Jeremías 2:2 - Qullan Arunaka DC

² “Saram, ukatsti Jerusalén markar yatiyanim; sum ist'apxañapatakix jach'at art'am: ‘¡Akham siw Tatituxa! Amtasisktwa, jumax tawaqükäyäta ukapachax taqi chuymaw nayatakïyätaxa, jumax nayan warmixa tukxäyäta ukapachasti nayarux wal munasïyästaxa, wasaranjam nayarux arkanïyästa, kawkhantix jan kunas achki uka uraqinjama.

Aymar Bibliia 1986

² “Saram, ucatsti Jerusalén marcaru parlanim; jach'at art'am sum ist'apjjañapataqui: ‘¡Aqham siw Tatitojja! Amtasisctwa, cunapachatejj tawaköcäyätajj ucapachajj take chuymaw nayataquïyätajja, cunapachatejj jumajj nayan warmejja tucjjäyätajja ucapachasti nayarojj wali munasiraquïyästajja, wasaranjamracwa nayarojj arcanïyästajja, cawqhantejj jan cunas achqui uca orakenjama.

Qullan Arunaca

² “Saram, ucatsti Jerusalén marcaru parlanim; jach'at art'am sum ist'apjjañapataqui: ‘¡Aqham siw Tatitojja! Amtasisctwa, cunapachatejj tawaköcäyätajj ucapachajj take chuymaw nayataquïyätajja, cunapachatejj jumajj nayan warmejja tucjjäyätajja ucapachasti nayarojj wali munasiraquïyästajja, wasaranjamracwa nayarojj arcanïyästajja, cawqhantejj jan cunas achqui uca orakenjama.

Jeremías 2:2 Jak'a apnaqawi uñst'ayäwi

Salmos 129:1

Wayna kankañaxatpach ukataq t'aqhisiyapxitu, jichhax Israel markax sispan,

Éxodo 14:31

Israelitanakax kunjämtix Tatitux jach'a ch'amapampi egipcionakar tukjkäna ukanak uñjasinsti, Tatitur axsartapxänwa, ukat jupar iyawsapxäna, Moisés luqtiriparus jaysapxarakïna.

Éxodo 16:8

Moisesasti saskakïnwa: —Jayp'thapiruw Tatitux manq'añatak aycha churapxätam, willjtarusti walja t'ant'a churapxarakïtam, sist'asiñkamaw manq'apxäta. Jupax jumanakan arusitanakam ist'iwa, ¿kunatarak nanakatak arusipxtasti? Janiw jumanakax nanakatak arusipktati jan ukasti Tatitutakiw tuqisipxtaxa —sasa.

Proverbios 1:20

Yatiñ kankañax anqanakan arnaqasiski; thakhinakan arup ist'asiyaski;

Cantar de los cantares 3:11

Jerusalenankir warminaka, ¡Salomón reyir uñjir mistunipxam! Pillumpi ucht'atawa, taykapax jaqichasiñ urupataki lurkatayna, taqi jakäwipan kusiskañ urupataki lurkatayna uka pillumpi ucht'atawa.

Cantar de los cantares 3:6

¿Kunarak wasar tuqit jutki ukasti? Mä jach'a jiwq'ir uñtatawa, panqar q'aphinak taypinjama, incienso q'aphichata taypinjama, ukhamarak suma q'apkir qullanakan q'aphip taypinjam jutanti.

Isaías 58:1

Tatitux situwa: “Jan axsarasa, wali jach'at art'am, kunkamax mä trompetäkaspas ukham art'asim; Israel markaxarusti jan wali luratanakapat juchañcham.

Jeremías 11:6

Ukatsti Tatitux sarakituwa: “Taqi aka arunaksti Judá uraqinkir markanakana, Jerusalén markan thakhinakapan yatiyam. Jaqinakarusti sarakim: ‘Ist'apxam kawkïris aka arust'äwin arunakapax ukanaka, ukatsti phuqhapxarakim.

Jeremías 19:2

Ukatsti Ben-hinom satäkis uka qhirwar saram, Jik'illita Punku sata uka uñkatasiru, ukansti kuna arunaktix nayax siskäma uka arunak yatiyam.

Jeremías 2:1

Tatitusti nayaruw parlxayitu, akham sasa:

Jeremías 2:6

Nayar thaqtañatsti janiw llakisipkiti, nayaw jupanakarux Egiptot irpsunta, wasaranjam irparakta, sinti waña uraqinjama, jach'a jaqhi jaqhi taypnama, jan umani uraqinjama, kunayman jan walt'añanakan phuqhantat uraqi, kawkhantix jan khitis jakki, janirak khitis sarnaqki uka uraqinjama.

Jeremías 3:4

Jichhakiw saskistaxa: ‘Awkixay, tawaqu kankañaxan nayan suma irpirixa,

Jeremías 7:2

“Tatitun utap punkur sayt'asim ukatsti aka arunak yatiyarakim: Judá uraqinkir taqi jaqinaka, khitinakatix aka punkunak tuqi Tatitur yupaychir mantapkta ukanaka, aka arunak ist'apxam.

Ezequiel 16:22

Ukham jan wali sarnaqir warmi tukutamampisti, janiw wawa urunakamat amtaskxtati, q'alala, wilam taypin wat'akiskatamatsa.

