Jeremías 18:18 - Qullan Arunaca

¹⁸ Jakenacasti sapjjaraquïnwa: “Jichhajj mä amtäwi lurañäni Jeremiasajj jan jiwasampëjjañapataqui. Jiwasaru yatichiri sacerdotenacajj utjascaniwa, amuyt'ani jakenacasa ewjjanacapa churañataquejj utjascapuniniwa, Diosan arunacapa yatiyiri profetanacas utjascapuniniwa. Jichhajj c'ari arunaca jupa toke arsuñäni uqhamat jiwayapjjañapataqui. Cuntejj jupajj sisqui uca arunacarusti janiraqui yäkañäniti” sasa.

Aymar Bibliia 1986

¹⁸ Jakenacasti sapjjaraquïnwa: “Jichhajj mä amtäwi lurañäni Jeremiasajj jan jiwasampëjjañapataqui. Jiwasaru yatichiri sacerdotenacajj utjascaniwa, amuyt'ani jakenacasa ewjjanacapa churañataquejj utjascapuniniwa, Diosan arunacapa yatiyiri profetanacas utjascapuniniwa. Jichhajj c'ari arunaca jupa toke arsuñäni uqhamat jiwayapjjañapataqui. Cuntejj jupajj sisqui uca arunacarusti janiraqui yäkañäniti” sasa.

Qullan Arunaka DC

¹⁸ Jaqinakasti sapxarakïnwa: “Jichhax Jeremiasar jan walt'ayañatak mä amtäwir puriñäni. Jiwasar yatichir sacerdotenakax utjaskaniwa, amuyt'an jaqinakas iwxanakap churañatakix utjaskaniwa, Tatitun arunakap yatiyir profetanakas utjaskapuniniwa. Jeremías profetar jiwayapxañapatak k'arintapxañäni. Kuntix jupax siski uka arunakarus janirak yäqkañäniti” sasa.

Jeremías 18:18 Jak'a apnaqawi uñst'ayäwi

2 Samuel 15:31

Cunapachatejj Davidaru yatiyapjjäna Ahitofel jakesa Absalonampi chica David contra sayt'asitapjja, ucapachajj Davidajj Tatituruw achict'asïna Ahitofel jaken amtatanacapajj aynacht'añapataqui.

2 Samuel 17:14

Absalonampi take israelitanacampisti, Husai chachan arunacaparojj: “Waliquiw” sapjjaraquïnwa, Ahitofel jaken amtäwipatsa juc'ampi sumaraquïnwa. (Tatitusti Ahitofel jaken amtäwinacapjja t'unjaraquitaynawa uqhamat Absalonarojj jan walt'añaru uscuñataqui.)

1 Reyes 22:24

Ucatsti Quenaana sat chachan Sedequías yokapajj Micaías profetar jac'achasisinjja may t'ajjllisinwa aqham säna: —¿Cawquinjamas Tatitun ajayupajj nayat sarakawayi jumar uqham parlañapataquejja? —sasa.

2 Crónicas 24:21

Ucampis jupanacajj mayaqui jupataqui arust'asisinjja, reyin arsut'apatwa kalamp c'upjasa jiwayapjjäna, Tatitun templopa ankäjjana.

Job 5:13

Ñankha chuymani jakerusti pachpa ñankha amtatanacaparuw jalantayi, uca ñankha amtatanacapsa aynacht'ayaraquiwa.

Salmos 21:11

Ñankha lurañs munapkchïtamjja, jan walinac lurañs amtapcchïtamjja, janiw camachapcätamsa;

Salmos 52:2

Ñankha lurañac sapürus lup'isctajja, lajjramajj ari cuchillor uñtatawa.

Salmos 57:4

Oraken jaknokataw uñjasta, jake mank'an leonanac taypinjam jicjjatasta; laca ch'aqhanacapajj lanzanacjam, mich'inacjamawa, lajjrapajj ari espadar uñtataraquiwa.

Salmos 64:3

Jupanacajj espadar uñtat lajjranacap ariptayapjje, mich'inacar uñtat ñankha arunac parlarpayapjje.

Proverbios 18:21

Jiwañas jacañasa parlatatjamwa waquisi; qhitinacatejj sinti parlapqui ucanacajj jan walt'añampiwa t'akhesini.

Isaías 32:7

Jan wali sallka jakejja jan walinacacpun lurasqui, jan walinacaracwa amtasqui, pobrenacarusti c'arisiñanacapampiw aynacht'ayi, uqhamaraqui chekaparu uñjäwi mayir jakerusa.

Jeremías 1:19

Jupanacajj walpun juma tokejj sayt'asipjjani, ucampis janiw atipjapcätamti. Nayaw jumampïscäjja jumar imañataquejja. Ucsti naya Tatituw arsta” sasa.

Jeremías 11:19

Nayajj mä qhariñ ovejar uñtata sumaquïscäyätwa, janiraquiw naya toke amtapjjatanacapsa yatcäyätti. Sapjjaraquïnwa: “Jichhajj aca koka tincuyañäni, cunapachatejj wali suma ch'ojjñasqui ucapacha; aca jaquir jakenacan orakepatjja jiq'inucuñäni uqhamat jan qhitis mayampi amtasjjañapataqui.”

Jeremías 18:11

“Jichhajj Jerusalén marcan jaquir jakenacarusa, uqhamaraqui Judá oraken utjirinacarusa saraquim, naya Tatituw sista: ‘Jumanac tokejj maya luräwinacwa amtascta; jumanacarusti mutuyañwa amtascaracta. Jan wali sarnakäwinacamjja apanucupjjam, luräwinacamsa uqhamaraqui sarnakäwinacamsa asquichasipjjaraquim’ sasa.

