Jeremías 2:6 - Qullan Arunaka DC

⁶ Nayar thaqtañatsti janiw llakisipkiti, nayaw jupanakarux Egiptot irpsunta, wasaranjam irparakta, sinti waña uraqinjama, jach'a jaqhi jaqhi taypnama, jan umani uraqinjama, kunayman jan walt'añanakan phuqhantat uraqi, kawkhantix jan khitis jakki, janirak khitis sarnaqki uka uraqinjama.

Aymar Bibliia 1986

⁶ Nayar thaktañatsti janiw llaquisipcaraquiti, nayaw jupanacarojj Egiptot apsunta, wasaranjam irparacta, sinti waña orakenjama, uqhamarac jach'a jakhe jakhe taypnama, jan umani orakenjama, uca orakesti cunayman jan walt'añanacansa phokhantataraqui, cawqhantejj jan qhitis jacquiti uqhamaraqui, jan qhitis sarnakqui uca orakenjama.

Qullan Arunaca

⁶ Nayar thaktañatsti janiw llaquisipcaraquiti, nayaw jupanacarojj Egiptot apsunta, wasaranjam irparacta, sinti waña orakenjama, uqhamarac jach'a jakhe jakhe taypnama, jan umani orakenjama, uca orakesti cunayman jan walt'añanacansa phokhantataraqui, cawqhantejj jan qhitis jacquiti uqhamaraqui, jan qhitis sarnakqui uca orakenjama.

Jeremías 2:6 Jak'a apnaqawi uñst'ayäwi

2 Reyes 2:14

Ukxarusti Eliasan patxa isipa katusinxa, umaruw jisktäna, jach'at art'asirakïna: “¿Kawkinkis Eliasan Tatit Diosapaxa?” sasa. Umar jisktasinsti, umax payaruw jaljtäna, Eliseosti wañanjam jawir wasitat makhatäna.

Job 3:5

¡Khä arumax ch'iyär qinay ch'amakan chhaqtakisapäna, jan ukax, mä ch'iyar ch'amakax chhaqtayakisapäna, jan ukax, intin ch'amakt'atapas axsarañ phuqhantayasapäna!

Job 35:10

ukampis janiw jupanakar irnuqir Diosarux thaqtapkiti, t'aqhisiñan ch'ama churir Diosaru;

Salmos 23:4

Axsarkay laxa ch'amak chiqawja sarkasasa, janipuniw kunarus axsarkäti, nayampi chik saratam layku; uywa awatiñ lawamasa, thujrumasa, ch'am churitu.

Salmos 77:5

5 (6) Nayra pacha urunak amthapta, nayra maranakat amtasta;

Éxodo 20:2

“Nayaw juman Tatit Diosamätxa, nayaw Egipto uraqit irpsunsma, t'aqhisiyat jikxataskäyät uka markata.

Isaías 63:9

Juparakiw taqi llakinakapat qhispiyi. Janiw jupan khithanitapati qhispiykixa; jan ukasti kipka Tatituw qhispiyi. Khuyapayasiñap layku, munasiñap laykuw jupax qhispiyi, jupaw amparat katt'asin wayti. Ukhampun luri.

Isaías 64:7

7 (6) Janiw khitis jumar mayisirix utjkiti, janirakiw khitis jumar alkatirix utjkiti; ukatpï nanakat imantasxtaxa, jucha luratanakaxat apanukupxistaxa.

Jeremías 13:16

Tatitu Diosamar jach'añchapxam, jupax ch'amaka janïra puriyankipana, ch'amak qullunakan jumanakan janïr liwirtkipana; kawkïr qhantix jumanakax suyapkäyäta uk jupax ch'amakar janïr tukuykipana.

Jeremías 2:2

“Saram, ukatsti Jerusalén markar yatiyanim; sum ist'apxañapatakix jach'at art'am: ‘¡Akham siw Tatituxa! Amtasisktwa, jumax tawaqükäyäta ukapachax taqi chuymaw nayatakïyätaxa, jumax nayan warmixa tukxäyäta ukapachasti nayarux wal munasïyästaxa, wasaranjam nayarux arkanïyästa, kawkhantix jan kunas achki uka uraqinjama.

Jeremías 2:8

Sacerdotenakax janiw thaqhapkituti, markaxar yatichañatak uskuta jaqinakasti, nayar jan uñt'iriw tukupxi, jilïrinakax nayatakiw sayt'asipxi, profetanakasti Baal diosan sutipxarukiw parlapxi, ukatsti uka k'ari diosanakan qhipap arkapxi.

Jeremías 5:12

Israel markampi, Judá markampix Tatitur jan uñt'iriw tukupxi; sapxarakiwa: “Janiw Diosax utjkiti. Janiw kuna jan walis jiwasxarux jutkaniti, janirakiw nuwasiñasa, mach'as utjkaniti” sasa.

Jeremías 5:2

Yaqhipanakax Tatitun sutipxaruw juramento lurasipki, ukampis uka juramento luratanakaparux janiw phuqhapkiti” sasa.

Jeremías 51:43

Markanakapasti axsarkañ ch'usa wasarar tukuyatawa, waña, llakiskañ uraqir tukuyatawa, janiw ukan mä jaqis jakkiti, janiw khitis uka chiqa sarakipkarakiti.

Oseas 12:13

13 (14) Tatitux mä profeta tuqiw Egiptot Israel markarux irpsunïna. ¡Mä profeta tuqirakiw juparux sum uñjarakïna!

Oseas 13:4

Tatitux Israel markaparux siwa: “Naya Tatituw juman Diosamätxa, Egiptonkkäyätas ukkhatpacha; naya sapakiw juman qhispiyir Diosamätxa.

Amós 2:10

Nayaw jumanakarux Egipto markat irpsunipxsma, pusi tunka maraw wasaran irpnaqapxsma amorreonakan uraqipsa jumanakaruw churapxsma.

Mateo 4:16

Ch'amakankir jaqinakax mä jach'a qhan uñjapxi; mä suma qhanaw qhanti jiwañ ch'amakan jakapki ukanakataki” sasa.

Deuteronomio 1:19

“Uka qhipatsti, Tatitun iwxanakap ist'asinxa, Horeb qullut sartawayxtan, ukatsti amorreonakan qullup tuqiruw sarapxtan. Ukatsti uka jach'a axsarkañ wasar chiqaw muytanipxaraktan, Cadés-barnea chiqar puriñkama.

Deuteronomio 32:10

Diosax wasaran jupanakar jikxatäna, thayan jawq'suta waña uraqina, amparaparuw jupanakar qhumxarusïna, jupanakar yaticharakïnwa, pachpa nayraparjamaw sum uñjäna.

Deuteronomio 8:2

Tatit Diosamax wasaranjam pusi tunka mara sarnaqayasa irpanipktam taqi uka thakhit amtasipxam, jumanakar t'aqhisiyañataki, yant'añataki, amtäwinakam uñt'añataki, kamachi arunakap phuqhirjamäpxtati janicha uk yatiñataki.

Jueces 6:13

Gedeón chachasti sänwa: —Tatay, Diosatix nanakampïskchi ukasti, ¿kunatarak taqi akanakasti nanakatak utjisti? ¿Kawkinkarak awkinakaxax yatiyapkitu uka muspharkañ luräwinaka Egipto markat irpsunkistu ukapacha luratanakapasti? Tatitux armasipxituwa, madianitanakan amparaparuw katuyapxitu —sasa.