Jeremías 16:4 - Qullan Arunaka DC

⁴ Jan qullkaña usunakampiw jiwarapxani, janiw khitis jupanakat jachkaniti, janirakiw khiti imt'iris utjkaniti; q'añu t'unanakjam uraqin wartatäpxaniwa. Nuwasiñampi, manq'at jiwarañampiw jupanakar tukjani, janchinakapasti siwiq'aranakana, monte animalanakan manq'antatarakïniwa” sasa.

Aymar Bibliia 1986

⁴ Jan kollcaña usunacampiw jiwarapjjani, janiw qhitis jupanacatjja jachcaraquiniti ni imirisa utjcaraquiniti; oraken liwirtataw uñjasipjjani, wanüpcaspas uqhama. Guerrampi, mank'at jiwarañampiw jupanacarojj tucjani, janchinacapasti siwek'aranacana, montenquir animalanacampi tucjatäniwa, mank'antataraquïniwa” sasa.

Qullan Arunaca

⁴ Jan kollcaña usunacampiw jiwarapjjani, janiw qhitis jupanacatjja jachcaraquiniti ni imirisa utjcaraquiniti; oraken liwirtataw uñjasipjjani, wanüpcaspas uqhama. Guerrampi, mank'at jiwarañampiw jupanacarojj tucjani, janchinacapasti siwek'aranacana, montenquir animalanacampi tucjatäniwa, mank'antataraquïniwa” sasa.

Jeremías 16:4 Jak'a apnaqawi uñst'ayäwi

2 Reyes 9:10

Jezabel warmirusti, Jezreel pampanakan anunakaw janchip manq'ani, janiw khitis jupar imt'irix utjkaniti” —sasa. Ukham sasin, profetax punku jist'aras jaltawayxäna.

Salmos 78:64

sacerdotenakax espadamp jiwayatäpxänwa, warminakapasti janiw jupanakat jachapkänti.

Salmos 83:10

10 (11) kamisatix jupanakax Endor chiqawjan t'unjat uñjasipkäna, uraqitakis wanur tukupkän ukhama.

Isaías 18:6

Taqi ukanakaw apanukut uñjasini, qullunakan utjir jach'a jamach'inakataki, kunayman utjir laq'unakataki. Uka jamach'inakasti junt'u pachax ukan jakapxani, kunayman laq'unakas thaya pachax ukanarak jakapxani.”

Isaías 5:25

Ukat Tatitux markapatak wal q'apisïna, amparapsa mutuyañatakiw aytarakïna. Qullunakax khathatipxänwa, jaqi jiwatanakasti saräwinakan t'unar uñtat jaqtatäpxänwa. Ukampis Tatitux phiñasitakïskiwa, amparapas mutuyañatakix wakicht'atakïskiwa.

Jeremías 19:7

Aka chiqan Judá uraqimpina, Jerusalén markampin amtatanakapsa t'unjä. Uñisirinakapampi atipjayasaw jiwarayä, jiwat janchinakapasti siwiq'aranakana, monte animalanakan manq'apäniwa.

Jeremías 21:6

Aka markankir taqi jaqinakarusti, uywanakarusa mä jach'a usumpiw jiwarayä.

Jeremías 25:33

Khitinakarutix Tatitux uka urux jiwaraykani ukanakasti mä thiyat mä thiyakamaw aka uraqin liwirtapxani. Janiw khitis jupanakat jachkaniti, janirakiw khitis uka jiwatanak imt'añatak apthapkaniti; q'añu t'unar uñtat waranukutäpxaniwa.

Jeremías 34:17

Ukat naya, Tatitux arsta: Jumanakax janiw nayarux ist'apkistati, kawkïr marka masinakamatix t'aqhisita taqi kun luras sarnaqasipki ukanakarusti janirakiw antutapktati; ukatpï jichhax nayax nuwasiñampiru, kunayman usunakampiru, mach'ampir antutkatapxämaxa, ukanakasti jumanakarux taqi aka markanakatakis wali axsarkañ tukuyapxätam. Naya, Tatituw uk arsta.

Jeremías 34:20

Ukat jichhax nayax jiwayir uñisirinakaparuw katuyä, jiwat janchinakapasti jach'a jamach'inakana, montenkir animalanakan manq'añapatakïniwa.

Jeremías 36:30

Jichhax walikiwa, naya, Tatituw jumar sisma, Judá uraqinkir Joacín rey, janiw kawkïr wawamas Judá markan reyipat utt'askaniti. Jiwat janchimasti, urux lupir jaqunukutäniwa, arumasti juyphir jaqunukutarakïniwa.

Jeremías 44:12

Khitinakatix Judá uraqir qhiparapkäna, ukatsti Egipto markar jakir sarxañatak wayt'asipki ukanakax uka markan jiwarapxani. Taqiniw jiwarapxani, nuwasïwina, jan ukax manq'atjamasa, jisk'at qalltasina jach'akama, ukatsti markanak taypinxa ñanqhachata, jisk'achjataw uñjasipxani.

Jeremías 44:27

Nayasti jumanakxarux askinak apayaniñ lantxa, t'aqhisiñanak apayanipxäma. Taqi khitinakatix Judá markat jutasin aka Egipto markan jakasipkta ukanakasti, manq'atjama, jan ukasti nuwasïwin jiwarapxäta.

Jeremías 7:33

Uka jaqinakan jiwat janchinakapsti jach'a jamach'inakampi, monte animalanakampiw manq'apxani, janiw ukanakar khiti jark'iris utjkarakiniti.

Jeremías 9:22

22 (21) Jaqinakan jiwat janchinakapax liwirtatäskiwa, q'añu t'unar uñtataw tukusiski, kunjämatix mä grano puyax yawirin qhipäxapar liwiqtki, ukat janirak khitis apthapki ukhama” sasa. Tatituw uk arsu.

Lamentaciones 4:9

Taqiniw juk'ata juk'at manq'atjam jiwarxapxi. ¡Mä ch'axwäwin jiwañax askïspawa manq'atjam jiwañat sipana!

Ezequiel 24:21

‘Israel markar parlam: Tatitux akham siwa: Nayasti qullan utaxa q'al tukjä, kawkïrtix wal munapkta, muspharañampi uñch'ukt'apxarakta, uka utaxat jach'a jach'as tukupkarakta uka uta; Jerusalén markar jaytanipkta uka yuqall wawanakamasa, imill wawanakamasa jiwarayatäpxaniwa.

Ezequiel 5:12

Jaqinakamatsti mä chikatax usunakampi, manq'atjam jiwañampiw aka pachpa markan jiwarapxani, chikat jaqinakasti, markam jak'ankir uñisirinakan jiwarayataw uñjasipxani, ukat jilt'irinakarusti taqi tuqiruw ananukurakï. Jupanakan qhipapsti nayaw espadas ayt'at arktä.

Sofonías 1:17

Tatitusti siwa: “Jaqinakarux t'aqhisiyäwa, jupanakasti jucha luratanakap laykux juykhunakjamaw sarnaqapxani. Wilanakapas laq'ar uñtat wartatäniwa, janchinakapas wanjam phint'atarakïniwa” sasa.

Deuteronomio 28:22

Ukhamarakiw apayanïtam jiwañ usunaka, ñanqha usunaka, p'usu usunaka, sinti junt'u pachanaka, waña pachanaka, trigo yapunakam tukjir laq'unaka, ukatsti kunayman usunakaw jumar t'unjañkam arkanaqätam.

Deuteronomio 28:26

Jamach'inakampi, monte animalanakampiw jiwat janchim manq'antani, janiw khiti aliswaqiris utjkaniti.