Jeremías 23:16 - Qullan Arunaka DC

¹⁶ Taqi ch'aman Tatitusti siwa: “Israelitanaka, profetanakax parlapki uka arunakarux jan ist'apxamti. Arsutanakapax k'arikamakiwa. Jupanakan amtat arunakak parlapxi, janiw nayax jupanakar kuna arunaksa churkti.

Aymar Bibliia 1986

¹⁶ Take ch'amani Tatitusti siwa: “Israelitanaca, cuntejj profetanacajj parlapjje ucanacarojja jan ist'apjjamti; parlatanacapasti c'ari arunacaquiwa. Jupanacan amtata arunacacwa parlapjje, janiraquiw nayajj jupanacaru cuna arunacsa churcti.

Qullan Arunaca

¹⁶ Take ch'amani Tatitusti siwa: “Israelitanaca, cuntejj profetanacajj parlapjje ucanacarojja jan ist'apjjamti; parlatanacapasti c'ari arunacaquiwa. Jupanacan amtata arunacacwa parlapjje, janiraquiw nayajj jupanacaru cuna arunacsa churcti.

Jeremías 23:16 Jak'a apnaqawi uñst'ayäwi

1 Reyes 22:11

Quenaaná chachan Sedequías yuqapasti, hierrot mä waxranak lurasitayna, ukatsti jach'at säna: “¡Tatitux akham siwa: ‘Aka waxranakampiw sirionakarux tukjañkam nuwantäta!’” sasa.

2 Reyes 17:15

kamachinakaparusa, nayra awkinakapamp lurkatayna uka arust'äwirus jisk'achapxänwa. Ukhamarus jan yäqkañ yaqha diosanakan qhipap arkapxäna, ukham lurasaw jupanakax mä jan yäqkañ markar tukupxäna, jupanak jak'ankir markanakan luräwinakap yatiqasipxäna, kuntix Tatitux ukanak jan lurapxañapatak siskchïna ukasa.

2 Crónicas 18:5

Israelan reyipasti profetanakaruw tantacht'äna, jupanakasti pusi patakanïnwa, jupanakarux akham jiskt'äna: —¿Galaad chiqankir Ramot marka katuntir sarapxiristti, janicha? —sasa. Jupanakasti sapxänwa: —Uka marka nuwantir saraskakim, Tatituw jupanakarux amparamar katuyätam —sasa.

Proverbios 19:27

Munat wawaxay, chiqachäwi arunakarutix jan ist'kätaxa, yatiñ kankañan suma iwxa arunakapat saraqtasma.

Jeremías 14:14

Ukatsti Tatitux sarakituwa: “Uktix profetanakax nayan sutixar sasipkchixa, ukham parlatanakapampix k'arisipxiwa. Janiw nayax jupanakarux khithankti, janiw ukham sapxañapatakis maykarakkti, janirakiw jupanakarux kunsa siskaraktti. Ukanakax k'ari yatiyäwinakawa, k'ari uñjäwinakak parlapxaraki, jupanakan amtatanakapar parlapxatapakiwa. Ukanakpï uka profetanakax yatiyapxtamxa.

Jeremías 2:5

Tatitux jumanakarux sapxtamwa: “Janiw kuna jan walsa nayra awkinakamarux lurkti, ukatsipana, jupanakaw nayat jithiqtawayapxi. Jan kunatak inamaya diosanakaruw yupaychapxi, jupanakas ina ch'usaruw tukupxaraki.

Jeremías 23:21

“Janiw nayax uka profetanakarux khithankti, janirakiw jupanakarux kuna arunaksa siskti, ukampis jupanakax nayan sutixar parlirix jalakamakiw misttawayapxi.

Jeremías 23:26

¿Kunapachkamas uka profetanakax jupanakan amtatanakaparjam k'ari arunak yatiyasipkakini?

Jeremías 29:23

Taqi ukanakaw jumanakampix lurasini, Israel markan sinti jach'a juchanak lurapxatam layku: jaqi masiman warmipampiw jumanakax wachuqa jucha lurapxtaxa, ukatsti kuntix nayax jan sapksma ukanakarak nayan sutixar parlapxtaxa. Nayax uk sum yatta, naya kipkaw uñjta. Naya, Tatituw uk arsta’ ” sasa.

