Jeremías 10:21 - Qullan Arunaca

²¹ —Aca marcan awatirinacajj pisi chuymäpjjewa; janiw Tatiturus thaktapcaraquiti. Ucatpï aynacht'asipquejja, take oveja tamanacapasti aywitatatäpjjewa.

Aymar Bibliia 1986

²¹ —Aca marcan awatirinacajj pisi chuymäpjjewa; janiw Tatiturus thaktapcaraquiti. Ucatpï aynacht'asipquejja, take oveja tamanacapasti aywitatatäpjjewa.

Qullan Arunaka DC

²¹ Aka markar irpirinakax pisi chuymäpxiwa; janiw Tatiturux thaqtapkiti. Ukatpï aynacht'apxixa, jichhasti, jiwasanakax ananukut oveja tamar uñtatätanwa.

Jeremías 10:21 Jak'a apnaqawi uñst'ayäwi

Jeremías 10:14

Take jakenacasa pisi chuymäpjjewa, jan amuyt'asirinaca. Uca diosanacapasti pachpa luririnacaparusa sallkjapjjaraquiwa. C'arintañatac diosanacaquiwa, janiraquiw jacañanïpquisa;

Jeremías 10:8

Take jupanacasti lokhe jakenacäpjjewa, janiw cuna amuyt'asiñanacapas utjquiti. ¡Mä jisc'a c'ullojj janiw jupanacarojj cunsa yatichcaspati!

Jeremías 12:10

Uñisirinacan jach'a jilïrinacapasti uva yapojj-jja t'unjapjjewa, orakenacajjsa taquisipjjaraquiwa. Nayan wali munata orakejjsti llaquiscañ wasararuraquiw tucuyapjje.

Jeremías 2:8

Sacerdotenacajj janiw thakhapquitänti, marcaru yatichañataqui uscuta jakenacasti, janiw nayarojj uñt'apquitänti, jilïrinacasti nayataquiw sayt'asipjjaraqui, profetanacasti Baal diosan sutipjjaruquiraquiw parlapjje, ucatsti ina ch'usa diosanacan khepap arcapjjaraqui.

Jeremías 22:30

Tatitojj siwa: “Aca jakerojj libronacamaru kellkantapjjam mä jan wawani jakëcaspas uqhama; jacañapanjja aynacht'caspas uqhama. Janipuniw jichhajj mayni wawapasa Davidan tronoparojj kont'ascaniti, Judá orakena wasitata apnakañataquejja” sasa.

Jeremías 49:32

¡Camellonacapsa, take uywanacapsa aparapjjaraquim! Take tokeruw jupanacjja anatataraquï, uca p'eke parapat ñic'uta murusir marcarojja; take toketwa jupanacataquejj jan walt'añanaca apaniraquï. Naya Tatituw ucjja arsta.

Jeremías 5:31

Cuntejj profetanacajj yatiyapjje ucajj c'ariwa; sacerdotenacasti munañanacaparuw apnakapjjaraqui, ¡marcajjasti uqhamwa munaraqui! Ucampisa ¿cunsa lurapjjäta tucuya urojj purincan ucqhajja?’ ”

Jeremías 50:17

“Israel marcasti mä chhakat ovej-jamänwa, leonanacana arcnakata. Asirianquir reyiwa nayrakatjja mank'anti, ucjjarusti Babilonianquir Nabucodonosor reyiraquiw ch'aqhanacapamppachsa t'unjaraqui.

Jeremías 8:9

Ucampisa uca yatiñaninacajj jisc'achjataw uñjasipjjani, sipitaru jalt'ir animalanacjamaraquiw qhathatipjjani, ¿Cawquincaraqui yatiñapasti niyaqui arunacapajj apanucupjjchi ucapachasti?

Ezequiel 34:12

Cunjämtejj mä awatirejj ovejanacapjj anthapisjjejja ovejanacapajj aywitatatäpjje ucapachajja, uqhamaraquiw nayajj anthapisjjäjja, ucatsti cunjämtejj jupanacajj mä urojj mä ch'amaca taypin maysaru saranucupcänjja ucanacatsti khespiyjjaraquïwa.

Zacarías 10:3

Ucatwa Tatitojj sejja: “Colerajjasti aktiwa awatirinac contra, marcajj irpirinacarusti mutuyaraquïwa” sasa. Take ch'amani Tatituw tamap uñjasquejja, Judá familiat jutirinacjja. Guerransti jupanacarojj ch'amani caballo tucuyanejja.

Zacarías 13:7

Take ch'amani Tatitojj arsuwa: “¡Sartasim espada, awatirejj contra, yanapirejj contraraqui! ¡Awatirirojj jiwayam, ovej tamasti aywitatapjjaniwa, nayasti orko ovejanac contraraquiw cuttaraquëjja!