Jeremías 13:17 - Qullan Arunaka DC

¹⁷ Jumanakatix jan ist'asipkätaxa, jach'a jach'a tukupxatamat jamasan jachä; nayranakaxatsti jachanakaw warasinini, Tatitun tamapar katuntat apasxatap layku.

Aymar Bibliia 1986

¹⁷ Jumanacatejj jan ist'asipcätajja, jumanacan jach'a jach'a tucupjjatamatjja jamasan jacharaquï; nayranacajjatsti jachanacaw sararaquini, Tatitun tamaparu preso apasjjapjjatap laycu.

Qullan Arunaca

¹⁷ Jumanacatejj jan ist'asipcätajja, jumanacan jach'a jach'a tucupjjatamatjja jamasan jacharaquï; nayranacajjatsti jachanacaw sararaquini, Tatitun tamaparu preso apasjjapjjatap laycu.

Jeremías 13:17 Jak'a apnaqawi uñst'ayäwi

Salmos 119:136

Umjamaw jachax nayranakaxat warasi, yatichäwiman jan yäqatätap layku.

Salmos 80:1

1 (2) Israel markan awatiripa, ist'apxakitaya, ovej tamar uñtat Josean markapar irpiripa, jaysapxakitaya; querubines sat taypin qunuñaman qunt'asiri, ist'apxakitaya. Efrainan ayllunakaparux uñtanikimaya,

Isaías 63:11

Jupanakasti nayra pachanakat amtasipxi, khititix markapar qhispiyki uka Moisesat amtasipxi, jiskt'asipxarakïnwa: “¿Kawkinkarak Nilo jawirat Moisesar qhispiyki uka Diosasti? Uka Moisesax israelitanakan jilïripächixaya. ¿Kawkinkarak khititix Moisesar Qullan Ajayupa churki uka Diosasti?

Jeremías 14:17

Jupanakarusti sarakim: ‘Nayranakaxatxa, jachanakax uruy aruma jan t'akt'as warasitpan, markaxan aynacht'atap layku, jach'a chhuxrip layku.

Jeremías 15:17

Nayax khitinakatix aliq kusist'añak munapki, ukanakampi chikachasiñ janiw munkti; jumax nayar katuntasista ukat aksarusti, sapakiw sarnaqxta, q'apisiñamaw nayar phuqhantitu.

Jeremías 17:16

Tatay, ukampis janiw nayax aka markamar mutuyañam mayksmati; jan ukasti, nayax oveja awatirjamaw aka markarux imarakta.

Jeremías 22:5

Ukampisa, janitix aka arunakar ist'apkätaxa, aka reyi utax t'unjataw uñjasini. Naya, Tatituw uk arsta.’ ”

Jeremías 23:1

Tatitux siwa: “¡Ay kunakïkan awatirinakatxa, khitinakatix ovejanakax chhaqhayapxi, ananukupxaraki ukanakatakixa!”

Jeremías 23:2

Israelan Tatitu Diosapasti, kawkïr awatirinakatix markap apnaqapki ukanakarux siwa: “Jumanakax ovejanakaxar ananukupxtawa, chhuktayapxtawa, janiw sum awatipktati. Jichhax walikiwa, nayax taqi jan wali luräwinakamat walpun mutuyapxäma. Naya, Tatituw uk arsta.

Jeremías 9:1

1 (23) ¡Nayranakaxan jachapax mä uma jalsjamakïspa, walja jalir umanakjama, ukhamata markaxan jiwarat jaqinakata uruy aruma jachañaxataki!

Lamentaciones 1:16

Taqi ukanakasti nayaruw jachayitu. Nayraxasti jachampi phuqhantatawa, janiw nayar khiti chuymachiris utjkiti, nayar khiti ch'amañchiris utjkarakiti. Wawanakaxasti t'unjat pirqanak taypin qhiparapxi, uñisirinakaxax nanakat sipansa juk'amp ch'amaniwa.

Lamentaciones 1:2

Arumanakax jachkäwiw tukusiski; ajanupansti jachakiw jalaski. Munirinakapatsti janiw maynis jupar chuymachirix utjkiti. Taqi masinakapasti maysa uñtxapxi, uñisirinakapaw tukxaraki.

Lamentaciones 1:9

Isipasti q'ala q'añuchjatapuniwa; ukhamar puriñ janiw amuykänti. Aynacht'atapasti jan amuyt'kayapuniwa; janiw jichhax khiti chuymachiris utjkiti. ¡Tatay, nayan t'aqhisitax uñtanitaya, uñisirinakaxan jach'a jach'a tukutapsa uñtanimaya!

Lamentaciones 2:18

¡Suma Jerusalén marka, Tatitut yanap mayim! ¡Jawir umar uñtat uruy arumay jachanakam jalayam! ¡Jan samart'as jacham, nayranakamas janirak samarpati!

Lamentaciones 3:48

Nayranakaxatsti jachax jawir umjamaw jalaritu, nayan munat markaxa t'unjat uñjasaxa.

Ezequiel 24:16

“Ezequiel, warmimarux walpun munastaxa, ukampis mä akatjamat apaqäma. Ukhamasti janiw jachätati, janirakiw llakisïtasa.

Ezequiel 34:31

Jumanakax nayan ovejanakaxäpxtawa, nayan uywa awatisiñaxan manq'asir ovejanakaxäpxtawa. Nayaw jumanakan Diosamätxa. Naya, Tatituw uk arsta.”

Ezequiel 36:38

T'unjat markanakasti walja jaqinakanipuniw tukxani, kunjämatix ovejanakax wilañcha luqtañatak Jerusalén markar apatäki ukar uñtata. Ukapachaw yatipxani, nayan Tatitütaxa’ ” sasa.

Ezequiel 9:4

juparusti sarakïnwa: “Jerusalén marka muytam, ukatsti uka markan jan wali luräwinakap layku llakt'ata jikxatasir jaqinakan parapar mä chimpu uchäta” sasa.

Malaquías 2:2

Jumanakasti nayarux jaysañanakamawa, sutixsa taqi chuymampiw jach'añchapxañama. Janitix ukham lurapkäta ukaxa nayax ñanqhachapxämawa. Taqi chuymampi jan jach'añchapxatamatxa, jumanakatak aski waxt'äwinakaxsa, ñanqhachañaruw tukuyä, sacerdote kankañ katuqapkta ukanaksa apaqapxämawa” siwa, taqi ch'aman Tatituxa.

1 Samuel 15:11

—Saúl chachar reyit utt'ayataxat walpun amtasta, jupasti nayat jithiqtituwa, janirakiw arsutanakaxsa phuqkiti —sasa. Uk ist'asasti Samuelux wali mayjt'asïna, uka arum paqarirakiw Tatituru achikt'asïna.

1 Samuel 15:35

Samuelusti janipuniw mayampsa Saúl reyirux uñjkxänti, chuymapansti jupat wal llakt'asiskäna, ukhamarakiw Tatitux Saúl reyiru Israel markan reyipat utt'ayasax llakisïna.