Jeremías 23:14 - Qullan Arunaka DC

¹⁴ Jerusalenankir profetanakarusti, axtaskañ luräwinak lurasipkir uñjta: Wachuqa juchanak lurapxi, k'arisiñanakan sarnaqapxi, jan wali jaqinakaruw yanapapxi. Sodoma, Gomorra markankirinakat sipansa juk'ampi jan wali jaqinakäpxiwa.

Aymar Bibliia 1986

¹⁴ Jerusalenanquir profetanacarusti nayaw uñjta, ajjtascañ luräwinaca lurasipquiri: Wachok juchanac lurapjje, lunthatapjjaraqui, janiraquiw maynis ñankha lurañanacapjja apanucquiti. Jupanacasa, marcan jaquirinacasa, nayataquejj Sodoma, Gomorra marcanacjamäpjjewa.

Qullan Arunaca

¹⁴ Jerusalenanquir profetanacarusti nayaw uñjta, ajjtascañ luräwinaca lurasipquiri: Wachok juchanac lurapjje, lunthatapjjaraqui, janiraquiw maynis ñankha lurañanacapjja apanucquiti. Jupanacasa, marcan jaquirinacasa, nayataquejj Sodoma, Gomorra marcanacjamäpjjewa.

Jeremías 23:14 Jak'a apnaqawi uñst'ayäwi

Génesis 13:13

kawkhantix jaqinakax jan walïpkäna, Tatit nayraqatansti sinti jach'a juchanak lurapkarakïna ukaru.

Génesis 18:20

Ukhamasti Tatitux juparux sänwa: —Sodomankiri, Gomorrankiri jaqinakax sinti jan wali jaqinakat uñt'atäpxiwa, juchanakapasti sinti jan walipuniwa,

Génesis 19:24

Tatitux Sodoma, Gomorra markanakxarux aqkir azufrempiw jallur uñtat purintayäna;

Génesis 19:25

ukatsti taqi khitinakatix uka markanakan jakapkäna jupanakampiru, ukhamarak taqi kunatix uka qhirwan jilkäna ukanakampirus q'al tukjäna.

Isaías 9:15

15 (14) P'iqix jilïri irpir jaqinakaruw uñtasi, wich'inkhasti k'ari yatichir profetanakaruw uñtasiraki.

Jeremías 14:14

Ukatsti Tatitux sarakituwa: “Uktix profetanakax nayan sutixar sasipkchixa, ukham parlatanakapampix k'arisipxiwa. Janiw nayax jupanakarux khithankti, janiw ukham sapxañapatakis maykarakkti, janirakiw jupanakarux kunsa siskaraktti. Ukanakax k'ari yatiyäwinakawa, k'ari uñjäwinakak parlapxaraki, jupanakan amtatanakapar parlapxatapakiwa. Ukanakpï uka profetanakax yatiyapxtamxa.

Jeremías 18:13

Ukatpï Tatitux sixa: “Yaqha markanakar jiskt'asipxam, akham arunaka ist'irix utjarakpachati. ¡Israel markax jan walpin luri!

Jeremías 20:16

¡Uka jaqisti, kawkïr markanakarutix Tatitux wiñayatak t'unjki ukhamäpan! ¡Qhantatinakax usutat arnaqasiñanak ist'pan, chika urusti nuwasiñan arnaqasitanak ist'arakpan,

Jeremías 23:17

Arunakaxar jisk'achirinakarusti sapxarakiwa: ‘Taqi kunas walikïskaniwa’ sasa. Chuymanakapan jan wali amtatanakaparuk arkapki ukanakarusti sapxarakiwa: ‘Janiw kuna jan walis jutkätamti’ ” sasa.

Jeremías 23:22

Jupanakatix nayan amtatanakax yatipxasapän ukkhasti, markaxarux nayan arunakax yatiyapxasapänwa; jan wali thakhinakapatsa kuttayanipxasapänwa, ñanqha lurañanakapsa apanukuyapxarakisapänwa.”