Ezequiel 16:60

Ukampis nayax amtasiskakipunïwa tawaqu kankañam urunakaman nayampi lurktan uka arust'äwita, ukat jumampi wiñay arust'äwi lurarakï.

Ezequiel 16:8

“ ‘Wasitat juma jak'a sarakipawayta, ukat jumar uñkatsma. Wali tawaqüxatätawa, niyas chacht'asirpacha. Nayax uka q'alal janchim imxatañatakix isixampiw janxatsma, ukat jumampi parlthapirakta; mä arust'äwi jumampix lurtan, ukhamat jumax nayankxaraktaxa. Naya, Tatituw uk arsta.

Ezequiel 23:19

Ukampis jupax juk'ampi juk'amp yaqha chachanakampi sarnaqañarux katuyasïna, tawaqu urunakapat amtasisa, Egipton jan wali sarnaqkän ukhama,

Ezequiel 23:3

Aka warminakasti tawaqutpach jan wali sarnaqañanakaru katuyasipxäna; Egipto uraqinsti ñuñunakapsa llawq'ayasipxakïnwa, ukham sarnaqasaw q'uma kankañap q'añuchjapxäna.

Ezequiel 23:8

Egiptonkkän ukkhatpacha q'añu lurir warmiru tukuwayxäna, uka jan wali sarnaqañanakapsti janipuniw apanukkänti. Jupax tawaqükän ukkhatpacha, walja chachanakaw jupampi ikintapxäna, q'uma kankañap q'añuchjapxäna, walja chachanakampi sarnaqir warmiru tukuyasa.

Oseas 11:1

“Israel markax wawäkän ukkhax, nayax munasiyätwa; juparusti wawaxätapat Egipto markatsa irpsunirakta.

Oseas 2:15

15 (17) Ukatsti uva yapunakap kuttayxäwa, jan walt'añanakapsti sumaruw tukuyarakï. Nayarux tawaqükäna uka urunakapanjam parlxayxitani, Egiptot mistunkän uka urunjama.

Oseas 2:17

17 (19) Lakapatsti Baal diosanakan sutinakap apaqä, janipuniw mayampsa ukanakax aytatäkxaniti.

Oseas 2:7

7 (9) Munirinakaparux arkaskaniwa, ukampis janiw jikxatkaniti; thaqhaskaniwa, janiw jikxatkaniti. Ukapachaw sani: ‘Nayra chachaxampik kuttasxä, walik jupampix sarnaqaskäyäta’ sasa.

Oseas 8:1

“¡Uñch'ukiri, Tatitun markapxarux trompetam phust'am! Markaxar t'unjirix mä pakar uñtataw jutaski. Markaxax jan ist'asiriwa; janiw arust'äwixarus phuqhkiti, janirakiw kamachinakaxarjamas arkkituti.

Oseas 9:10

Tatitux siwa: “Kunapachatix Israel markar jikxatkäyät ukapachax kusisiyätwa, kunjämatix wasaran uva jikxatirix kusiski ukhama. Nayra awkinakamax nayatakix, nayrawir achuqir higonakjamänwa. Ukampis kunapachatix Baal-peor chiqar puripki ukkhaxa, k'ari diosanakaruw yupaychapxi, ukatsti wali jisk'achkañaw tukupxi, jupanakax munapkänsa uka yaqha diosanakjama.

Jonás 1:2

“Sartam, Nínive jach'a markar saram, ukatsti yatiyanim, ñanqha luratanakapax nayraqataxaruw purini, ukat jupanakar q'al tukjä” sasa.

Mateo 11:15

Ist'añ munirix ist'pan.

Lucas 12:13

Jaqinakat mayniw Jesusar säna: —Yatichiri, kunatix tuti katuqañax nayar wakt'kitu uk churxitpan sarapit jilaxaru —sasa.

Deuteronomio 2:7

Jumanakan Tatit Diosamax taqi luräwinakaman aski waxt'äwinak churapxtam; jupaw aka pusi tunka maranakas jumanakamp chikäski, aka jach'a wasaranjam sarnaqañansa jan kun pist'ayas imapxaraktam.

Deuteronomio 33:3

Tatitux markapar munasiwa, Diosax jupankirinakarux imarakiwa; jupanakan jaysasirïpxatapata, arunakapsa kusisiñamp phuqhirïpxatapata.

Deuteronomio 8:2

Tatit Diosamax wasaranjam pusi tunka mara sarnaqayasa irpanipktam taqi uka thakhit amtasipxam, jumanakar t'aqhisiyañataki, yant'añataki, amtäwinakam uñt'añataki, kamachi arunakap phuqhirjamäpxtati janicha uk yatiñataki.

Santiago 4:4

¡Diosatakjam jan sarnaqir jaqinaka! ¿Janit jumanakax yatipkta akapachampi sumankañ munki ukax Diosampi jan walinkatapxa? Khititix akapachampi sumankañ munki ukaxa, Diosan uñisiripaw tuku.

Apocalipsis 2:4

Ukampis jumatak arsuñaxaw utjitu: qalltan utjkäyätamsa uka munasiñamax janiw utjkxtamti.