Jeremías 20:5 - Qullan Arunaca

⁵ Aca marcan kamir cancañapsa, take yänacapsa, wali jila alani yänacapsa Judá orakenquir reyinacan yänacapsa uñisirinacamaruw catuyaraquï, Babiloniaru apapjjañapataqui.

Aymar Bibliia 1986

⁵ Aca marcan kamir cancañapsa, take yänacapsa, wali jila alani yänacapsa Judá orakenquir reyinacan yänacapsa uñisirinacamaruw catuyaraquï, Babiloniaru apapjjañapataqui.

Qullan Arunaka DC

⁵ Aka markan qamir yänakapsa, wali jila alani yänakapsa, Judá uraqinkir reyinakan qamir yänakapsa, uñisirinakamaruw katuyarakï, Babiloniar apapxañapataki.

Jeremías 20:5 Jak'a apnaqawi uñst'ayäwi

2 Crónicas 36:10

Nabucodonosor reyisti uca pachpa marana jallupachawa qhitanïna Babiloniaru jupar apañapataqui, Tatitun templopan jila alani yänacampi chica. Ucatsti Judá, Jerusalén ucanacjjarusti Sedequías chacharuw reyit utt'äyawayäna, jupasti Joaquín reyin familiapänwa.

Isaías 39:6

‘Mä uruw purinini, cunatejj palacioman utjqui, cunanactejj nayra awquinacamas imapcän ucanacajj Babiloniaru apatäniwa. Janiraquiw acarojj cunas kheparcjjaniti.

Jeremías 12:12

Take wasara kollu patanacatsti, khoru jakenacaw jutantapjjäna, ucampisa naya Tatitojj mä espada ayt'atätwa, aca marcsti maysat mayswa t'unjanï, janiraquiw qhititaquis suman sarnakasiñajj utjcaniti.

Jeremías 15:13

Israel, walja jucha luratam laycusti, take imasitanacamsa, kamir cancañamsa uñisirinacamaruw catuyä, take cunanacatejj orakeman utjqui ucanacsa, jupanacaruw catuyä inaqui apasjjapjjañapataqui.

Jeremías 17:3

pampanacansa, take ucanacatjja amtasipjjewa. Juchanacam laycusti, kamir cancañamsa, imasitanacamsa lunthatsuyämawa, take orakenacamansti kollana kollunacamsa lunthatjayaraquïwa.

Jeremías 3:24

Yakha diosanacar mä p'enka yupaychatasajja, cuntejj awquinacasajj wawäcäyätan ucapacha jicjjatapcatayna uca apt'asiyistu; ovejanaca, uywanaca, uqhamaraqui yokall, imill wawanacsa.

Jeremías 32:24

‘Jichhajj caldeo jakenacajj marcaru nuwantañataquiw wali waquichrantasipjje; guerrampi, mach'ampi, cunaymani usunacampiraquiw marcajj uñisirinacan amparaparu purini. Tata, cuntejj jumajj siscäyät uca arunacajj phokhasipuniwa.

Jeremías 39:2

Tunca mayani marana, pusïri phajjsina, llätunca uru sarakatarusti, cunapachatejj Sedequiasajj reyïcän uca maraw uñisirinacapajj take ejercitopampi Jerusalén marcaru mantanipjje,

Jeremías 39:8

Caldeo jakenacasti reyin palacioparojj ninampiw phichhantapjjäna, uqhamaraqui take utanacarusa, marcarusti ninampiw naqhayapjjaraquïna, Jerusalén marcan perkanacapasti k'alwa allinucupjjaraquïna.

Jeremías 4:20

Jan walt'añanacat yatiyäwinacaw puriniraqui; take marcpachaw jichhajj t'unjataraqui. Campamentonacajjas acatjamat t'unjataw uñjasipjje, carpanacajjas k'ala t'unjatapuniwa.

Lamentaciones 1:10

Uñisirinacaw Jerusalén marcan kamir cancañapjja catuntasjjapjje. Marcasti, jan Diosar uñt'ir jakenacan ch'amampi templor mantirwa uñjaraqui. ¡Cawquïri jakenacarutejj jumajj ‘Janiw nayan utajjar mantapjjätati’ siscta ucanacaw mantapjje!

Lamentaciones 1:7

Jerusalenasti qhaya urunacatwa amtasi, cunapachatï sapaqui, llact'ata kheparcäna uca urunacata. Cuna kamir cancañapatejj nayrajj utjcäna take ucanacatwa amtasi; cunjämsa uñisiripajj amparapar purïna take ucanacwa amtasi, janiraqui qhitis jupar yanapt'irejj jutcänti ucanacwa amtasi, uñisirinacapasti jupar uñjasinjja, aynacht'atapatjja larusipjjänwa.

Lamentaciones 4:12

Aca orakenquiri reyinacajja, uqhamaraqui take acapachanquiri reyinacasa, janipuniw Jerusalén marcan puncupcama uñisirinacapan puriñapjja amuyapcänti.

Ezequiel 22:25

marca apnakerinacamasa leonanacjama catutanacaparus wararisin wicanukapquejja uqhamäpjjewa, orakepansti jakenacaruw mank'antapjje, take imasitanacapsa, kamir cancañapsa lunthatanipjjaraquiwa, walja warminacaruw ijma uñjasiyapjjaraqui.

Daniel (hebreo) 1:2

Tatitusti Joacim reyirojj Nabucodonosor reyimpiw catuntayäna, cuna yänacatejj templon utjcäna ucanacsa Nabucodonosor reyiruw catuyaraquïna. Nabucodonosor reyisti jakenacjja preso apasjjäna Babilonia marcaru, Diosan templopata apsuta kollana yänacsa diosanacapan yänacapampi chicwa uscjjaraquïna;

Oseas 13:15

Israelajj mä suma pankarar uñtatäcchinisa, inti jalsu toket thayajj jutani, wasaran wali thayquis uca Tatitun thayapa, ucatsti uma jalsunacapsa, phuch'unacapsa k'alwa wañt'ayani. Uñisirimaraquiw apasjjani suma alhaja imasitanacapsa.