Jeremías 2:2 - Qullan Arunaca

² “Saram, ucatsti Jerusalén marcaru parlanim; jach'at art'am sum ist'apjjañapataqui: ‘¡Aqham siw Tatitojja! Amtasisctwa, cunapachatejj tawaköcäyätajj ucapachajj take chuymaw nayataquïyätajja, cunapachatejj jumajj nayan warmejja tucjjäyätajja ucapachasti nayarojj wali munasiraquïyästajja, wasaranjamracwa nayarojj arcanïyästajja, cawqhantejj jan cunas achqui uca orakenjama.

Aymar Bibliia 1986

² “Saram, ucatsti Jerusalén marcaru parlanim; jach'at art'am sum ist'apjjañapataqui: ‘¡Aqham siw Tatitojja! Amtasisctwa, cunapachatejj tawaköcäyätajj ucapachajj take chuymaw nayataquïyätajja, cunapachatejj jumajj nayan warmejja tucjjäyätajja ucapachasti nayarojj wali munasiraquïyästajja, wasaranjamracwa nayarojj arcanïyästajja, cawqhantejj jan cunas achqui uca orakenjama.

Qullan Arunaka DC

² “Saram, ukatsti Jerusalén markar yatiyanim; sum ist'apxañapatakix jach'at art'am: ‘¡Akham siw Tatituxa! Amtasisktwa, jumax tawaqükäyäta ukapachax taqi chuymaw nayatakïyätaxa, jumax nayan warmixa tukxäyäta ukapachasti nayarux wal munasïyästaxa, wasaranjam nayarux arkanïyästa, kawkhantix jan kunas achki uka uraqinjama.

Jeremías 2:2 Jak'a apnaqawi uñst'ayäwi

Salmos 129:1

Wayna cancañajjatpach ucatak t'akhesiyapjjetu, —jichhajj Israel marcajj sispan—,

Éxodo 14:31

Ucampis israelitanacajja, Tatitojj jach'a ch'amapampi egipcionacar tucjir uñjasinsti wali Tatiturojj ajjsartapjjäna. Ucat Tatiturojj iyawsasaraquiw confiasipjjäna, uqhamarac Moisés sirviriparusa.

Éxodo 16:8

Moisesasti sascaquïnwa: —Jayp'urusti Tatitojj churapjjätamwa aycha mank'apjjañamataqui, uqhamarac alwatarusti churapjjaraquïtamwa walja t'ant'a sist'asiñcam mank'apjjañamataqui. Ucampis jupajj ist'iwa jumanacajj jupa contra jan wali parlapjjatamjja, ¿nanacajj qhitïpjjtsa? Jumanacasti janiw nanac contra parlapctati jan ucasti Tatitu contraw parlapjjtajja.

Proverbios 1:20

“Yatiñasti callenacana, plazanacanwa arnakasi mayninacan ist'atäñataqui;

Cantar de los cantares 3:11

Sión marcanquir warminaca, ¡Salomón reyer uñjir mistunipjjam! Coronampi ucht'atawa, taycapajj lurcatayna casarasiñ urupataqui ucampi ucht'atawa, jacäwipan cusiscañ urupana.

Cantar de los cantares 3:6

¿Cunas wasar toketa jutqui ucajja, mirrampi, inciensompi, uqhamarac take casta k'apquir kollanacampi k'aphichatäcaspas uca jiwk'e taypi jutqui ucajja?

Isaías 58:1

Tatitojj saraquituwa: “Jan ajjsarasa, wali jach'at art'am, mä trompetäcaspas cuncamajj uqham art'asim; marcajjarusti jan wali luratanacapatjj juchañcharaquim, Jacobon marcaparusti jucha luratanacapat juchañcham.

Jeremías 11:6

Ucatsti Tatitojj saraquituwa: “Take aca arunacsti Judá orakenquir marcanacar yatiyam uqhamaraqui Jerusalén callenacansa. Jakenacarusti saraquim: ‘Ist'apjjam cawquïris uca arust'äwin arunacapajja ucanaca, ucatsti phokhapjjaraquim.

Jeremías 19:2

Ucatsti Ben-hinom sisqui uca valleru sararaquim, C'allananac Puncu sisqui uca uñcatasiru, ucansti yatiyaraquim cuna arunactejj nayajj siscäma uca arunaca.

Jeremías 2:1

Tatitusti nayarojj parljjayaraquituwa, aqham sasa:

Jeremías 2:6

Nayar thaktañatsti janiw llaquisipcaraquiti, nayaw jupanacarojj Egiptot apsunta, wasaranjam irparacta, sinti waña orakenjama, uqhamarac jach'a jakhe jakhe taypnama, jan umani orakenjama, uca orakesti cunayman jan walt'añanacansa phokhantataraqui, cawqhantejj jan qhitis jacquiti uqhamaraqui, jan qhitis sarnakqui uca orakenjama.

Jeremías 3:4

Jichhaquiw sascaraquistajja: ‘Awquejja, tawako urunacajjanjja jumaw suma irpirejjäyätajja,

Jeremías 7:2

“Tatitun templopa puncuru sayt'asim ucatsti aca arunaca yatiyaraquim: Judá orakenquir take jakenaca, qhitinacatejj aca puncunac toke Tatitur yupaychañataqui mantapcta ucanaca, ist'apjjam aca arunaca.

Ezequiel 16:22

Uqham jan wali sarnaker warmi tucutamampisti janiw amtascjjtati wawa jacañamjja, uqhamaraqui k'alalätamsa, cunapachatejj wilam taypin wat'aquiscäyäta ucatsa.

