquiw aca marcajja.

Mateo 7:15

“Amuyasipjjam qhitinacatejj: ‘Diosatwa parlta’ sasa c'arisisa sarnakapqui ucanacatjja. Jupanacasti ovejanacar uñtataw jumanacan ucarojj jutapjje, ucampis chuymapanjja ñankha lunthat kamakenacawa.

Romanos 1:21

Uqham Diosan ch'amanïtapa uñt'apcchisa, jakenacajj janiw Diosarjam yupaychapquiti ni yuspagarapcaraquisa, jan ucasti juc'amp jan cunatac ina lup'ïwinacar chhaktatäpjjewa, jan walinac amtir chuymapasti ch'amact'ataraquiwa.

1 Juan 4:1

Munat jilatanaca, jan cuna casta yatichäwirus Diosan yatichäwipäcaspas uqham arcapjjamti, jan ucasti yant'apjjam chekpachapunit Diosan Ajayupani janicha. Walja c'ari yatichirinacaw acapacharojj phokhantasqui. Jupanacasti sapjjewa: “Diosanquirïpjjtwa” sasa.