Jeremías 16:4 - Qullan Arunaca

⁴ Jan kollcaña usunacampiw jiwarapjjani, janiw qhitis jupanacatjja jachcaraquiniti ni imirisa utjcaraquiniti; oraken liwirtataw uñjasipjjani, wanüpcaspas uqhama. Guerrampi, mank'at jiwarañampiw jupanacarojj tucjani, janchinacapasti siwek'aranacana, montenquir animalanacampi tucjatäniwa, mank'antataraquïniwa” sasa.

Aymar Bibliia 1986

⁴ Jan kollcaña usunacampiw jiwarapjjani, janiw qhitis jupanacatjja jachcaraquiniti ni imirisa utjcaraquiniti; oraken liwirtataw uñjasipjjani, wanüpcaspas uqhama. Guerrampi, mank'at jiwarañampiw jupanacarojj tucjani, janchinacapasti siwek'aranacana, montenquir animalanacampi tucjatäniwa, mank'antataraquïniwa” sasa.

Qullan Arunaka DC

⁴ Jan qullkaña usunakampiw jiwarapxani, janiw khitis jupanakat jachkaniti, janirakiw khiti imt'iris utjkaniti; q'añu t'unanakjam uraqin wartatäpxaniwa. Nuwasiñampi, manq'at jiwarañampiw jupanakar tukjani, janchinakapasti siwiq'aranakana, monte animalanakan manq'antatarakïniwa” sasa.

Jeremías 16:4 Jak'a apnaqawi uñst'ayäwi

2 Reyes 9:10

Ucampis Jezabel warmirusti anunacaw mank'apjjani Jezreel pampana, ucatsti janiw qhiti imt'iripasa jicjjatascaniti’ —sasa. Uqham sasasti profetajj puncu jist'arasisaw jalsuwayjjäna.

Salmos 78:64

sacerdotenacajj espadamp jiwayatäpjjänwa, warminacapasti janiw jupanacat jachapcänti.

Salmos 83:10

camisatejj jupanacajj Endor chekawjan t'unjat uñjasipcäna, oraketaquis wanur tucupcän uqhama.

Isaías 18:6

Take cunaw apanucuta uñjasini, kollunacan utjir jach'a jamach'inacataqui, uqhamaraqui monte animalanacataquisa. Uca jach'a jamach'inacasti ucanwa junt'u horasjja pasapjjani, monte animalanacasti ucanaracwa thaya horasjja pasapjjaraquini.”

Isaías 5:25

Ucatwa Tatitojj marcapataquejj k'apisïnjja, amparapsa aytaraquïnjja mutuyañataqui. Kollunacasti qhathatipjjänwa, jake jiwatanacasti callenacan t'unar uñtat jaktatäpjjaraquïnwa. Uqhamäquipansa, Tatitun colerasiñapajj janiw t'akt'quiti; jichhas jupajj arusiscaquiwa.

Jeremías 19:7

Aca chekanwa Judá orakena, uqhamaraqui Jerusalén marcan amtatanacapjja t'unjä. Uñisirinacapampiw jupanacarojj atipjayä, jiwarayaraquï, jiwata janchinacapasti siwek'aranacana, montenquir animalanacan mank'apäniwa.

Jeremías 21:6

Aca marcanquiri take jakenacarusti jiwarayaraquïwa; jakenacasa, animalanacasa mä jach'a usumpiw jiwarapjjani.

Jeremías 25:33

Qhitinacarutejj Tatitojj uca urojj jiwaraycani ucanacasti aca orakenjja mä thiyat mä thiyacamaw liwirtapjjani. Janiraquiw qhitis jupanacatjja jachcaniti, janiraquiw uca jiwatanacjja qhitis apthapcaniti imañataquejja; guanjama waranucutaw orakencasipcani.

Jeremías 34:17

Uqhamaw naya, Tatitojj, arsta: Jumanacajj janiw nayarojj ist'apquistati, cawquïri marca masinacamatejj esclavo sarnakasipcän ucanacarusti janiraquiw antutapctati; uca laycuraquiw jichhajj nayajj guerrampiru, cunayman casta usunacampiru uqhamaraqui mach'ampiruw antutcatapjjäma, jumanacampi wali ajjsarcañanaca lurapjjañapataqui, take aca orakenquir marcanacasti ucanac uñjasajj ajjsarapjjaraquiniwa. Naya Tatituw ucjja arsta.

