Jeremías 17:10 - Qullan Arunaca

¹⁰ Naya Tatituwa, jaken chuymapjja uñjta, chuyma mankhapan amtatanacapsa yatiractwa; sapa maynirusa waquisitaparjamaw churaractjja, luratanacaparjamaraqui.”

Aymar Bibliia 1986

¹⁰ Naya Tatituwa, jaken chuymapjja uñjta, chuyma mankhapan amtatanacapsa yatiractwa; sapa maynirusa waquisitaparjamaw churaractjja, luratanacaparjamaraqui.”

Qullan Arunaka DC

¹⁰ Naya, Tatituwa, jaqin chuymap uñjta, chuyma manqhapan amtatanakapsa yattwa; sapa maynirus luratanakaparjamaw mutuyarakï.”

Jeremías 17:10 Jak'a apnaqawi uñst'ayäwi

1 Crónicas 28:9

Juma Salomón munat wawajjasti, uñt'ätawa awquimana Diosaparu, ucatsti take chuymaraquiwa jupar sirvïta, uqhamarac suma amtampiraqui, Tatitusti take chuymanacjja sumwa uñji, uqhamarac yatiraqui cuna amtäwinacsa, lup'ïwinacsa. Uqhamasti jumatejj jupar thaktätajja, jupasti jumarojj jicjjatayasïtamwa, ucampis jumatejj jupat sarakäta ucajja, jupasti jumarojj wiñayataquiw jakonucütam.

1 Crónicas 29:17

Nayasti yattwa Diosajjay, jumajj chuymanaca uñantirïtama, ucatsti jumataquejj cheka cancañaraquiwa asquejja. Ucatwa, cheka chuymampi take acanac chursmajja. Jichhasti cusisitaw uñjaracta marcamajj acan tantachatäsina, walja ofrendanacapjja jumaruw churapjjtam.

Job 34:11

Jupajj sapakatarusa luräwipatjamwa pago churi; sapakata jakerusa cunatejj waquisqui ucwa churaraqui.

Salmos 44:21

jumajj yatjjasamänwa, chuyma mankhanquir amtäwinac yatitam laycu.

Salmos 44:22

Juma laycuw sapürojj jiwayañ munapjjetu, qhariñ ovejanacarjamaw uñch'uquipjjetu.

Salmos 7:10

Alajjpachanquir Diosaw imantasiñajjajja, jupaw k'oma chuymaninacarojj khespiyi.

Salmos 7:9

Chekapar uñjir Diosay, jumaw chuyma mankha amtäwinac uñanttajja; juchararanacan ñankha lurañanacap tucusiyam, asqui jakerusti thuruñchat sayt'ayam.

Proverbios 12:14

Sapakata jakewa apthapi parlatapatjama, luratapatjamaw catokaraquini.

Proverbios 17:3

Korisa, kollkesa ninamp yant'atawa; jaken amtatanacapsti Tatituw yant'araqui.

Eclesiastés 9:3

Aca orakena take cunatejj lurasqui ucanacatjja acawa jan walïquiti, takenirusa uca pachpawa suyt'asqui. Maya toketjja, jaken amuyupajj ñankha lurañampi phokt'atawa; lokhe cancañaw amuyupana atipji take jacañapana; ucatsti tucuyarojj jiwañaruquiw purjje.

Isaías 59:18

Tatitojj sapa mayniruw luräwiparjam churani, uñisirinacaparusti mutuyaniwa, jupar uñisirinacarusti waquisitaparjamaw churaraquini, kota toke marcanacan utjirinacarusa.

Jeremías 11:20

Ucampisa jichhajj take ch'amani Tatitu, chekapa uñjirïtawa; jumajj jaken amtatanacapsa yattawa. Cunjämtejj aca jakenacar mutuycäta ucsti uñjayaraquita, nayasti amparamaruw take cunanacajjsa catuyasiracsma.

Jeremías 12:13

Trigo yapuchasipjjäna, ucatsti ch'aphinacaqui apthapjjapjje, take luratanacapasti inamayaquiwa, Cosechanacapasti k'ala aynacht'atawa, nayan colerasiñajjan naqhatap laycu.”

Jeremías 20:12

Take ch'amani Tatitu, jumajj take cunsa chekaparupuniw uñjtajja, jumajj jaken chuymapsa yattawa, uñjayitaya cunjämtejj uca jakenacaru mutuycta ucjja, nayasti juman amparamaruw take cunsa catuyassma.

