Jeremías 2:31 - Qullan Arunaca

³¹ (Uca quipcaraqui jumanacasa, qhitinacatejj jichha jacapcta ucanacasa Tatitun arunacapa ist'apjjam.) Israel marca, ¿nayajj jumataquejj mä wasarar uñtatätti? ¿Mä ch'iwin phokhantata oraker uñtatätti? Nayan marcajja, ¿cunatrac sista: ‘Nanacajj khespitäjjapjjtwa, janiw juman ucar cuttanipquiristti’, sasasti?

Aymar Bibliia 1986

³¹ (Uca quipcaraqui jumanacasa, qhitinacatejj jichha jacapcta ucanacasa Tatitun arunacapa ist'apjjam.) Israel marca, ¿nayajj jumataquejj mä wasarar uñtatätti? ¿Mä ch'iwin phokhantata oraker uñtatätti? Nayan marcajja, ¿cunatrac sista: ‘Nanacajj khespitäjjapjjtwa, janiw juman ucar cuttanipquiristti’, sasasti?

Qullan Arunaka DC

³¹ Jichhax khitinakatix akankapkta ukanakax sum ist'apxita: ¡janiw nayax jumanakatak mä parintat wasarar uñtatäkti, janirakiw axsarkay ch'amakan phuqhantat p'iyar uñtatäkti! ¿Ukatsti, kunatarak sapxistasti: ‘kuntix munapktxa uk lurapxä, janirakiw jumarux yupaychkxapxämati sasasti’?

Jeremías 2:31 Jak'a apnaqawi uñst'ayäwi

1 Reyes 11:22

Faraonasti ucjjarojj sänwa: —¿Cunataquis orakemar cutt'añ munta? ¿Cunach jan utjtamjja naya nayrakatanjja? —sasa. Ucampis Hadad chachajj sänwa: —Janiwa cunasa, utjasquituwa, ucampis achict'assmawa orakejjar cutt'jjañajjataqui —sasa.

2 Crónicas 31:10

Ucatjja Sadoc familiata Azarías sumo sacerdotesti, juparojj sänwa: “Cunapachattï churañanacapa Tatitun temploparu apaniña kalltapjjäna ucqhatjja, waljawa nanacataqui mank'añajj utjawayi, uqhamarusa waljawa jilt'asqui; take acanacawa jilt'asqui, Tatitojj marcaparu bendicitap laycu” sasa.

Job 21:14

Diosarusti sapjjaraquiwa: ‘Jan parlapjjestati, janiw nanacajj leyinacamjja yatiñ munapcti.

Salmos 10:4

Ñankha lurir jakejj, jan p'enkanpachaw arsu: “Janiw Diosajj utjquiti, janiw qhitis luratajjat camsquitaniti” sasa. Uqhamac jupajj amuyi.

Salmos 12:4

aqham sir jakenacarus tucusiyaraquim: “Lajjraw jiwasan ch'amasajja, lajjrasaw jiwasanacarojj arjjatistu, ¿qhitirac cun sistanisti” sasa.

Proverbios 30:9

Nayajj kamirëjjerista ucajja inas jumatjja armasjjerista: “¿Qhitirac Diosasti?” sasa; pobrërista ucasti inas lunthatasjjerista, uqhamat kollan sutimwa nayajj p'enkachayirista.

Isaías 45:19

Nayajj janiw cunsa jamasat parlcti, janiraquiw ch'amac c'uchunacansa parlcti. Janiraquiw Jacobon wawanacaparojj siscti: ‘Cawqhantejj jan cunas utjqui uca chekan thakapjjeta’ sasa. Naya Tatitojj, chekacpunwa parltjja, cunatejj chekapäqui uca arsuractjja.

Jeremías 2:20

“Nayratpachwa nayataquejj sayt'astajja, nayarusti janiw jayscaraquistati. ‘Janiw sirviñ muncti’ saractawa. Take alto kollunac patana, uqhamaraqui jach'a kokanac c'uchunacanwa, yakhampi jucha lurasa sarnaktajja.

