Jeremías 18:18 - Qullan Arunaka DC

¹⁸ Jaqinakasti sapxarakïnwa: “Jichhax Jeremiasar jan walt'ayañatak mä amtäwir puriñäni. Jiwasar yatichir sacerdotenakax utjaskaniwa, amuyt'an jaqinakas iwxanakap churañatakix utjaskaniwa, Tatitun arunakap yatiyir profetanakas utjaskapuniniwa. Jeremías profetar jiwayapxañapatak k'arintapxañäni. Kuntix jupax siski uka arunakarus janirak yäqkañäniti” sasa.

Aymar Bibliia 1986

¹⁸ Jakenacasti sapjjaraquïnwa: “Jichhajj mä amtäwi lurañäni Jeremiasajj jan jiwasampëjjañapataqui. Jiwasaru yatichiri sacerdotenacajj utjascaniwa, amuyt'ani jakenacasa ewjjanacapa churañataquejj utjascapuniniwa, Diosan arunacapa yatiyiri profetanacas utjascapuniniwa. Jichhajj c'ari arunaca jupa toke arsuñäni uqhamat jiwayapjjañapataqui. Cuntejj jupajj sisqui uca arunacarusti janiraqui yäkañäniti” sasa.

Qullan Arunaca

¹⁸ Jakenacasti sapjjaraquïnwa: “Jichhajj mä amtäwi lurañäni Jeremiasajj jan jiwasampëjjañapataqui. Jiwasaru yatichiri sacerdotenacajj utjascaniwa, amuyt'ani jakenacasa ewjjanacapa churañataquejj utjascapuniniwa, Diosan arunacapa yatiyiri profetanacas utjascapuniniwa. Jichhajj c'ari arunaca jupa toke arsuñäni uqhamat jiwayapjjañapataqui. Cuntejj jupajj sisqui uca arunacarusti janiraqui yäkañäniti” sasa.

Jeremías 18:18 Jak'a apnaqawi uñst'ayäwi

2 Samuel 15:31

Ukatsti kunapachatix, Davidaru Ahitófel jaqin Absalonampi chika, Davidatak jan wali amtasipkatap yatiyapxän ukapachasti, Davidax Tatituruw achikt'asïna, Ahitófel jaqin amtatanakapan aynacht'ayañapataki.

2 Samuel 17:14

Absalonampi, taqpach israelitanakampisti sapxänwa: “Husai arquita chachan amuyt'atapax, Ahitófel jaqin amtäwipat sipan juk'amp sumawa” sasa. (Tatituw Ahitófel jaqin amtäwinakap t'unjatäñap munatayna, ukhamat Absalonan jan walt'añan uñjasiñapataki.)

1 Reyes 22:24

Ukat Quenaaná chachan Sedequías yuqapax, Micaías profetar jak'achasisin ajanupat may t'axllintäna, ukat sarakïna: —¿Kawkinjamsa Tatitun ajayupax nayat mistuwayi, jumar parlañatakisti? —sasa.

2 Crónicas 24:21

Ukampis jaqinakax mayacht'asisin jupatakiw sayt'asipxäna, ukatsti reyin arupar ist'asaw Tatitun utap anqäxan qalamp k'upjaskam jiwayapxäna.

Job 5:13

Jupaw ñanqha chuyman jaqirux, pachpa ñanqha amtatanakapar jalantayi, uka ñanqha amtatanakapsa aynacht'ayaraki.

Salmos 21:11

11 (12) Ñanqha lurañsa munapkchïtam, jan walinak lurañsa amtapkchïtam, janiw kamachapkätamsa,

Salmos 52:2

2 (4) Ñanqha lurañak sapürus lup'isktaxa; laxramax ari cuchillor uñtatawa.

Salmos 57:4

4 (5) Jaqnuqataw uraqin uñjasta, jaqi manq'an leonanak taypinjam jikxatasta; laka ch'akhanakapax lanzanakjama, mich'inakjamawa, laxrapax ari espadar uñtatarakiwa.

Salmos 64:3

3 (4) jupanakax espadar uñtat laxranakap ariptayapxi, mich'inakar uñtat ñanqha arunak antutt'apxi.

Proverbios 18:21

Jakañampi, jiwañampix parlatatjam wakisi; sinti parlirinakax jan walt'añanakampiw t'aqhisini.

Isaías 32:7

Sallqa jaqix k'arikamak kuns parli, jan walinak lurañatakiw amtaraki; k'arintasaw jan kunaninakar aynacht'ayi, khitinakatix chiqapar uñjäwi mayipki ukanakaruxa.

Jeremías 1:19

Jupanakax walpun juma tuqix sayt'asipxani, ukampis janiw atipjapkätamti. Nayaw jumampïskä jumar imañataki. Naya, Tatituw uk arsta” sasa.

Jeremías 11:19

Nayax mä khariñ ovejar uñtata aliqakiw ukankaskäyäta, janirakiw nayatak jan walinak amtapxatapsa yatkäyätti. Jupanakax sapxänwa: “Jichhax mä quqarjam tinkuyañäni, achunakapsa q'al tukjañäni; aka uraqin jakirinak taypitsa jik'inukuñäni, ukhamat khitis jupat jan mayampi amtasxañapataki” sasa.