Jeremías 23:32

Nayax kawkïr profetanakatix uka k'ari samkanakap parlasax markaxar maysar saranukuyapxi ukanakatakiw sayt'ta. Janiw nayax jupanakar khithankti, janirakiw kuna arunaksa churkaraktti, ukhamasti jupanakax janiw markaxarux yanapt'apkaspati. Naya, Tatituw uk arsta.

Jeremías 29:21

“Colaías jaqin Acab yuqapata, Maasías jaqin Sedequías yuqapampitxa, khitinakatix jumanakaru, Tatitun sutipxar k'ari arunak parlxayapxtam ukanakarux, Israelan Diosapa taqi ch'aman Tatitux akham siwa: ‘Nayaw jupanakarux Babilonia uraqinkir Nabucodonosor reyin amparapar katuyarakï; uka reyisti jumanakan uñjkañaw jumanak nayraqatan jupanakar jiwarayani.

Jeremías 29:23

Taqi ukanakaw jumanakampix lurasini, Israel markan sinti jach'a juchanak lurapxatam layku: jaqi masiman warmipampiw jumanakax wachuqa jucha lurapxtaxa, ukatsti kuntix nayax jan sapksma ukanakarak nayan sutixar parlapxtaxa. Nayax uk sum yatta, naya kipkaw uñjta. Naya, Tatituw uk arsta’ ” sasa.

Jeremías 36:2

“Jeremías, mä jisk'a lip'ichinak jikxatam, ukatsti kuntix Israel markxata, Judá markxatsa, yaqha markanakxatsa siskäma taqi ukanak uka lip'ichinakar qillqantam, kuntix Josías reyin urunakapatpacha, jichürkamas luraskixa, taqi ukanak qillqantam.

Jeremías 49:18

Sodoma, Gomorra, ukhamarak uka jak'ankir markanakjam t'unjatäniwa. Janirakiw khitis uka markanakan utjaskaniti. Naya, Tatituw uk arsta.

Lamentaciones 4:6

Jerusalén markax tinkuwa, juchapasti Sodoma markan juchapat sipan juk'amp jilapuniwa, uka markax jan khitin nuwantataw mä juk'a pachan t'unjat uñjasïna.

Ezequiel 13:16

Israel markankir uka k'ari unañchäwi uñjir profetanakasa, khitinakatix Jerusalén markarux: ‘Taqi kunas walikïskiwa’ sasa yatiyapkäna ukanakas janiw qhiparkxapxaniti.’ Naya, Tatituw uk arsta.

Ezequiel 13:19

Jumanakax mä jach'i cebada layku, mä jisk'a t'ant'a laykukiw nayarux markax nayraqatan jisk'achapxista; jan juchan jaqinakaruw jiwarayapxtaxa, khitinakatix jiwapxañapäkän ukanakarusti janiw jiwayapktati. Jumanakax ukham nayan markaxarux sallqjapxtaxa, jumanakan k'ari arunakamar jaysapxatap layku.

Ezequiel 22:25

marka apnaqirinakamasa leonanakjamaw jaqinakarux manq'antapxi; pachpa uraqipan katutanakaparus warart'asisa wikhanuqapxi, taqi imasitanakapsa, qamir yänakapsa q'al lunthatjapxi, walja warminakaruw ijma uñjasiyapxaraki.

Oseas 6:10

Israel markan jakirinak taypinsti, sinti jan walinakpun nayax uñjta: Israelitanakasti wachuq juchanakan sarnaqapxi, q'añuchjasipxarakiwa.

Amós 4:11

“Kamisatix Sodoma markampiru, Gomorra markampir nayax tukjkta, ukham jumanakarux tukjapxaraksma; ninat apsut sank'ar uñtatäpxayätawa, ¡ukampis jumanakax janiw nayan ukarux kuttanipktati!” Tatitux ukham siwa.

Miqueas 1:5

Taqi akanakasti Jacobun markapan Tatitur saykatatap laykuw lurasini, Israel markan jucha luratap laykuraki. ¿Kawkinkarak Jacobun jucha luratapasti? ¡Samaria markankiwa! ¿Kawkinkarak Judá markan yaqha diosanakar yupaychañatak luratäki ukanakasti? ¡Pachpa Jerusalén markankiwa!

