Jeremías 10:9 - Qullan Arunaca

⁹ Uca c'ari diosanacapajj Tarsis marcat apanit kollkequiwa, uqhamaraqui Ufaz sisqui ucat apanit koriquiwa; jakenacan lurataquiraquiwa, morado isinacampi, wila isinacampi isthapitaquiraquiwa; jakenacan amparanacapampi lurataquiraquiwa.

Aymar Bibliia 1986

⁹ Uca c'ari diosanacapajj Tarsis marcat apanit kollkequiwa, uqhamaraqui Ufaz sisqui ucat apanit koriquiwa; jakenacan lurataquiraquiwa, morado isinacampi, wila isinacampi isthapitaquiraquiwa; jakenacan amparanacapampi lurataquiraquiwa.

Qullan Arunaka DC

⁹ Uka diosanakapax Tarsis markat apanit qullqimpi luratakiwa, Ufaz tuqit apanit qurimpi luratakiwa; ch'iyar wila sami isinakampi, chupika sami isinakampi isthapiyata, ukanakasti jaqinakan amparanakapampi luratakiwa.

Jeremías 10:9 Jak'a apnaqawi uñst'ayäwi

1 Reyes 10:22

Reyin barconacapajj Tarsis sat ucan utjcäna ucanacasti, quimsa maratjja may cutiquiw purinipjjäna, Hiram reyin barconacapampi chica apanipjjänwa kori, kollke, marfil, mononaca, uqhamarac pavos reales ucanacaraqui.

2 Crónicas 9:21

Reyin barconacapasti Tarsis marcaruw sarirïna Hiram chachan sirviri jakenacapampi, jupanacasti sapa quimsa marata may cutiwa purinipjjerïna kori, kollke, marfil, mononaca, pavo realanac apt'ata.

Salmos 115:4

Diosar jan uñt'irin diosanacapajj korimpita, kollkempit lurataquiwa, jaken amparapamp lurataquiraquiwa:

Salmos 72:10

Tarsis marcanquir reyinacasa, kota tokenquir reyinacasa, jupataquejj kollk apsupjjpan, Sabá orakenquiri, Seba orakenquir reyinacajj churäwinacap loktapjjpan.

Isaías 23:6

Sapjjaraquiniwa: “Tarsisar sarapjjam, kota iraman utjirinaca, jichhajj wararipjjam” sasa.

Isaías 40:19

Yakha diosanac luririnacajj diosanacapataquejj metalanac umatatayasaw lurapjje, mä joyero jakeraquiw ucarojj korimpi apaquipi, kollke cadenanacraqui lurarapi.

Ezequiel 27:12

Kamir cancañamasti sintipuniraquïnwa, ucatwa Tarsis marcas jumampejj alaquipa luraraquïnjja, uca aljasiñanacamatsti kollke, hierro, estaño, plomo ucanacwa churapjjaraquïyätamjja.

Ezequiel 27:7

Velomsti, Egiptot apanita suma linonacat bordata lurapjjaraqui, ucasti jumataquejj mä wiphaljamänwa; carpamasa wila morado telanacat lurataraquïnwa; Elisa sisqui ucsa kota iramanacata apanita telanaca.

Daniel (hebreo) 10:5

Acatjamat uñtta mä jake sayasquiri, linot lurat isinacampi isthapita, uqhamaraqui korit lurat mä cinturonampi muytata.

Oseas 8:6

Samarianquir uca vaca kallojj janiw Diosäquiti, jaken lurataquiwa, ucatwa jichhajj t'unjataraquïni.

Jonás 1:3

Jonás chachajj Tatitur ist'añ lantjja, nayrakatapat jayaru jaltañaruw uchasi, Jope puertoruw sari, ucansti mä barco jicjjati Tarsis toker mistusquiri; pasaje alasisinsti ucsar sarañataquiw sarjjatawayi.

Habacuc 2:19

“¡Ay cunänis jumatjja, mä lawat lurat c'ari diosaru sartam satamajja, mä amutu kalaru sayt'am satamajja! ¿Jupanacasti mä cuna arunacsa yatiyapjjaspati? Janiwa jupanac quipcan jacañajj utjquiti, kawkhasay korimpis kollkempis chhaktayatäscpan.