Jeremías 2:6 - Qullan Arunaca

⁶ Nayar thaktañatsti janiw llaquisipcaraquiti, nayaw jupanacarojj Egiptot apsunta, wasaranjam irparacta, sinti waña orakenjama, uqhamarac jach'a jakhe jakhe taypnama, jan umani orakenjama, uca orakesti cunayman jan walt'añanacansa phokhantataraqui, cawqhantejj jan qhitis jacquiti uqhamaraqui, jan qhitis sarnakqui uca orakenjama.

Aymar Bibliia 1986

⁶ Nayar thaktañatsti janiw llaquisipcaraquiti, nayaw jupanacarojj Egiptot apsunta, wasaranjam irparacta, sinti waña orakenjama, uqhamarac jach'a jakhe jakhe taypnama, jan umani orakenjama, uca orakesti cunayman jan walt'añanacansa phokhantataraqui, cawqhantejj jan qhitis jacquiti uqhamaraqui, jan qhitis sarnakqui uca orakenjama.

Qullan Arunaka DC

⁶ Nayar thaqtañatsti janiw llakisipkiti, nayaw jupanakarux Egiptot irpsunta, wasaranjam irparakta, sinti waña uraqinjama, jach'a jaqhi jaqhi taypnama, jan umani uraqinjama, kunayman jan walt'añanakan phuqhantat uraqi, kawkhantix jan khitis jakki, janirak khitis sarnaqki uka uraqinjama.

Jeremías 2:6 Jak'a apnaqawi uñst'ayäwi

2 Reyes 2:14

Ucjjarusti Eliasana capapa catusinjja umaruwa jisctäna, aqhama art'asina: “¿Cawquinquis Eliasan Tatit Diosapajja?” sasa. Ucatjja umaruw jisctäna umasti payaruw jaljtäna, ucatsti Eliseojj wastatampiw jawira maqhatäna.

Job 3:5

¡Walïsapänwa uca urjjaru mä ch'iyar kenayan chhaktayañapajja. Mä ch'iyar ch'amaca chhaktayasapäna, jan ucajj intin ch'amact'atapasa ajjsarañampi phokhantasapäna!

Job 35:10

Ucampisa janiw jupanacar irnokeri Diosarojj thaktapquiti. Qhititejj t'akhesiña horasan ch'ama churqui uca Diosarojja;

Salmos 23:4

Ajjsarcay lajja ch'amac chekawja sarcasasa, janiw cunarus ajjsarcäti, nayamp chic saratam laycu: lawamasa, thujrumasa, ch'am churitani.

Salmos 77:5

Nayra pach urunac amthapta, nayra maranacat amtasta;

Éxodo 20:2

“Nayätwa juman Tatitu Diosamajja, nayaw Egiptotjja apsunsma cawqhantejj sirviñampi t'akhesiscayäta ucqhatjja.

Isaías 63:9

Juparaquiw take llaquinacapatjja khespiyi. Janiw jupan mä qhitanitapati khespiyquejja; jan ucasti quipca Tatituw khespiyi. Qhuyapayasiñap laycu, munasiñap laycuraquiw jupajj khespiyi, jupaw wayti, amparat caturaqui. Uqhampunwa luri.

Isaías 64:7

Janiw qhitis jumar mayisirejj utjquiti, janiraquiw jumar thakañataquejj ch'amacht'asquiti; ucatpï nanacatjja imantasjjtajja, ñankha luratanacajj laycuw apanucupjjaraquistajja.

Jeremías 13:16

Tatitu Diosamarusti jach'achapjjaraquim, janïra jupajj ch'amaca puriyanquipana, ucat jumanacajj ch'amaca kollunacan liwirtapjjaraquisma; janïra jupajj ch'amacaru tucuyquipana, jach'a jathi ch'amacaru tucuyquipana, cawquïri khantejj jumanacajj suyapcäyäta uca.