Miqueas 3:11

Kunatix chiqäki ukanak uñjirinakasa qullqi chilltayasipxi, sacerdotenakas qullqi laykukiw yatichapxi, profetanakasti profecía arunakapxa aljapxarakiwa; taqi akanakatxa Tatitux walikiw siskaspasa ukhama. Ukatsti sapxarakiwa: “Tatituw jiwasampïski, janiw kuna jan walis jiwasxar jutkaniti” sasa.

Sofonías 3:4

Profetanakapas wali jach'achasiri, sallqa arunak parlirïpxiwa; sacerdotenakapax Tatitun qullan utapsa q'añuchapxiwa, kamachinakapsa p'akintapxarakiwa.

Zacarías 13:2

Taqi aka markansti nayax yaqha diosanakan sutinakapsa jan mayampi amtasiñatakiw t'unjä. Uka pachparakiw profetanaksa, taqi ñanqha ajayunaksa q'alpun tukjarakï. Naya, Tatituw uk arsta.

Malaquías 1:1

Tatitux Malaquías profeta tuqiw Israel markar aka arunak yatiyäna:

Mateo 11:24

Ukampis nayax sapxsmawa, taripäwi urun jumanakax Sodomankirinakat sipansa juk'amp t'aqhisiñ katuqapxäta”.

Deuteronomio 32:32

Jupanakax Sodoma, Gomorra markanakankir jaqinakjamawa. Jan wali uva yapunakar uñtatäpxiwa, k'allk'u uvak achuyapxi;

1 Timoteo 4:2

K'ari chuyman jaqinakaruw ist'apxani, uka jaqinakax luratanakapatsa janiw p'inqasipkiti.

2 Pedro 2:6

Sodoma, Gomorra markanakarusti, Diosax qhillar tukuyañkamaw ninamp nakhantayäna, qhipa urunakan jakir jan wali jaqinakan amuyt'asiñapataki.

Judas 1:7

Sodomampi, Gomorrampi, uka jak'a markankirinakampisa, uka jan wali angelanakjamarakiw wachuq jucha lurañanakar katuyasipxäna. Ukat wiñay aqkir ninamp tukjatäpxäna, ukasti taqinin amuyt'asiñapatakiw lurasïna.

Apocalipsis 11:8

Amayanakapasti, kawkintix Tatitux ch'akkatatäkän uka jach'a markan thakhinakapan jaqtatäskaniwa. Uka markasti mä arunxa Sodoma, ukhamarak Egipto satarakiwa.

Apocalipsis 19:20

Uka jach'a axsarkañ animalasti k'ari profetamp chika katuntatäxänwa, uka k'ari profetasti muspharkañanak lurirïtayna uka axsarkañ animal nayraqatana. Uka muspharkañ luräwinak tuqiw, uka k'ari profetax sallqjatayna khitinakarutix jach'a axsarkañ animalan chimpupampi chimpuyasipkatayna, ukatsti ukan uñtasit lursutapar yupaychapkatayna ukanakaru. Ukatsti k'ari profetasa, uka axsarkañ animalasa azufrempi aqaskir nina qutar jakkirpacha jaquntataw uñjasipxäna.

Apocalipsis 21:8

Ukampis axsaririnaka, jan iyawsirinaka, uñisisirinaka, jaqi jiwayirinaka, wachuqa juchan sarnaqirinaka, layqasirinaka, idolonakar yupaychirinaka, k'arisirinakampisti, azufrempi nakhir nina qutar jaquntataw uñjasipxani, ukasti payïri jiwawa” sasa.

Apocalipsis 22:15

Ukat sipana, anqaruw qhiparapxani jan wali sarnaqirinaka, layqasirinaka, wachuqa juchan sarnaqirinaka, jaqi jiwayirinaka, idolonakar yupaychirinaka, taqi sallqjirinaka, jan wali luras sarnaqirinakasa.