Jeremías 21:14

Nayasti luratanacamarjamaw mutuyapjjäma; ch'uminacamarusti ninampiw wiycataraquëjja, uca ninasti take ucsa tokenacwa naqhantaraquini. Naya Tatituw ucjja arsta.’ ”

Jeremías 23:2

Israelan Dios Tatitupasti siwa; cawquïri awatirinacatejj marcapa apnakapqui ucanacarojja: “Jumanacajj ovejanacajj-jja ananucupjjtawa, jaltayapjjtawa, janiraquiw sum awatipctati. Jichhajj waliquiwa, nayajj take jan wali luräwinacamatjja walpunracwa mutuyapjjäma. Naya Tatituw ucjja arsta.

Jeremías 32:19

Jumajj amtäwinacamanjja jach'ätawa, luräwinacamansti ch'amaniraquïtawa. Jumaw sapa mayni jakeru luratanacap uñjtajja, ucatsti luratanacaparjamaraquiw cunsa churtajja.

Ezequiel 11:5

Tatitun ajayupasti nayjjanquiwa, ucatsti aqham sañajjataquiw saraquitu: “Aqham siw Tatitojja: ‘Uqhampï jumanacajj israelita jakenaca amuyt'asipjjtajja. Nayasti jumanacan amtäwinacamjja yatiractwa.

Ezequiel 14:5

“Cawquïri israelitanacatejj nayat jithektjjapjje yakha diosanacaru yupaychañataqui, ucanacarusti nayaw chuymapa llamct'araquëjja.

Miqueas 7:13

Aca orakejj ch'usa wasararu tucuyatäniwa, jakenac laycu, jan walinac lurapjjatap laycu.

Mateo 16:27

Jaken Yokapajj Awquipan jach'a munañapampiw angelanacapampi jutani, ucatwa sapa maynirus luratanacaparjama churjjani.

Mateo 6:4

jan ucasti jan qhitiru yatiyasaqui luram, uqham luratamatsti alajjpachanquir Awquimajj cuttayjjätamwa.

Juan 2:25

Jaker uñt'añataquejj janiw qhitin yatiyatäñasa waquiscänti, jan ucasti jupa pachpawa yatïna jaken chuymapa.

Hechos 1:24

Aqham sasaraquiw, oración lurapjjäna: “Tata, juma sapaquiw takenin chuymapa uñt'tajja. Uñacht'ayapjjetay cawquïrirus jumajj aca paninitjja ajlltajja,

Romanos 6:21

Ucampis ¿cuna suma asquirac catokapjjtasti jichhajj mä p'enkachäwiquïchi ucajja? Take ucanacan tucuyapasti jiwañaquiwa.

Romanos 8:27

Ucampis Diosajj chuymanaca uñantasinjja yatiwa cuntejj Ajayojj sañ munqui ucjja, Ajayusti Diosan munañaparjamaw jupanquirinacataquejj mayi.

Apocalipsis 2:23

Wawanacaparus jiwarayaraquïwa, uqhamatwa take iglesianacajj yatipjjani nayajj jaken amuyupsa, chuymapsa uñt'atajja; jumanacarusti luräwinacamarjamaraquiw sapakat mayniru churapjjäma.

Apocalipsis 20:12

Jiwatanacarusti jisc'arus jach'arus jupan nayrakatapan sayt'ata uñjta. Libronacasti jist'aratänwa, uqhamarac yakha librosa. Uca librosti jacañ libro satawa. Jiwatanacasti luräwinacaparjam uñjatäpjjänwa, cunjämtï uca libronacan kellkatäcänsa uqhamaru.

Apocalipsis 22:12

“Nayasti janc'aquiw jutä. Sapa maynitaquiraquiw churäwi apanï luratanacaparjama churañataqui.

1 Samuel 16:7

Ucampis Tatitojj sänwa: “Jan jumajj uñnakapataqui, uqhamarac jach'a tansätapatacsa ajllimti, nayajj ucanacjja maysaruw apanuctjja. Janiw cuntejj jakejj uñcatqui uqhamäcaniti; jakejj uñnakacwa uñjejja, ucampisa nayajj jaken chuymapwa yatiractjja, ucwa uñjaractjja.”