Jeremías 22:6 - Qullan Arunaka DC

⁶ Tatitusti Judá reyin utapatxa akham siwa: “Jumax nayatakix Galaad qulljamätawa, Líbano jach'a qullunak patar uñtata, ukampis juramentompiw arsta, jumarux ch'usa wasararuw tukuyäma, jan jaqinakan chiqaruw tukuyäma.

Aymar Bibliia 1986

⁶ Tatitusti Judá reyin palaciopatjja aqhama siwa: “Jumajj nayataquejj Galaad kolljamätawa, Líbano kollu patar uñtata, ucampisa juramentompiw arsta, jumarojj wasararuw tucuyäma, jan jakenacani orakeruw tucuyäma.

Qullan Arunaca

⁶ Tatitusti Judá reyin palaciopatjja aqhama siwa: “Jumajj nayataquejj Galaad kolljamätawa, Líbano kollu patar uñtata, ucampisa juramentompiw arsta, jumarojj wasararuw tucuyäma, jan jakenacani orakeruw tucuyäma.

Jeremías 22:6 Jak'a apnaqawi uñst'ayäwi

Génesis 37:25

Uka qhipatsti jupanakax manq'asiriw qunt'asxapxäna. Ukhamäkipan sarir jaqinak jutaskir uñjapxäna, uka jaqinakasti Galaad tuqit jutir ismaelita jaqinakänwa, jupanakasti suma q'apkir qullanaka, bálsamo, mirra ukanak camellonakapan khumt'at Egiptor apasipkäna.

Salmos 107:34

purum uraqinak qullpa uraqir tukuyi, jaqinakapan ñanqha lurirïpxatap layku;

Cantar de los cantares 4:1

¡Munasitaxay, jiwitakïtawa! ¡Kunja munkañätasa! Nayranakamax pä palomar uñtatawa, ajanu imxatat qhipäxar imantata; ñik'utamasti Galaad qullunakan ananaqtir cabritonakar uñtatawa.

Cantar de los cantares 5:15

kayunakapax mármol qalat lurat sayirinakar uñtatawa, suma quri patxar utt'ayata; sayt'asitapasti wali sumawa, Libanonkir cedro quqar uñtata;

Isaías 27:10

Wali suma pirqantat markasti q'ala tukjataw uñjasi, mä apanukut utjama, mä ch'usa wasara jan jaqinjama. Jichhax uywa awatisiñ chiqakïxiwa, uywanakax layminak manq'apxi, ukanarak jipirt'xapxi.

Isaías 37:24

Juman yanapirinakam tuqiw Tatiturux jisk'achtaxa. Saraktawa: ‘Nuwasir sarir walja carronakaxampiw wali alay Líbano qullunakar makhatta. Jach'a cedro quqanakapa, suma pinonakapsa, q'al khuchhurarakta. Wali alay qullunakapkamapuniw purta, panqar yapur uñtat ch'uminakapkamaw purta.

Isaías 6:11

Nayasti jiskt'araktwa: “Tatay, ¿kunapachkamarakïni ukasti?” sasa. Jupasti sarakituwa: “Kunapachatix taqpach markanakax q'ala t'unjatäkani, uka markanakas jan jaqin jikxatasipkani; utanakas jan mä jaqin uñjaskani, pampanakas ch'usa wasarar tukuyatäkani,

Jeremías 21:11

“ ‘Judá uraqinkir reyin utaparu, David reyit saraqirinakarusa, nayan sutixar akham sarakim: ‘Tatitun arunakap ist'am: Sapa urus kunatix chiqapäki uk lurarakim; t'aqhisiyatanakarusti t'aqhisiyirinakapat qhispiyam, ukham jan wali luratanakamat phiñasiñaxax ninjam aqtaspa, jan khitinsa jiwaraykayaw nakharakispa.

Jeremías 21:14

Nayasti luratanakamarjamaw mutuyapxäma; ch'uminakamarusti ninampiw phichhkatä, uka ninasti taqi uksa tuqinak nakhantani. Naya, Tatituw uk arsta.’ ”

Jeremías 22:24

Tatitux Joacín jaqin Joaquín yuqaparux, Judá uraqin reyiparux siwa: “Juramentompiw arsta: Kupi amparaxan surtijapäkasma ukasa, amparaxat apanukupunirismawa,

Jeremías 26:18

“Ezequiasax aka Judá uraqi apnaqkän uka urunakanxa, Moréset sat chiqat jutir Miqueasaw Tatitun sutipxar taqi jaqinakar yatiyäna, akham sasa: ‘Taqi ch'aman Tatitux akham siwa: Sión qullux mä qhullinukut yapjamaw qhiparani, Jerusalenasti laqayanakjam mayjar willthapitaw uñjasini, Tatitun utapax utachatäki uka qullusti, quranakampi phuqhantataw uñjasini’ sasa.

Jeremías 4:20

Jan walt'añanakat yatiyäwinakaw purini; taqi markpachaw jichhax t'unjataraki. Utjnuqäwinakaxas akatjamat q'ala t'unjataw uñjasi, chhujllanakaxas q'ala t'unjatapuniwa.

Jeremías 4:7

Leonax niyaw putupat mistuni; markanak tukjiristi niyaw jutanti; markam t'unjiriw markapat mistuniwayi, markanakamxa, ch'usa wasara, q'ala t'unjat tukuyani.

Jeremías 50:12

Ukampis yurïwi markamax mä p'inqaw qhiparani. Taqi markanakat sipansa qhipankapuniniwa, ch'usa waña wasararu, jan jaqini tukuyatarakïniwa.

Jeremías 7:34

Judá uraqin markanakapatsti, Jerusalén markatsa, kusiskañanaka, phunchhäwinaka, jaqichasiñ q'uchunak q'al chhaqtayä; taqi markpachasti ch'usa wasarar tukutarakïniwa” sasa.

Jeremías 8:22

¿Janit kuna qullas Galaad chiqan utjkpacha? ¿Janit ukan khiti qullt'iris utjkpacha? ¿Kunatarak markaxasti jan qullt'atäpachasti?

Jeremías 9:11

11 (10) “Jerusalén markarux qala chhaxwaruw tukuyä; qamaqinakan putunakaparuw tukuyarakï; Judá uraqinkir markanakarusti mä ch'usa wasararuw tukuyä; jan jaqiniw qhiparxapxani.”

Miqueas 3:12

Jumanakan juchanakam laykuw Tatitun Jerusalén markapax q'ala tukjata uñjasini, mayjaru willthapitarakïniwa, kawkhankkitix Tatitun utapax uka qullus quran qurantataw uñjasini.

Zacarías 11:1

¡Líbano qullunaka, punkunakam jist'arasim, cedro quqanakamxa nina nakhantpan!

Números 32:1

Rubén, Gad ayllunkir jaqinakan uywanakapax waljapunïnwa. Jupanakasti Jazer uraqimpi, Galaad uraqimpi, uywanak uywañatak wali suma uraqïtap uñjasinxa,

Deuteronomio 3:25

Jordán jawir khurkatar makhatt'ayakitaya, khä suma uraqi uñjañ munta, khä suma qullunaksa, Líbano uraqsa uñjañ munarakta’ sasa.