Jeremías 23:14 - Qullan Arunaca

¹⁴ Jerusalenanquir profetanacarusti nayaw uñjta, ajjtascañ luräwinaca lurasipquiri: Wachok juchanac lurapjje, lunthatapjjaraqui, janiraquiw maynis ñankha lurañanacapjja apanucquiti. Jupanacasa, marcan jaquirinacasa, nayataquejj Sodoma, Gomorra marcanacjamäpjjewa.

Aymar Bibliia 1986

¹⁴ Jerusalenanquir profetanacarusti nayaw uñjta, ajjtascañ luräwinaca lurasipquiri: Wachok juchanac lurapjje, lunthatapjjaraqui, janiraquiw maynis ñankha lurañanacapjja apanucquiti. Jupanacasa, marcan jaquirinacasa, nayataquejj Sodoma, Gomorra marcanacjamäpjjewa.

Qullan Arunaka DC

¹⁴ Jerusalenankir profetanakarusti, axtaskañ luräwinak lurasipkir uñjta: Wachuqa juchanak lurapxi, k'arisiñanakan sarnaqapxi, jan wali jaqinakaruw yanapapxi. Sodoma, Gomorra markankirinakat sipansa juk'ampi jan wali jaqinakäpxiwa.

Jeremías 23:14 Jak'a apnaqawi uñst'ayäwi

Génesis 13:13

cawqhantejj jakenacajj jan walïpjjäna, uqhamarac Tatitu contras sinti jach'a juchanaca lurapjjaraquïna.

Génesis 18:20

Uqhamasti Tatitojj sänwa: —Sodomanquiri, uqhamarac Gomorranquiri jakenacajj sinti jan wali jakenacat uñt'atäpjjewa, juchanacapasti sinti jan walipuniraquiwa.

Génesis 19:24

Tatitusti ninampi, azufrempwa Sodoma, uqhamarac Gomorra marcanacjjarojj puriyanïna,

Génesis 19:25

ucatsti take qhitinacatejj uca marcanacan jacapcäna ucanacampwa t'unjäna, uqhamarac take cunatejj uca vallen jilcäna ucanacsa k'alwa t'unjäna.

Isaías 9:15

(P'ekejj jilïri irpiri jakenacawa, wich'inqhasti, c'ari yatichiri profetanacaraquiwa.)

Jeremías 14:14

Ucatsti Tatitojj saraquituwa: “Uctejj profetanacajj nayan sutejjaru sasipcchejja, ucapachajj c'arisipjjewa. Janiw nayajj jupanacaru qhitancti, janiw cuna arojjsa churcaractti, ni jupanacarojj cunsa siscaractti. Ucanacajj c'ari yatiyäwinacaquiwa, c'ari uñjäwinacac parlapjjaraqui, jupanacan amtatanacaparu parlapjjatapaquiwa. Ucanacacwa uca profetanacajj yatiyapjjejja.

Jeremías 18:13

Ucatpï Tatitojj sejja: “Yakha marcanacaru jisct'asipjjam, aqham arunaca ist'irejj utjaracpachati. ¡Israel marcajja mä jach'a jan wali lurejja!

Jeremías 20:16

¡Uca jakesti, cawquïri marcanactejj Diosajj wiñayataqui t'unjqui uqhamäpan! Alwanacasti usutat warariña arnakasiñanaca ist'pan, chica ururusti guerran nuwasiñanaca arnakasiñanaca ist'aracpan,

Jeremías 23:17

Arunacajjaru jisc'achirinacarusti sapjjaraquiwa: ‘Take cunas waliquïscaniwa’ sasa. Qhitinacatejj chuymanacapan jan wali amtatanacaparuqui arcapjje ucanacarusti sapjjaraquiwa: ‘Janiw cuna jan walis jutcätamti’ ” sasa.

Jeremías 23:22

Jupanacatejj nayan amtatanacajja yatipjjasapän ucajja, nayan arunacajjwa marcajjarojj yatiyapjjasapänjja; jan wali thaquinacapatsa cuttayanipjjasapänwa, ñankha lurañanacapsa apanucuyapjjaraquisapänwa.”