Jeremías 18:19

¡Tatay, jumajj ist'am! ¡Cuntejj uñisirinacajjajj parlapqui ucanacsa ist'araquim!

Jeremías 2:8

Sacerdotenacajj janiw thakhapquitänti, marcaru yatichañataqui uscuta jakenacasti, janiw nayarojj uñt'apquitänti, jilïrinacasti nayataquiw sayt'asipjjaraqui, profetanacasti Baal diosan sutipjjaruquiraquiw parlapjje, ucatsti ina ch'usa diosanacan khepap arcapjjaraqui.

Jeremías 20:10

Jakenacan jisc'at parlasitanacapsa ist'aractwa: “¡Take chekansa ajjsarañaquiw utjasqui!” “¡Jutapjjam, juchañchapjjañäni!” sapjjaraquiwa. Pachpa amigonacajjas suyt'apjjaraquiw nayan lanctasiñajj-jja. “Inas pantjasicchini; ucapachaw atipjasina juparojj phoksusiraquiñäni” sapjjaraquiwa.

Jeremías 26:11

Ucatsti sacerdotenacasa, profetanacasa, jach'a jilïrinacarojja, uqhamaraqui take jakenacarusa sapjjaraquïnwa: “Aca jakejj jiwayatäñataqui juchañchatäñapawa, aca marcata jan wali parlatap laycu. Jumanacasti ist'apjjaractawa uqham parlasquirjja” sasa.

Jeremías 37:13

Ucampisa cunapachatï Benjamín sata puncu chekaru purcän ucapachasti mayni jakewa Erías sat sutini, qhititejj Selemiasan yokapäcäna, uqhamaraqui Hananías sat jaken allchhipäcaraquïna, ucajj guardianacan jilïrïpänwa, ucasti Jeremiasarojj catuntänwa aqham sasa: “¡Jumajj caldeo jakenacaruw maqhatjjätajja!” sasa.

Jeremías 43:2

ucapachaw Osaiasan Azarías sat yokapajja, Carea jaken Johanán yokapasa, yakha jach'a jach'a tucuri jakenacampejj Jeremiasarojj sapjjäna: “¡Cuntejj jumajj parlcta uca arunacajj c'ariwa!. Tatitu Diosasasti janiw jumarojj sisctamti nanacaru ‘Jan Egiptor sarapjjamti’ sañamataquejja.

Jeremías 44:16

“Cuna arunactejj jumajj Tatitu toket apanipjjesta ucanacarojj janiw ist'apcäti.

Jeremías 44:17

Jan ucasti cuntejj lurañ amtasipjjta ucpun lurapjjäjja. Alajjpach Mama sat diosarojja incienso loktasisipcaquipunïwa, uqhamaraqui vinompisa ch'allasisipcaquïwa, cunjämtejj jichhacama lurapjjta uqhama nayra awquinacajjasa, reyinacajjasa, Judá orakenquiri jach'a jilïrinacajjasa, uca marcanacanjja uqhamaraqui Jerusalén marcan callenacapansa uqhampunwa lurapjjerïnjja. Nayrasti nanäcataquejj mank'as walïriwa, take cunas waliquïsquiriwa, janiraquiw cuna jan walt'añas jutirïquiti.

Jeremías 8:8

Uqhamasti, ¿cunjämaraqui jumanacasti sapjjasmasti: ‘Take cunsa yattanwa, Tatitun leyipasti jiwasampiraquiwa’ sasasti? ¡Leyinac yatichirinacajj c'ari kellkanacapampiw maysaru k'ewiquipjjapjje!

Lamentaciones 3:62

Uñisirinacajjan parlatanacapsa ist'am, sapa cutis nayataquiquiw arsusipqui.

Ezequiel 7:26

Jan walt'añanacasti mayat mayatwa jutaraquini, jan wali yatiyäwinacasti may mayawa puriniraquini. Inamayaw mä profeta thakasipcani cuntejj Diosajj sisqui uca khanañchañapataqui; janiw jupanacaru yatichiri sacerdotejj utjcjjaniti, janiraquiw mä jilïri jakes utjcjjaniti jupanacaru ewjja arunaca churañataquejja.

Levítico 10:11

uqhamaraqui israelitanacarusa take cuntejj Tatitojj Moisesaru sawaycatayna ucanaca yatichapjjañanacamataqui” sasa.

Miqueas 3:6

“Jumanacajj janiw jichhajj arumanacajj unañchanaca uñjcjjapjjätati jutir urunacata, ni ch'amacanacansa cunatejj khepa urunacan utjani ucanacatsa parlcjjapjjätati” sasa. Uca profetanacataquisti intejj jalantjjaniwa, urusti jupanacataquejj ch'amact'jjaraquiniwa.

Miqueas 3:7

Uca uñjirinacasti, uqhamaraqui yatirinacasa wali p'enkachjataw uñjasipjjani. Take jupanacasti Diosan jan ist'atäjjasinjja, amuquiw kheparjjapjjani.

Malaquías 2:7

Sacerdotenacan lurañanacapasti jakenacaru nayar uñt'aña yatichañapawa. Ucatsti takeniraquiwa sacerdoten ucaru sarapjjañapa suma yatichäwinaca catokañataqui, jupanacajj take ch'amani Diosan suma arunacap khanañchiri qhitanita jakenacäpjjatap laycu.

Lucas 11:45

Ucat ley yatichirit mayniw jupar saraqui: —Yatichiri, ac sasajj nanacamppacharuw jan wal sapjjestajja —sasa.

Juan 9:40

Jupampïcän uca mayni fariseonacajja, uc ist'asinjja jisct'apjjänwa: —¿Nanacasti juyqhüpjjaractti? —sasa.