Jeremías 2:2

“Saram, ucatsti Jerusalén marcaru parlanim; jach'at art'am sum ist'apjjañapataqui: ‘¡Aqham siw Tatitojja! Amtasisctwa, cunapachatejj tawaköcäyätajj ucapachajj take chuymaw nayataquïyätajja, cunapachatejj jumajj nayan warmejja tucjjäyätajja ucapachasti nayarojj wali munasiraquïyästajja, wasaranjamracwa nayarojj arcanïyästajja, cawqhantejj jan cunas achqui uca orakenjama.

Jeremías 2:8

Sacerdotenacajj janiw thakhapquitänti, marcaru yatichañataqui uscuta jakenacasti, janiw nayarojj uñt'apquitänti, jilïrinacasti nayataquiw sayt'asipjjaraqui, profetanacasti Baal diosan sutipjjaruquiraquiw parlapjje, ucatsti ina ch'usa diosanacan khepap arcapjjaraqui.

Jeremías 5:12

Israelampi, Judämpejj Tatiturojj jan uñt'iriw tucupjje; sapjjaraquiwa: “Janiw Diosajj utjquiti. Janiw cuna jan walis pasquistaniti, janiraquiw guerras, mach'as utjcaniti” sasa.

Jeremías 5:2

Yakhepanacajj Tatitun sutipjjaruw juramento lurasipqui, ucampisa uca juramento luratanacapajj inamayawa, c'ariraquiwa.”

Jeremías 51:43

Marcanacapasti ajjsarcaña wasararu tucuyataraquiwa, waña, llaquiscaña orakeru tucuyataraquiwa, janiw ucanjja mayni jakes jaccaraquispati, uca cheksti janiw qhitis pascaraquiti.

Oseas 12:13

Mä profeta tokeraquiw Tatitojj Egiptot Israel marcarojj apsjjäna; ¡Mä profeta tokeraquiw juparojj sum uñjänjja!

Oseas 13:4

Tatitojj siwa: “Naya Tatituwa juman Diosamätjja, Egiptonccäyätasa ucqhatpacha; jan qhitirus Diosamatjja uñt'asimti, jan ucasti nayaruqui, nayaquiraquïtwa juman khespiyirimajja.

Amós 2:10

Ucatsti, nayajj jumanacarojja Egipto marcatwa apsunipjjsma, pusi tunca mararaquiw wasarana irpnakapjjsma jupanacan orakepa jumanacaru churañataqui.

Mateo 4:16

Take ch'amacanquir jakenacajj mä jach'a khanwa uñjapjje, uqhamarac take qhitinacatejj jacapcäna wali ajjsarcañ jiwañ ch'amacanacan ucanacarus mä suma khanaw khant'i” sasa.

Deuteronomio 1:19

“Horeb chekat mistuntan ucqhatsti, amorreonacan kollup tokeruw sarapjjayätan, uqhamat Tatitun ewjjanacapar ist'asina. Ucatsti muytapjjaractanwa uca jach'a ajjsarcañ wasara uñjapctas uca, Cades-barnea chekar puriñcama.

Deuteronomio 32:10

Wasaran jupanacar jicjjatäna, waña, uqhamarac thayan jawk'suta orakena, amparaparuwa khomjjarusïna, jupanacaru yatichasa, munat imill wawaparjamaw imaraquïnjja.

Deuteronomio 8:2

Ucatsti amtasipjjaraquim cawquïri thaquinjamtï Tatitu Diosamajj irpanipjjtam wasarana pusi tunca maranaca sarnakayasa jumanacar yant'añataqui, uqhamaraqui yatichañataqui, uqhamata amtäwinacam uñt'añataqui, camachi arunacajj phokherjamäpjjtati jan ucajj janicha uc yatiñataqui.

Jueces 6:13

Ucatsti Gedeonajj saraquïnwa: —Tata, perdont'ita, Diosatejj nanacampïscchi ucajja, ¿cunatsa aqhama jan walt'añanacajj juti? ¿Cawquinquisa take milagronaca luratanacapajja, cawquïr luratanacapatejj nanacan nayra awquinacajjajj parlapquitu Diosawa Egipto marcatjja irpsunistu sasa ucajja? Diosasti nanacat armt'asisa apanucusasti madianitanacana t'akhesiyatäñaruw catuyapjjetu —sasa.