Jeremías 23:32

Nayajj cawquïri profetanacatejj uca c'ari samcanacapa parlasajj marcajjaru maysaru saranucuyapjje ucanac tokew sayt'ta. Janiw nayajj jupanacaru qhitancti, janiraquiw cuna casta arunacsa churcaractti, uqhamasti jupanacajj janiw marcajjarojj yanapt'apcaspati. Naya Tatituw ucjja arsta.

Jeremías 29:21

“Colaías jaken yokapa Acab toketjja, Maasías jaken Sedequías yokapampitjja, Israelan Diosapa take ch'amani Tatitojj aqham siwa: ‘Qhitinacatejj jumanacaru, Tatitun sutipjjaru c'ari arunaca parljjayapjjtam, jupanacarojj Babilonia orakenquiri Nabucodonosor reyin amparaparuw catuyaraquï; uca reyisti jumanacan uñjcataraquiw pachpa jumanac nayrakatan jupanacarojj jiwarayani.

Jeremías 29:23

Take ucanacasti jumanacampejj lurasiniwa, Israel marcan sinti jach'a juchanac lurapjjatam laycu. Jake masiman warmipampiw jumanacajj jucha lurañan sarnakapjjtajja, cuntejj nayajj jan sapcsma ucanacaracwa nayan sutejj-jjaru parlapjjtajja. Nayajj ucjja sumwa yatta, naya quipcaw uñjta. Naya Tatituw ucjja arsta’ ” sasa.

Jeremías 36:2

“Mä kellkañ rollo catum, ucatsti ucaru kellkaraquim, cuntejj Israel marcjjata, Judá marcjjatsa, yakha marcanacatsa siscäma take ucanaca, cuntejj Josías reyin urunacapatpacha parljjaysma jichhürcama take uca arunaca.

Lamentaciones 4:6

Orakejjanquiri marcan juchapasti Sodoma marcan juchapat sipansa juc'ampiwa, uca marcasti janc'aqui t'unjataquëjjänwa, jan qhitin nuwata t'unjataquiraquïnwa.

Ezequiel 13:16

uqhamaraqui Israel marcanquiri uca c'ari unañchäwi uñjiri profetanacasa, cawquïrinacatejj Jerusalén marcarojj: Take cunas waliquïsquiwa, sasa yatiyapjjäna ucanacasa janiw kheparcjjapjjaniti.’ Naya Tatituw ucjja arsta.

Ezequiel 13:19

Jumanacajj marcajj nayrakatanwa nayarojj jisc'achapjjesta, mä jach'ta cebada laycu, uqhamaraqui mä jisc'a t'ant'a laycuraqui; jumanacajj jan juchani jakenacaruw jiwarayapjjtajja, qhitinacatejj jiwapjjañapäcän ucanacarusti janiw jiwayapcaractati. Uqhamwa jumanacajj nayan marcajjarojj sallkjapjjtajja, jumanacan c'ari arunacamar jaysapjjatap laycu.

Ezequiel 22:25

marca apnakerinacamasa leonanacjama catutanacaparus wararisin wicanukapquejja uqhamäpjjewa, orakepansti jakenacaruw mank'antapjje, take imasitanacapsa, kamir cancañapsa lunthatanipjjaraquiwa, walja warminacaruw ijma uñjasiyapjjaraqui.

Oseas 6:10

Israel marcansti sinti jan walinacpun uñjtjja: Efrainasti wachoka juchanwa sarnake, Israelasti mayninacampiraquiw k'añuchasjje.

Amós 4:11

“Sodoma marcampiru Gomorra marcampiru tucjcäyätjja uqhamaracwa jumanacarojj tucjapjjaracsmajja, ninat apsut mä sanc'ar uñtataraquiw kheparapjjtajja, ¡ucampis jumanacajj janiw nayarojj cutt'anipctati!” Uqham siw Tatitojja.

Miqueas 1:5

Take acanacasti lurasiniwa Jacobun marcapan Diosataqui sayt'asitap laycu, Israel marcan juch luratap laycuraqui. ¿Cawquincaraqui Jacobon jucha luratapasti? ¡Samaria marcanquiwa! ¿Cawquincaraqui Jacobon yakha diosanacar yupaychaña altaranacapasti? ¡Pachpa Jerusalén marcanquiwa!