Jeremías 34:20

Uca laycu, jichhajj nayajj uñisirinacaparuraquiw catuyäjja, uqhamaraqui janchinacapasa jach'a jamach'inacana, montenquir animalanacan mank'atäñapataquiw catuyaraquëjja.

Jeremías 36:30

Jichhajj waliquiwa, naya, Tatituw jumar sisma, Judá orakenquiri Joacim reyi, janiw jumataquejj wawanacamajj utjcaniti Davidan tronopar kont'asiñataquejja. Jiwat janchimasa urojj lupiru jakonucutäniwa, arumasti juyphiru jakonucutaraquïniwa.

Jeremías 44:12

Qhitinacatejj Judá orakeru kheparapqui, ucatsti Egipto tokeru jacasiri sarjjapjjaraqui ucanacarojj pachpanwa k'al tucusiyäjja. Takeniwa, jisc'at kalltasina jach'acama, guerran jiwarapjjani, mank'atjamaw jiwarapjjaraquini, ucatsti mayninacan uñtcañäniw, maldecita jisc'achjataraqui uñjasipjjani, ajjsarcañäpjjaraquiniwa.

Jeremías 44:27

Nayasti jumanacjjarojj t'akhesiñanacacwa apayanipjjäma, janiw asquinacti apayanipcämajja. Take qhitinacatejj Judá marcat jutasin aca Egipto marcan jacasipcta ucanacasti guerrampi, mach'ampi jan mayani tucjatäpjjätawa.

Jeremías 7:33

Aca jakenacan janchinacapsti jach'a jamach'inacaw mank'apjjani, uqhamaraqui monte animalanacasa, janiw ucanacar qhiti chhuctayiris utjcaraquiniti.

Jeremías 9:22

Jakenacan jiwat janchinacapasti liwirtasipquiwa, guanor uñtataraquiw tucusisipqui, cunjämatejj mä grano puyajj yawirin khepäjjaparu liwektejja, uqhamaw liwektapjje, janiraquiw qhitis aptquiti” sasa. Tatituw ucjja arsu.

Lamentaciones 4:9

Qhitinacatejj guerran jiwarapjjäna ucanacajj samarjjapjjewa, cawquïrinacatejj mank'at jiwapqui ucanacat sipansa. Acanacasti juc'at juc'atwa jiwarasipqui, mank'añajj jan utjcjjatap laycu.

Ezequiel 24:21

‘Israel marcarojj parlam: Aqham siw Tatitojja: Nayasti templojj-jja taquisiraquïwa, jumanacasti uca templorojj wali munapjjtajja, wali uñch'uquipjjaractajja, uca templosti jumanacataquejj jach'a jach'a tucuñaraquiwa, jumanacan ch'amanacamaraquiwa; yokall wawanacama, imill wawanacama Jerusalén marcaru jaytanipctas ucanacajj jiwarayatäpjjaniwa.’

Ezequiel 5:12

Jakenacamatsti mä chicatajj usunacampiw jiwarapjjani, aca pachpa marca mankhanwa mank'atjama jiwarapjjaraquini, chicata jakenacasti cawquïri uñisirinacatejj muyuntapctam ucanacan jiwarayataw uñjasipjjaraquini, ucat jilt'iri chicatasti take tokeru ananucutaraquïniwa. Ucanacan khepapsti nayaw sararaquï mä espadas ayt'ata.

Sofonías 1:17

Tatitusti siwa: “Jakenacarusti t'akhesiyaraquïwa, jupanacasti juyqhur uñtataraquiw sarnakapjjani, jucha luratanacap laycu. Wilanacapas lak'ar uñtataw waranucutäni, aychanacapas wanur uñtata montonnucutäniwa” sasa.

Deuteronomio 28:22

Uqhamaraquiw apayanïtam jiwaña usunaca, ñankha fiebrenaca, p'usuntir usunaca, calor usunaca, trigo yapunacamarojj awtipacha lak'onacaraquiw puriraquini, take casta usunacaw arcanakätam jumar t'unjañataqui.

Deuteronomio 28:26

Take jamach'inacana, monte animalanacan mank'antatäniw jiwat janchimajja janiw qhitis ucanacjja aliswakcaniti.