Jeremías 29:8

Naya, Israelana Diosapa, taqi ch'amani Tatituw iwxt'apxsma: Jumanak taypin jakir profetanakampi, yatirinakampis jan sallqjayasipxamti; kuna samkanakapat parlapki ukanaksa jan ist'apxamti.

Jeremías 9:12

12 (11) ¿Khitis wali yatiñani taqi akanak amuyt'añatakixa? ¿Khitirus Tatitux taqi akanak yatiyi mayninakar yatiyañapataki? ¿Kunatsa aka markax q'ala t'unjat uñjasi, mä wasarar uñtata waña, kawkhantix jan khitis sarnaqki ukhama?

Jeremías 9:20

20 (19) Jachir warminaka, Tatitun arunakap ist'apxam, kuntix siskani ukanak sum ist'apxam. Wawanakamar jachañ yatichapxam, masinakamarusti llakisiñat jakhusiñ yatichapxarakim, akham sasa:

Lamentaciones 2:9

Markasti jan punkuni, jan jist'katañaniw uñjasi: ¡punkunakasti t'unjata, pampan liwirpayatawa! Reyipasa, jilïr apnaqirinakapas Tatitur jan uñt'irinakamp chikakïxiwa; Tatitun kamachinakapax janiw utjkxiti. ¡Janirakiw profetanakapas Tatitut kuna unañchäwinaksa katuqkxapxiti!

Ezequiel 13:16

Israel markankir uka k'ari unañchäwi uñjir profetanakasa, khitinakatix Jerusalén markarux: ‘Taqi kunas walikïskiwa’ sasa yatiyapkäna ukanakas janiw qhiparkxapxaniti.’ Naya, Tatituw uk arsta.

Ezequiel 13:23

Ukatpï jichhax jumanakax janiw mayampsa uka k'ari unañchäwinakam uñjkxapxätati, janirakiw k'ari profecía arunakamsa juk'ampi parlkxapxätati. Nayaw markaxarux jumanakan amparanakamat qhispiyä, ukat yatipxäta, nayan Tatitütaxa.’ ”

Ezequiel 13:3

¡Ay kunakïkan uka pisi chuyma luqhi profetanakatakixa, jupanakax pachpa amtatanakaparukiw arkapxi, janiw chiqpach unañchäwi uñjapkiti!

Ezequiel 13:6

Unañchäwi uñjatanakapasa, profecía arunak arsupxatapas k'arikamakiwa. Jupanakax nayan sutixat parlapxi, ukampis janiw nayax jupanakarux khithankti. ¡Arsutanakapan phuqhasiñanakap suyapxarakiwa!

Ezequiel 22:28

Profetanakax kunatix chiqapäki uk imt'apxi, kunjämatix mä jaqix pirqa janq'ur tukuykix ukhama; jupanakasti unañchäwinak uñjapxta sapxiwa, ukampis uka parlatanakapax k'arikamakiwa. Jupanakax nayan sutixaruw parlapxi ukampis janiw nayax jupanakar kunsa parlkti.

Miqueas 2:11

Maynitix k'ari arunak parlaspa, ukat sarakispa: “Vinompi yaqha umañanakampitix utjani ukkhakiw jutir urunakatxa sapxäma” sasa, jumanakax uka k'ari profetanakampix kusisitakïpxasmawa.

Mateo 7:15

“K'ari profetanakat amuyasipxam, jupanakasti ‘Diosat nanakax parlaxpta’ sasaw sarnaqapxi. Jupanakasti ovejanakat isthapitaw jumanakan ukar jutapxi, ukampis chuymapanxa ñanqha lunthat qamaqinakawa.

Romanos 1:21

Diosar ukham uñt'kasasa, janiw Diosarjam yupaychapkiti, janirakiw yuspagarapkisa. Jan ukasti, juk'ampi jan wali lurañanakak lup'ipxi, amuyunakapas q'ala ch'amakt'atawa.

1 Juan 4:1

Munat jilatanaka, janiy kawkïr ajayurus iyawsapkakimti, jan ukasti uñakipapxam, Diosan ajayupati janicha uk yatiñataki. Akapachax walja k'ari profetanakamp phuqhantatawa.