Jeremías 2:31 - Qullan Arunaka DC

³¹ Jichhax khitinakatix akankapkta ukanakax sum ist'apxita: ¡janiw nayax jumanakatak mä parintat wasarar uñtatäkti, janirakiw axsarkay ch'amakan phuqhantat p'iyar uñtatäkti! ¿Ukatsti, kunatarak sapxistasti: ‘kuntix munapktxa uk lurapxä, janirakiw jumarux yupaychkxapxämati sasasti’?

Aymar Bibliia 1986

³¹ (Uca quipcaraqui jumanacasa, qhitinacatejj jichha jacapcta ucanacasa Tatitun arunacapa ist'apjjam.) Israel marca, ¿nayajj jumataquejj mä wasarar uñtatätti? ¿Mä ch'iwin phokhantata oraker uñtatätti? Nayan marcajja, ¿cunatrac sista: ‘Nanacajj khespitäjjapjjtwa, janiw juman ucar cuttanipquiristti’, sasasti?

Qullan Arunaca

³¹ (Uca quipcaraqui jumanacasa, qhitinacatejj jichha jacapcta ucanacasa Tatitun arunacapa ist'apjjam.) Israel marca, ¿nayajj jumataquejj mä wasarar uñtatätti? ¿Mä ch'iwin phokhantata oraker uñtatätti? Nayan marcajja, ¿cunatrac sista: ‘Nanacajj khespitäjjapjjtwa, janiw juman ucar cuttanipquiristti’, sasasti?

Jeremías 2:31 Jak'a apnaqawi uñst'ayäwi

1 Reyes 11:22

Faraonasti ukxaruw säna: —¿Kunatakirak uraqimar kutt'añ muntasti? ¿Kunarak naya jak'an pist'tamsti? —sasa. Hadad chachasti sänwa: —Janiw kunas pist'kituti, ukampis sarañpun munta —sasa.

2 Crónicas 31:10

ukxarusti Sadoc chachan utapankir Azarías jilïri sacerdotew jupar säna: “Markax Tatitun utapar yanapanak apaniñ qalltki ukkhat jichhakamax, waljaw nanakatak manq'añax utji, ukhamarusa taqi akanakaw jilt'aski; Tatituw markapar aski waxt'äwipampi phuqt'i uka layku” sasa.

Job 21:14

Diosarux sapxiwa: “¡Jan parlapxistati, janiw nanakax kamachinakam yatiñ munapkti!

Salmos 10:4

Ñanqha lurir jaqix, nasa qhiwtasaw arsu: “Janiw Diosax utjkiti, janiw khitis lurataxat wayt'irix utjkiti” sasa. Ukak jupax lup'iski.

Salmos 12:4

4 (5) khitinakatix sapxi: “Jiwasax arsuñatakix lakanïtanwa; wali sum arsuñ yattanxa. ¿Khitis apnaqistaspasti?” sasa.

Proverbios 30:9

Nayax qamirïxirista ukaxa, inas jumat armasxirisma: “¿Khitirak Diosasti?” sasa; jan kunanïrista ukasti, inas lunthatasxirista, ukhamat qullan sutim nayax p'inqachayirista.

Isaías 45:19

Nayax janiw kunsa jamasat arskti, janirakiw ch'amak k'uchunakansa arskti. Janiw israelitanakarux siskti: ‘Kawkhantix jan kunas utjki uka chiqan thaqhapxita’ sasaxa. Naya Tatitux chiqakpun arsta, kunatix chiqapäki uk arsurakta.

Jeremías 2:20

“Nayratpach nayatakix sayt'astaxa, janiw nayar jayskarakistati. ‘Janiw luqtañ munkti’ saraktawa. Taqi alay qullunakana, jach'a quqanak k'uchunakan yaqhampi jucha luras sarnaqtaxa.

Jeremías 2:25

“¡Israel, jan kayunakam q'ara kayu jalanaqasax chhuxriñchjasimti, mallq'amsa janirak wañantayasimti! Ukampis jumax sistawa: ‘Janiwa. Janipuniw sayt'kiristti, yaqhanakaruw wal muntxa, jupanakampiw sarxarakï’ sasa.

Jeremías 5:5

Jilïr jaqinakan ukaruw sarä, jupanakarusti sarakïwa. Jupanakax kuntix Tatitux munki uk yatipxani, kuntix Diosax arski uksa yatipxarakiniwa. Ukampis taqiniw Tatitutak sayt'asipxatayna, janirakiw jupar jaysañsa munapkataynati.

Jeremías 5:6

Ukat jichhax leonanakax ch'umit mistunisin jiwarayapxani, wasarankir qamaqinakaw jisk'a jisk'a tukjapxani, markat mistusinkirinakarusti jisk'a jisk'a tukjarakini, walja jach'a juchanak lurapxatap layku, mayninakarus aljantapxatap layku.

Ezequiel 14:5

“Kawkïr israelitanakatix yaqha diosanakar yupaychañ layku nayat jithiqtapki ukanakarusti nayaw chuymap llamkt'arakï.

Oseas 13:6

“Kunapachatix jumanakan manq'añanakamax jilarxän ukkhaxa, jach'achasiñampiw phuqhantasipxtaxa, nayatsti armasxapxaraktawa.

Amós 1:1

Amós Profetax Judá uraqin, Tecoa sat mä jisk'a markankirïnwa, jupasti ovej awatirïnwa, ukhamaruw Tatitux jupan yatiyäwi arunakap Israel markar parlir sarañapatak jawsäna, Tatitusti uka arunakxa pä mara janïr uraqi khathati purinkipan parläna, uka pachasti Judá markanxa Oziasaw reyïskäna, Israel markansti Jeroboam sat Joás chachan yuqapaw reyïskarakïna.

Miqueas 6:9

Tatitux markpacharuw jawsaski, alt'at chuymampi jaysañasti amuyt'asirïñawa: “Markachirinaka, markar amuyt'ayirinaka, ist'apxam.

1 Corintios 4:8

Jumanakax amuyatax niy qamirïxapxtawa, munatamarjamax taqi kunanïxapxtawa, reyinakjam tukusax janiw nanakar munkxapxistati. ¡Añchakit chiqpach reyinakäpxasma, ukhamat nanakan jumanakampi chik markamankapxañaxataki!

Deuteronomio 32:15

“Ukampis israelitanakax jach'aptxänwa, Diosat armasxapxarakïnwa; irnuqasir Diosaparux apanukünwa, arxatir qhispiyiriparusti, jisk'acharakïnwa.

Deuteronomio 32:18

“Israel marka, arxatir awkimat armastawa; jakañ churktam uka Diosamat armastawa.