Jeremías 22:6 - Qullan Arunaca

⁶ Tatitusti Judá reyin palaciopatjja aqhama siwa: “Jumajj nayataquejj Galaad kolljamätawa, Líbano kollu patar uñtata, ucampisa juramentompiw arsta, jumarojj wasararuw tucuyäma, jan jakenacani orakeruw tucuyäma.

Aymar Bibliia 1986

⁶ Tatitusti Judá reyin palaciopatjja aqhama siwa: “Jumajj nayataquejj Galaad kolljamätawa, Líbano kollu patar uñtata, ucampisa juramentompiw arsta, jumarojj wasararuw tucuyäma, jan jakenacani orakeruw tucuyäma.

Qullan Arunaka DC

⁶ Tatitusti Judá reyin utapatxa akham siwa: “Jumax nayatakix Galaad qulljamätawa, Líbano jach'a qullunak patar uñtata, ukampis juramentompiw arsta, jumarux ch'usa wasararuw tukuyäma, jan jaqinakan chiqaruw tukuyäma.

Jeremías 22:6 Jak'a apnaqawi uñst'ayäwi

Génesis 37:25

Ucjjarusti mank'asiñataquiw kont'asipjjaraquïna. Uqhamäquipanwa uñjapjjän mä viajero jakenac jutasquiri, ucanacasti ismaelitanacänwa, Galaad toketwa jutasipcaraquïna, camellonacatsti suma k'apquir perfumenaca, bálsamo, mirra ucanaca Egiptor apasipcaraquïna.

Salmos 107:34

Purum orakenac kollpa oraker tucuyi, jakenacapan ñankha lurirïpjjatap laycu.

Cantar de los cantares 4:1

¡Munatajjay, cunja muncañätasa! ¡Cunja muncañätasa! Nayranacamajj pä palomar uñtatawa, velo khepajjaru imantata; ñic'utamasti Galaad sat kollu cayuna jipirata cabrito tamanacar uñtatawa.

Cantar de los cantares 5:15

cayunacapasti marmolat lurat sayirinacjamawa kori patjjar suma utt'ayata; uñanakapasti sinti sumawa Libanonquir cedro kokanacjama;

Isaías 27:10

Wali suma perkantat marcasti k'ala tucjataw uñjasi, mä apanucut utjama, wasara jan jakenacani. Uywa awatisiñ chekaquëjjewa, cawqhantejj uywanacajj layminac mank'apjje, jipirt'jjapjjaraqui.

Isaías 37:24

Juman yanapirinacamampiraquiw Tatiturojj jisc'achtajja, saractawa: ‘Guerrar sarir walja carronacajjampiraquiw wali alto kollunacaru maqhatjjä, Líbano jach'a kollu ilaymiparus maqhataractwa, ucansti cedro maderanacapsa suma pinonacapsa, qhuchhuraractwa. Wali alto kollunacapcamapuniwa purtjja, pankar yapur uñtat ch'uminacaparusa.

Isaías 6:11

Nayasti jisct'aractwa: —¿Cunapachcamaraquïni ucasti, Tata? —sasa. Jupasti saraquituwa: —Cunapachatejj marcanacajj k'ala t'unjatäni, uca marcanacansti janiraqui mä jakes utjcaniti ucqhacamäniwa. Utanacas jan jakeni uñjasini, pampanacas ch'usa wasarar tucuyata,

Jeremías 21:11

“Judá orakenquiri reyin utaparusti, David reyit jutirinacarusa, nayan sutejjaru aqham saraquim: Tatitun arunacapa ist'am: Sapa urusa cunatejj chekapäqui uca luraraquim; t'akhesiyatanacarusti t'akhesiyirinacapata khespiyaraquim, uqhamata, jan wali luratanacam laycu, colerasiñajjasti ninjama aktascaraquispa, ucatsti naqharaquispa jan qhitinsa jiwarayañjama.

Jeremías 21:14

Nayasti luratanacamarjamaw mutuyapjjäma; ch'uminacamarusti ninampiw wiycataraquëjja, uca ninasti take ucsa tokenacwa naqhantaraquini. Naya Tatituw ucjja arsta.’ ”

Jeremías 22:24

Tatitusti Jeconías chacharojj siwa, ucasti Judá orakenquiri Joacim reyin yokapänwa, juparusti aqham sasa: “Juramentompiw arsta: Cupi amparajjanjja sellaña anillöcasma ucasa, amparajjatjja apanucupunirismawa,

Jeremías 26:18

“Ezequiasajj aca Judá orake apnakcän uca urunacanjja, Moreset sat chekat jutiri Miqueasaraquiw, uqhama Tatitun sutipjjaru take jakenacaru parlänjja aqham sasa: ‘Take ch'amani Tatitojj aqham siwa: Sionajj mä khollinucuta yapjamaw kheparani, Jerusalenasti mayjaru willthapita lakayanacaquiw uñjasiraquini, templojj utachatäqui uca kollusti koranacampi phokhantataraquiw uñjasini’ sasa.

Jeremías 4:20

Jan walt'añanacat yatiyäwinacaw puriniraqui; take marcpachaw jichhajj t'unjataraqui. Campamentonacajjas acatjamat t'unjataw uñjasipjje, carpanacajjas k'ala t'unjatapuniwa.

Jeremías 4:7

Leonajj niyaw putupat mistuni; marcanac tucjiristi niyaw jutanti; marcapatwa mistuniwayi, marcama t'unjañataqui, wasara, k'ala t'unjatwa marcanacamjja tucuyani.

Jeremías 50:12

Ucampisa marcamajja, uqhamaraqui nacïwima marcamasa, mä p'enkaw khepararaquini. Take marcanacat sipansa khepancapuniniwa, waña wasararu, jan jakeni tucuyataraquïniwa.

Jeremías 7:34

Judá oraken marcanacapatsti, uqhamaraqui Jerusalén callenacatsa cusiscañ fiesta k'ochunacsa, casarasiñ k'ochunacsa chhaktayäwa; take marcpachasti ch'usa wasararu tucutaraquïniwa” sasa.

Jeremías 8:22

¿Janit cuna kollas Galaad chekanjja utjcpacha? ¿Janit ucanjja qhiti kollt'iris utjcpacha? ¿Cunataraqui marcajjarusti jan kollapjjesti?

Jeremías 9:11

“Jerusalén marcarojj mä kala chhajjwaruw tucuyä; kamakenacan putunacaparuw tucuyaraquï; Judá oraken marcanacsti mä wasararuw tucuyaraquï; jan jakeniw kheparjjapjjaraquini.”

Miqueas 3:12

Ucatpï Diosan Jerusalén marcapajj jumanacan juchanacam laycu khollinokata uñjasinejja, mayjaru willthapitaraqui, templojj cawqhancquitejj uca kollus koran korantataw uñjasini.”

Zacarías 11:1

¡Líbano kollunaca, puncum jist'arasim, cedro kokanacamjja nina naqhantpan!

Números 32:1

Rubén, uqhamarac Gad tribunacajj walja uywanacanïpjjänwa. Cunapachatejj jupanacajj uñjapjjäna Jazer, uqhamarac Galaad orakenacan sumätapjja uywanac uywañataquejja,

Deuteronomio 3:25

Jumaruwa achict'asma nayan maqhatañajjataqui qhursa Jordán jawira tokeru, nayasti uñjañ munta qhä suma orake, uqhamarac qhä suma kollunacsa, Líbano sat oraksa’ sasa.