Jeremías 18:11

“Jichhax Jerusalén markan jakir jaqinakaru, Judá uraqin utjirinakarus sarakim, naya Tatituw jupanakar sista: ‘Jumanakar jan walt'ayañatakiw amtaskta; jumanakar mutuyañ amtaskta. Ukhamax jan wali sarnaqäwinakam apanukupxam, luräwinakamsa, sarnaqäwinakamsa askichasipxarakim’ sasa.

Jeremías 18:19

¡Tatay, nayar ist'akitaya! ¡Uñisirinakaxan parlatanakap ist'am!

Jeremías 2:8

Sacerdotenakax janiw thaqhapkituti, markaxar yatichañatak uskuta jaqinakasti, nayar jan uñt'iriw tukupxi, jilïrinakax nayatakiw sayt'asipxi, profetanakasti Baal diosan sutipxarukiw parlapxi, ukatsti uka k'ari diosanakan qhipap arkapxi.

Jeremías 20:10

Jaqinakan jisk'at parlasitanakapsa ist'araktwa: “¡Taqi chiqansa axsarañakiw utjaski!” sasa. “¡Jutapxam, juchañchapxañäni!” sapxiwa. Pachpa masinakaxas nayan pantjasiñax suyt'apxi. “Inas sallqjayaschini; ukat atipjañäni, jupatsa phuqsusirakiñäni” sapxarakiwa.

Jeremías 26:11

Ukatsti sacerdotenakasa, profetanakasa, uka jach'a jilïrinakaru, ukhamaraki taqi jaqinakaruw sapxäna: “Aka jaqin aka markat jan wal parlatapatxa, jiwayatäñapawa. Jumanak pachpaw ukham parlatap ist'apxtaxa” sasa.

Jeremías 37:13

Ukampis Benjamín chiqar sarki uka punkur purkäna ukkhasti, Selemiasan Irías sat yuqapa, khititix Hananías sat jaqin allchhipäki, uñjirinakan jilïripäkaraki, uka Irías jaqiw Jeremiasarux katuntäna akham sasa: —¡Jumax babilonionakar jaqkattañ munatätaxa! —sasa.

Jeremías 43:2

Hosaíasan Azarías sat yuqapa, Caréah jaqin Johanán yuqapa, yaqha jach'a jach'a tukur jaqinakampiw Jeremiasarux sapxäna: “¡Jumax parlkta uka arunakax janiw chiqäkiti! Janiw Tatitu Diosasax jumarux sisktamti nanakaru ‘Egiptor jan sarapxamti’ sañamatakixa.

Jeremías 44:16

—Janiw nanakax ist'apkäti Tatitun sutiparu yatiyapkista uka arunakamaru.

Jeremías 44:17

Jan ukasti, nanakax lurañ amtasipkta ukham lurasipkakïwa, kunjämtix nayra awkinakaxasa, reyinakaxasa, Judá uraqin jilïrinakasa lurapxirïna ukhama. Alaxpach Mama sata diosarus inciensompi, vinompi luqtasax yupaychasipkakïwa. Nayrasti nanakatakix, manq'añax janiw pist'irïkänti, taqi kunas utjakipunirïnwa, janirakiw kuna jan walt'añas jutirïkänti;

Jeremías 8:8

Ukhamasti, ¿kunjämarak jumanakasti sapxasmasti: ‘Taqi kunsa sum yattanxa, Tatitun kamachipasti jiwasampïskiwa’ sasasti? ¡Kamachinak yatichirinakax k'arikamak yatichapxi, ukatsti, Qillqatax ukham siwa sasaw sarnaqapxaraki!

Lamentaciones 3:62

uñisirinakaxan parlatanakapsa ist'amaya, sapa kutis nayatakikiw jan walinak arsusipki.

Ezequiel 7:26

Jan walt'añanakax mayat mayat jutani; jan wali yatiyäwinakasti may mayaw purinini. Inamayaw mä profetarus thaqhasipkani kuntix Tatitux siski uk qhanañchañapataki; janiw jupanakar yatichir sacerdotex utjkxaniti, janirakiw jupanakar iwxt'iri jilïr jaqis utjkxaniti.

Levítico 10:11

ukatsti kuna kamachinaktix Tatitux Moisés tuqi jumanakar churapktam ukanak israelitanakar yatichapxañamataki” sasa.

Miqueas 3:6

“Jumanakax janiw kunanakatix luraskani ukanak uñjkxapxätati, janirakiw qhipa urunakan utjkani ukanakatsa parlkxapxätati.” Uka profetanakatakisti intix jalantxaniwa, urus ch'amakaw tukxarakini.

Miqueas 3:7

Uñjäwinak uñjirinakasa, yatirinakasa wali p'inqachjataw uñjasipxani. Jupanakasti Tatitun jan ist'atäxasinxa, amukiw qhiparxapxani.

Malaquías 2:7

Sacerdotenakan lurañanakapasti, jaqinakaru nayar uñt'aña yatichapxañapawa, ukatsti taqinirakiw jupanakan ukaru sarapxañapa suma yatichäwinak katuqiri, jupanakax taqi ch'aman Tatitun suma arunakap qhanañchiri khithanita jaqinakäpxatap layku.

Lucas 11:45

Ukat kamachi yatichirit mayniw jupar sarakïna: —Yatichiri, uk sasax nanakamppacharuw chuyma ust'ayapxista —sasa.

Juan 9:40

Jupampïpkän uka fariseonakat yaqhipanakasti, uk ist'asin Jesusaruw jiskt'apxäna: —¿Nanakasti juykhüpxaraktti? —sasa.