Isaías 4:2 - Qullan Arunaca

² Uca urunsti, cawquïri machak alitejj Tatitun cülltayatäcani ucaw chekpachansa mä suma uñstäwïnejja, uqhamarac mä jach'añchäwïnisa, qhitinacatejj Israelan kheparapcani ucanacataquejja, cuntejj orakes achcaraquini ucaw chekpachansa mä jach'a jach'añchäwïnejja.

Aymar Bibliia 1986

² Uca urunsti, cawquïri machak alitejj Tatitun cülltayatäcani ucaw chekpachansa mä suma uñstäwïnejja, uqhamarac mä jach'añchäwïnisa, qhitinacatejj Israelan kheparapcani ucanacataquejja, cuntejj orakes achcaraquini ucaw chekpachansa mä jach'a jach'añchäwïnejja.

Qullan Arunaka DC

^2-3 Uka urux purinkani ukapachasti, jupanakax taqi kunan phuqt'ataw suman jakasxapxani. Markaxasti wali jach'ar tukt'asaw jakxani, kuna achunaktix uraqipax churkani taqi ukanakata. Khitinakatix Jerusalén markan qhiparapkani ukanakarusti, janiw taqinir mutuykäti, pachpa markan jakapxañapatakiw wakichä, ukatsti “Tatitun ajllit markapa” sas sutichatäpxaniwa.

Isaías 4:2 Jak'a apnaqawi uñst'ayäwi

Salmos 67:6

Orakejj achunacap churi, Tatit Diosasaw asquinac churistu.

Salmos 72:16

Trigojj yapunacan jilarquir utjpan, kollu patanacansti jilantaracpan; Líbano orakenjam granojj achuntpan, pampa alinacjam puyanacajj pokorpan.

Éxodo 28:2

Aarón jilamataquejja suma isinaca lurayaraquim, uqhamata suma isthapita jiwaquïñapataqui.

Isaías 11:4

Aynacht'atanacarusti cheka luräwimpiw uñjani, marcan utjiri pobrenacan arsusitanacapsti arjjataraquiniwa. Arunacapasti mä varar uñtataraquïniwa khoru jakenacar mutuyañataqui. Ñankha jakerusti samanapampi phust'asaquiw jiwayaraquini.

Isaías 26:1

Uca urunsti Judá orakenjja aca k'ochuw k'ochusini: “Mä jach'a ch'amani marcaw utjistu; jiwasar khespiyañataqui, Tatituw uca jach'a perkanacapsa sartayi muyuntayaraqui.

Isaías 27:6

Acat kheparojj Jacobon marcapajj sumaw saphintjjani, Israelas ch'ichtanjjaraquiniwa pankararaquiniwa, aca orakerusti achunacapajj phokhantaraquiniwa.

Isaías 30:23

Tatituw jallu apayanïtam yapuchasitamar purjjatañataqui, ucatsti orakejj walja jilarquiri trigo achuraquini. Uca urunjja uywanacamataquejj mank'ajj walipunïniwa.

Isaías 45:8

“Nayaw atipjañjja alajjpachatpacha apayanï, alajjpach sullar uñtata, jallur uñtata, aca orakesti uca apayanitajj-jja catokaraquiniwa; khespiyasiñasti mä achur uñtataw achuni, jac'apansti cheka cancañajj mä pankarar uñtataraquiw pankarani”

Isaías 53:2

Tatituw muni jupan sirviripajj mä machak alir uñtata jilañapa, waña orakeruraqui saphinacapjja saphintañapa. Janiw jupajj sumäcänti, janiraquiw c'ajcänsa, uñnakapasti janiw munañjamäcänti,

Isaías 60:15

Janiw mayampis apanucutäpcätati, uñisita, sapaquiraqui, jan ucasti nayaw jumarojj wiñayataqui c'ajquir tucuyäma, wiñayataqui cusiscañaraqui.

Isaías 60:21

“Marcamanquiri take jakenacasti suma jakenacäniwa, orakepatsti wiñayataquiw jupanacancjjani; cawquïri altï nayajj ayrcäyätjja ucat sartirïpjjtawa, amparajjampi uscutäpjjtawa, nayan jach'a cancañajj uñacht'ayañataqui.

Isaías 61:11

Cunjämatejj oraketjja alinacajj sartanejja, mä pankar yapun ayrunacajj ch'ichtanejja, uqhamracwa Tatitojj atipjañapjja sartayani, take marcanacasti yupaychaña k'ochunac k'ochupjjani.”

Jeremías 23:5

Tatitojj siwa: “Mä uruw purinini cunürutejj Davidajj wawanïcani uca urojja, mä reyi, wali amuyt'ampi apnakañapataqui. Aca marcansti chekaparu, asquiruraqui uñjañapataqui.

Jeremías 33:15

Uca uru purincani ucapachasti Davidataquejj mä jupan wawapwa utjayaraquëjja, juparaquiw aca marcanjja asquimpi chekapampi utjayani;

Jeremías 44:14

Uca mä kawkhani Egiptoru sarjjer jakenacatjja janiw maynis jilt'caniti. Judá orakeru cuttaniñjja munasipcaniwa, ucampis janiw cuttanipcaniti inas mä kawkha imantat jakenaca cuttanipjjchispa’ ” sasa.