Miqueas 3:11

Marcanquir juesanacasti kollke chilltayasipjjaraquejja, sacerdotenacasti kollke laycuquiraquiw yatichapjje, profetanacasti profecía arunacapjja aljapjjaraquiwa; ucatsti parlapjjaraquiwa Tatitojj jupanacampïcaspa uqhama, sapjjaraquiwa: ‘Tatituw jiwasampïsqui, janiw cuna jan walis pasquistaspati’ sasa.

Sofonías 3:4

Profetanacapas wali parlirïpjjewa, sallkjañanacac parlapjjaraqui, sacerdotenacapas Diosan santuariopjja k'añuchapjjaraquiwa, Diosan leyinacapsa p'aquintapjjaraquiwa.

Zacarías 13:2

Take aca marcanjja nayajj yakha diosanacan sutinacapjja t'unjaraquïwa jan mayampi amtasiñataqui. Uca pachparaquiw apakäjja profetanacsa, take ñankha ajayunacsa. Naya Tatituw ucjja arsta.

Malaquías 1:1

Aca arunacwa Diosajj Israel marcarojj parläna, Malaquías profeta toke.

Mateo 11:24

Ucampis nayajj sapjjsmawa, taripäwi urunjja jumanacajj uca Sodomanquirinacat sipansa juc'amp t'akhesiñwa catokapjjätajja.”

Deuteronomio 32:32

Jupanacasti ñusantat uva yapunacäpjjewa, Sodoma, Gomorra, marcanacan wawanacapa, cawquïri uva yapunacatï, c'allc'u venenoni achüpqui ucanaca;

1 Timoteo 4:2

C'ari chuyman jakenacaruw ist'apjjani, ucanacan chuymanacapajj janiw cuns amuycjjeti, parintat fierrompis nacsutäcaspa uqhama.

2 Pedro 2:6

Diosajj ninampiraquiw Sodoma, uqhamarac Gomorra sat marcanacarojj naqhantayänjja khellar tucuyasa, khepa urunacan jaquir jan wali jakenacan amuyt'asipjjañapataqui.

Judas 1:7

Uqhamaraqui Sodomampi Gomorrampi uca jac'a marcanacampejja, uca angelanacjamaraquiw wachoka jucha lurañar catuyasipjjäna. Ucatsti cunayman jan amuyt'cañ vicionacampi apayasisa, ucatsti taken amuyt'asiñapataqui uchatäpjjewa, wiñay akquir ninan t'akhesisa.

Apocalipsis 11:8

Amayanacapasti, cawquintejj Tatitojj ch'accatatäcäna uca jach'a marcan callenacapanwa jiwat jaktatäscani. Uca marcasti mä arunjja Sodoma, uqhamarac Egipto sataraquiwa.

Apocalipsis 19:20

Uca jach'a ajjsarcañ animalasti c'ari profetamp chica preso catutäjjänwa. Uca c'ari profetasti milagronaca lurirïtaynawa uca ajjsarcañ animal nayrakatanjja. Jupasti uca milagronacampiraquiw qhitinacatejj uca jach'a ajjsarcañ animalan chimpupampi uscuyascatayn ucanacarojj sallkjatayna. Ucatsti c'ari profetasa, uqhamarac uca ajjsarcañ animalasa asufrempi akasquiri nina kotar jacquirpacha jakontatäpjjänwa.

Apocalipsis 21:8

Ucampis ajjsaririnaca, jan iyawsirinaca, uñisisirinaca, jake jiwayirinaca, wachoka juchan sarnakerinaca, laykasirinaca, c'ari diosanacar yupaychirinaca, take c'arisirinacampisti nina kotaru jakontatäpjjaniwa, cawqhantï asufrempi naqhqui ucqharu, ucasti payïri jiwawa” sasa.

Apocalipsis 22:15

Ucampis ankaruw kheparapjjani jan wali sarnakerinacasa laykasirinacasa, wachoka juchan sarnakerinacasa, jake jiwayirinacasa, yakha diosanacar yupaychirinacasa, uqhamarac take sallkjirinacasa.