Jeremías 13:17 - Qullan Arunaca

¹⁷ Jumanacatejj jan ist'asipcätajja, jumanacan jach'a jach'a tucupjjatamatjja jamasan jacharaquï; nayranacajjatsti jachanacaw sararaquini, Tatitun tamaparu preso apasjjapjjatap laycu.

Aymar Bibliia 1986

¹⁷ Jumanacatejj jan ist'asipcätajja, jumanacan jach'a jach'a tucupjjatamatjja jamasan jacharaquï; nayranacajjatsti jachanacaw sararaquini, Tatitun tamaparu preso apasjjapjjatap laycu.

Qullan Arunaka DC

¹⁷ Jumanakatix jan ist'asipkätaxa, jach'a jach'a tukupxatamat jamasan jachä; nayranakaxatsti jachanakaw warasinini, Tatitun tamapar katuntat apasxatap layku.

Jeremías 13:17 Jak'a apnaqawi uñst'ayäwi

Salmos 119:136

Umjamaw jachajj nayranacajjat warasi, yatichäwiman jan yäkatätap laycu.

Salmos 80:1

Israel marcan awatiripa, ist'apjjaquitaya, tamar uñtat Josean marcapar irpiri, jaysapjjaquitaya; angelanac taypin khapak konuñaman kont'asiri, ist'apjjaquitaya.

Isaías 63:11

Jupanacasti nayrapachanacatwa amtasipjje, qhititejj marcapar khespiyqui uca Moisesatsa amtasipjjaraquiwa, jisct'asipjjaraquïnwa: “¿Cawquincaraqui Nilo jawiran Moisesar khespiyiri Diosasti? Uca Moisesajj tamapa awatirïnwa. ¿Cawquincaraqui qhititejj Moisesar Kollan Ajayupa uchqui ucasti,

Jeremías 14:17

Jakenacarusti saraquim: ‘Nayranacajjatjja, jachanacajj uruy aruma sarpan, jan t'act'asa, marcajjan jach'a aynacht'äwip laycu, jach'a chhojjrip laycuraqui.

Jeremías 15:17

Qhitinacatejj aleka cusist'añaqui munapjje, ucanacampi chicachasiñsti janiw muncaractti; cunapachattejj jumajj nayaru catuntasista ucat acsarusti, sapaquiw sarnakjjta, colerasiñamampi nayar phokhantatam laycu.

Jeremías 17:16

Ucampisa, janiw nayajj wayt'caracsmati, mä jach'a jan walt'aña apayaniñamataquejja, jupanacataquisa janiw jach'a t'akhesiñanacsa muncaractti. Jumasti sumwa yattajja cuntejj sisctjja ucjja, juma nayrakataruwa uchjjaractjja.

Jeremías 22:5

Ucampisa, janitejj aca arunacaru ist'apcäta ucapachajja, aca palaciojj t'unjataw uñjasini. Naya Tatituw ucjja arsta.’ ”

Jeremías 23:1

Tatitusti siwa: “¡Ay, cunaquïcani awatirinacatjja, cawquïrinacatejj ovejanacajj-jja chhakhayapjje, uqhamaraqui ananucupjje ucanacataquejja!”

Jeremías 23:2

Israelan Dios Tatitupasti siwa; cawquïri awatirinacatejj marcapa apnakapqui ucanacarojja: “Jumanacajj ovejanacajj-jja ananucupjjtawa, jaltayapjjtawa, janiraquiw sum awatipctati. Jichhajj waliquiwa, nayajj take jan wali luräwinacamatjja walpunracwa mutuyapjjäma. Naya Tatituw ucjja arsta.

Jeremías 9:1

¡Nayranacajjan jachapajj mä uma jalsjamäspa, walja jaliri umanacjama, uqhamat uruy aruma jachañajjataqui, marcajjan jiwarat jakenacatjja!

Lamentaciones 1:16

Take ucanacasti nayarojj jachayituwa, nayrajjasti jachampi phokhantataraquiwa, janiraquiw nayar qhiti chuymachiris utjquiti, janiw nayar qhiti ch'amañchiris utjquiti. Wawanacajjasti t'unjata perkanac taypincasquiwa, uñisirinacasti nanacat sipansa juc'ampi ch'amaniraquiwa.

Lamentaciones 1:2

Arumanacasti jachcäwiw tucusiscaraqui; ajanunacapansti jachaquiw jalascaraqui. Take munirinacapasti janiw maynis jupar chuymachirejj utjquiti. Take amigonacapasti mayswa uñtjjapjje, uñisirinacapaw tucjjaraqui.

Lamentaciones 1:9

Isipasti k'ala k'añuchjatapuniwa; janiw uqhamar puriñjja amtcaraquïnti. Aynacht'atapasti jan amuyt'cayapuniwa; janiw jichhajj qhiti chuymachiris utjcaraquiti. ¡Tata, nayan t'akhesitajj uñtanita, uqhamarac uñisirejjan jach'ar tucutapsa!

Lamentaciones 2:18

Suma Sión marca, Tatitut yanapa mayim. ¡Jachanacamasa jawirar uñtata uruy aruma jalarayam! ¡Jachascaquim jan samart'asa, nayranacamasa janiraqui samarpati!

Lamentaciones 3:48

Nayranacajjatsti jachajj umjamaw jalaraquitu, nayan munat marcajja t'unjata uñjasajja.

Ezequiel 24:16

“Qhitirutejj jumajj muncta ucarusti mayacwa apakäma. Ucampisa jan jachamti, janiraqui jaqhusimsa; jan jachanacamjja inamaya wartamti.

Ezequiel 34:31

Jumanacajj nayan ovejanacajjäpjjtawa, nayan uywa awatisiñajjan mank'asiri ovejanacajjäpjjtawa. Nayaw jumanacan Diosamätjja. Naya Tatituw ucjja arsta.”

Ezequiel 36:38

T'unjat marcanacasti walja jakenacanipuniw tucjjani, cawquïri ovejanacatejj Jerusalén marcaru sacrificiot loktañataqui apatäpqui uqhamäpjjaraquiniwa. Ucapachaw yatipjjani nayan Tatitütajja” sasa.

Ezequiel 9:4

Juparojj saraquiwa: “Jerusalén marca muytam, cawquïrinacatejj aca marcan jan wali luräwinacap laycu wali llact'atäsipqui ucanacaru mä chimpu paranacaparu uscuraquim” sasa.

Malaquías 2:2

Jumanacasti nayarojj jaysañanacamawa, sutejjsa take chuymampiwa jach'añchapjjañama. Janitejj uqham lurapcäta ucqhajj nayasti ñankhachapjjämawa. Cunjämatï jan take chuymampi jach'añchapquistajja, uqhamaraquiw nayajj ñankhachanï cuntï sacerdotëpjjatamat catokapcta ucanacsa.” Uqham siwa take ch'aman Diosajja.

1 Samuel 15:11

“Saúl chachar reyit utt'ayatajjatsti walpun amtta, nayatsti jithektituwa, arsutanacajjsti janiraquiw phokquiti” sasa. Samuelosti uca ist'asajj wali mayjt'ataw kheparäna, ucat uca aruma pakariraquiw Tatituru mayïna.

1 Samuel 15:35

Samuelosti janipuniw mayampsa Saúl reyirojj uñjcjjänti, chuymapanjja wali llact'atäcchïnsa cunatï Tatitojj wali amtasitapa Saúl reyiru Israel marcan reyipat utt'ayatapata.