Jeremías 44:28

Mä kawkha jact'at jakenacaquiw guerran jiwañat jaltjjasin Egiptot Judá orakeru cuttapjjani. Uqhamatwa, qhitinacatejj Judá oraket jutasin aca Egipto marcan utjasipqui ucanacajj yatipjjani, qhitin arsutapas phokhasejja, nayan arsutajjati jan ucajj jupanacan arsutanacapacha ucanacjja.

Ezequiel 34:29

Jupanacarusti mä suma yapuchat orakenacwa catuyaraquëjja, janipuniw mayampsa mank'atjja t'akhescjjapjjaniti, janiraquiw yakha marcanacas jupanacatjja juc'ampi laruscjjapjjaniti.

Ezequiel 36:8

Ucampisa, jumanacajj, Israelanquir kollunaca, jumanacajj walja achunacani jach'a kokanacaniw uñjasipjjaraquïta Israel marcajjataquejja, jupasti niyaw cuttaniñampïsqui.

Ezequiel 7:16

Yakhepanacajj, palomanacar uñtatas kollu tokenacaru jaltapcchini ucasa, takeniw juchanacap laycu jiwarapjjani.

Joel 2:32

Ucampis take qhitinacatï Tatitun sutipar art'ascani ucanacajja, jiwañatjja khespipjjaniwa, Sión kollunwa, uqhamaraqui Jerusalenanwa khespiyasiñajj utjani, cunjämtejj Tatitojj arscatayna uqhama. ‘Cawquïrinacarutejj jupajj ajllcatayna ucanacajj jacasipcaniwa’ ”

Joel 3:18

Uca urusti vinosa, lechesa umjamaw jach'a kollunacansa, jisc'a kollunacansa jalani, Judá jawiranacansti waliw umajj jalaraquini. Templojjatsti mä uma jalsuw misturaquini, uca umasti Sitim vallracwa karparaquini.

Abdías 1:17

Ucampis Sión kollojj mä kollana chekawjapunïniwa, ucanwa yakhepanacajj khespiyasipjjaraquini. Jacobon wawanacapasti orakenacapjja wasitatwa aptasjjapjjani.

Zacarías 3:8

Sum ist'ita, Josué, jumajj jilïri sacerdotëtawa, ist'apjjaracpan jumampïqui uca tantachäwisa, uqhamasti jumanacajj Diosan marcapäpjjtawa mayninacan yatekapjjañapataqui: Nayajj qhitanïwa servirejja, jupajj ‘Machak Cülli’ satawa.

Zacarías 6:12

Saraquïtawa: ‘Take ch'amani Tatitojja arsuwa Machak Cülli sutini chachatjja, ucasti quipca saphinacapat alsusina Tatitun templopa sayt'ayanejja.

Zacarías 9:17

¡Sumapunïniwa, uca marcasti cunj sumaquïcani! Trigopas, vinopas walja utjatap laycu, yokallanacasas, imillanacasasa sumapuniw jilarapjjanejja.

Malaquías 3:17

“Take jupanacasti nayataquejj mä suma imat korjamäniwa cunürutï nayajj uñstcä uca urojja, jupanacatsti qhuyapayasiraquïwa cunjämtejj mä awquejj jupar sirviri wawapatjja qhuyapayasejja uqhama.

Mateo 24:22

Diosatejj uca urunacjja jan jisc'aptaycaspa ucajja, janiw qhitis khespiyascaspati, ucampis Tatitojj jisc'aptayaniwa jupan ajllitanacapar munatap laycu.

Lucas 21:36

Jumanacajj janc'aquïpjjamaya, uqhamarac orapjjam, take horasana uqhamat take acanac pascani ucat jaltapjjañamataqui, uqhamarac Jaken Yokap nayrakatan uñstapjjañamataquisa.”

Juan 1:14

Qhä Arusti janchiruw tucu, jiwasanac taypinwa jacaraquïna. Jiwasanacajj uñjtanwa jach'a cancañapa, uca jach'a cancañasti alajjpach Awquin mä sap Yokapan jach'a cancañapänwa, munasiñampi asquimpi phokhantataraqui.

2 Corintios 4:6

Diosajj khanapjja ch'amacan khantaycäna, uca pachpa Diosaraquiw khanapjja chuymanacasan khanayi. Uca khanampisti Diosan c'ajquir cancañapajj Jesucriston ajanupan khanquis uc uñt'apjjañasataquiwa.

2 Pedro 1:16

Cuna yatichäwinactejj jumanacar Jesucristo Tatitusan ch'amapjjata, uqhamarac jutäwipjjat yatichapcsma ucanacajj janiw jakenacan alek säwi arunacäcänti, jan ucasti nanacaw nayranacajjamp Tatitun khapak cancañapjja uñjapjjta.