Jeremías 2:25

“¡Israel, jan cayunacamjja chhojjriñchjasimti k'ara cayu jalnakasajja, janirac mallk'amsa wañantayasimti! Ucampis jumajj sistawa: ‘Janiwa. Janipuniw sayt'quiristti, jayanquirinacaruw wal muntjja, jupanacampiraquiw sarjjä’ sasa.

Jeremías 5:5

Jilïri jakenacan ucaru sarä, ucatsti jupanacarojj saraquïwa. Jupanacasti amuyt'asipjjapuniniw cuntejj Tatitojj munqui ucatjja, cuntejj Diosajj sisqui ucsa. Ucampisa takeniw Dios toke sayt'asipjje, janiraquiw jupar jaysañsa munapquiti.

Jeremías 5:6

Ucatwa jichhajj leonanacajj ch'umit mistunisin jiwarayapjjani, wasaranquiri kamakenacaw jisc'a jisc'a tucjapjjaraquini, marcat mistusinquirinacarusti jisc'a jisc'a tucjaraquini, walja jach'a juchanac lurapjjatap laycu, maynir aljantapjjatap laycu.

Ezequiel 14:5

“Cawquïri israelitanacatejj nayat jithektjjapjje yakha diosanacaru yupaychañataqui, ucanacarusti nayaw chuymapa llamct'araquëjja.

Oseas 13:6

“Ucampisa cunapachatejj jumanacan mank'añanacamajj jilarjjän ucqhajja, chuymanacamanjja wal jach'achasipjjäyätajja, nayatsti armasjjapjjaraquïyätawa.

Amós 1:1

Aca arunacsti Amós chachaw catokäna, jupasti oveja awatirïnwa Tecoa marcanquiriraqui, uca arunacsti Diosatwa catokäna Israel marcjjata, orak qhathati pasañapataqui janïr pä maräquipana, uca urunacansti Judá marcanjja Uziasaw reyïscäna, Israel marcansti Joasan Jeroboam yokaparaquiw reyiscaraquïna.

Miqueas 6:9

Tatitojj marcpacharuw jawsasqui, ucatsti alt'at chuymampi jaysañasti amuyt'asirïñawa: ‘Ist'apjjam, marcpacha, uqhamarac amuyt'irinacasa.

1 Corintios 4:8

Jumanacajj niya kamir tucutjamaquëjjapjjtawa, take cunansa phokt'atjamäjjapjjaractawa, reyinacaw tucupjjaracta, nanacarusti mä tokeruw apanacupjjaraquista. ¡Añchaquit chekpachansa reyïpjjasma uqhamata nanacajj jumanacamp chekäpjjaraquirista uca reinomanjja!

Deuteronomio 31:20

Cunapachatejj nayajja, cawquïri oraktejj awquinacaparu juramentompi churañatac arscta ucar puriycä ucapachajj, cawquïri orakentï lechesa, misq'isa umjam jalasqui, uqhamaraqui cunapachatï jupanacajj sist'asiñcam mank'antapjjani, liq'intapjjaraquini, ucapachajj jupanacajj yakha diosanacaruw arcapjjani, yupaychapjjaraquini, nayarusti janiraquiw muncjjapjjetaniti, suma arust'äwejjsti p'aquintapjjaraquiniwa.

Deuteronomio 32:15

“Ucampis Jesurún ucasti liq'intänwa, mat'akt'araquïnwa, (wali liq'intasinsti lliphipiscaquïnwa), lurasir Diosaparusti apanucuraquïnwa, arjjatiri khespiyiriparusti, jisc'acharaquïnwa.

Deuteronomio 32:18

“Israel marca, arjjatiri awquimatjja armastawa; armasiractaw jacañ churiri Diosamatsa.