Ezequiel 16:60

Ucampisa nayajj amtasiscaquipunïwa cuna arust'äwtejj tawaköcäyat ucqhajj amtctan ucjja, jumampisti mä wiñaya arust'äwi luraraquëjja.

Ezequiel 16:8

“Wasitat juma jac'a pasawayaracta, ucat jumar uñcatsma. Wali tawaköjjaraquïyätawa, niyas chacht'asirjama. Nayajj mantojjampiw jumjjar janjjatsma, uca k'alala janchima imjjataracsma, ucat jumampi parlthapiracta; jumampisti mä arust'äwi luraractan, jumasti nayancjjaraquïyätawa. Naya Tatituw ucjja arsta.

Ezequiel 23:19

Ucampisa jupajj juc'ampi juc'ampwa jucha lurañanacaru catuyasjjänjja, tawako urunacapa amtasisa, cunapachatejj Egipton jan wali sarnakascän uqhama.

Ezequiel 23:3

Aca warminacasti tawakotpachwa jan wali sarnakañanacaru catuyasipjjäna, Egipto orakensti ñuñunacapsa llawk'ayasipjjäquïnwa, uqham sarnakasawa k'oma cancañanacapjja k'añuchjapjjäna.

Ezequiel 23:8

Egiptonccän ucat acsarusti mä k'añu luriri warmipuniw tucuwayjje, uca jan wali sarnakañanacapsti janipuniw apanuccaraquïnti. Cunapachatejj jupajj tawacücän ucqhatpachsti walja chachanacaw jupampi iquintapjjänjja, janiw jan chacha uñt'ir tawaköcjjänti, jan ucasti walja chachanacampi sarnakeri warmiquëjjänwa.

Oseas 11:1

“Israel marcarustijj wawacän ucqhajj nayajj munasiyätwa; jupajj wawajjänwa, ucatsti Egiptot jawsaracta.

Oseas 2:15

Ucatsti uva yapunacapjja cuttayjjäwa, Acor vallsti jupataquejj suyt'aña puncwa tucuyaraquï. Ucanwa jupajj nayar arsutani tawako urunacapanjama tuct'asa, Egiptot mistuncänjja uca urunjama.

Oseas 2:17

Lacapatsti apakaraquïwa Baal diosanacan sutipjja, janiraquiw mayampsa ucanacan sutipjja arscjjaniti.

Oseas 2:7

Munirinacaparojj arcascaniwa, ucampis janiw jicjjatcaniti; thakascaniwa, ucampis janiw jicjjatcaniti. Ucapachaw sani: ‘Nayra chachajjampic cuttasjjä, jupampisti walic sarnakascäyatjja’ sasa.

Oseas 8:1

“Trompetam phust'am uñjir centinelajj phust'qui uqhama, Tatitun marcapjjaru. Jupanacajj arust'äwejjarojj p'aquintapjjewa, ucatsti yatichäwejj contraraquiw sayt'asipjje.

Oseas 9:10

Tatitojj siwa: “Cunapachatejj Israelar jicjjatcäyät ucapachajj cusisiyätwa, cunjämatejj wasaran uva jicjjatirejj cusisquejj uqhama. Nayra awquinacamajj nayataquejj, nayräwiri achoker higonacjamänwa. Ucampis cunapachatejj Baal-peor chekaru puripjje ucqhajja, c'ari diosanacaruquiw catuyasjjapjje, ucatsti wali jisc'achcañawa tucupjjaraqui, jupanacajj munapcänsa uca yakha diosanacjama.

Jonás 1:2

“Sartam, Nínive jach'a marcaru sararaquim, ucatsti yatiyanim, nayasti k'alwa tucjä ñankha luratanacapajj nayrakatajjaruw purinitu uca laycu” sasa.

Mateo 11:15

Ist'añ munirejja ist'pan.

Lucas 12:13

Jakenacat mayniw Jesusar saraquïna: —Yatichiri, cunatejj herenciat nayarojj wact'quitu uc churjjetpan sarapit jilajjaru —sasa.

Deuteronomio 2:7

Jumanacan Tatitu Diosamaw bendicipjjaractam take cuntï lurapcta ucanacansa; juparaquiw aca pusi tunca maranacas yanapapjjtam, imapjjaractamwa aca wasaran sarnakapcta ucansa, jan cun pist'ayasa.

Deuteronomio 33:3

Tatitusti marcaparojj muniwa, jupar catuyasipqui uca jakenacarojja imaraquiwa, jupanacasti cayunacaparuw quillisipjje, jupan arunacap catokapjjaraqui.

Deuteronomio 8:2

Ucatsti amtasipjjaraquim cawquïri thaquinjamtï Tatitu Diosamajj irpanipjjtam wasarana pusi tunca maranaca sarnakayasa jumanacar yant'añataqui, uqhamaraqui yatichañataqui, uqhamata amtäwinacam uñt'añataqui, camachi arunacajj phokherjamäpjjtati jan ucajj janicha uc yatiñataqui.

Santiago 4:4

¡Jan Diosa chuyma jakenaca! ¿Janit jumanacajj yatipcta acapachampi sumancañajj Diosampi jan walincañätapjja? Qhititejj aca pachampi sumancañ munqui ucajj Diosan uñisiripawa.

Apocalipsis 2:4

Ucampis mayaw utjitu juma toke arsuñajjajja: kalltan utjcäyätams uca munasiñamajj janiw utjcjjtamti.