Isaías 4:1 - Qullan Arunaca

¹ Uca urunsti sinti juc'a chachanacaquiw utj-jjani, pakallko warminacaraquiw mä chachatsa waycasipjjani, sapjjaraquiniwa: “Nanacasti janiw juman uywatäñjja munapcäti, nanacpachaw kollkenacajjampi ist'asisipcä, ucampis sutimac apañ munapjjta, jan p'enkachatäñataqui” sasa.

Aymar Bibliia 1986

¹ Uca urunsti sinti juc'a chachanacaquiw utj-jjani, pakallko warminacaraquiw mä chachatsa waycasipjjani, sapjjaraquiniwa: “Nanacasti janiw juman uywatäñjja munapcäti, nanacpachaw kollkenacajjampi ist'asisipcä, ucampis sutimac apañ munapjjta, jan p'enkachatäñataqui” sasa.

Qullan Arunaka DC

¹ Uka urunsti mä juk'a chachanakakiw qhiparxani, mä chachatsa paqallqu warminakaw waykasipxani, warminakasti uka chachanakarux sapxaniwa: “Nanakasti janiw juman uywatäñ munapkäti, nanakpachaw qullqinakaxampi isinak alasisax isisisipkä, jan p'inqachatäñatakikiwa, jumampi jaqichasiñ munapxta” sasa.

Isaías 4:1 Jak'a apnaqawi uñst'ayäwi

Génesis 30:23

Cunapachatejj jilïri wawapajj nazcän ucqhajj Raquelajj sänwa: “Diosaw jan wawanïtajjatjja p'enkajj apakjjetu,

2 Samuel 6:23

Mical warmisti take jacañapanjja janiw mä sapa wawanïcänsa.

Isaías 10:20

Uca urunacanjja mä juc'ani Israelat jilt'irinacajja, qhitinacatejj Jacobon marcapat khespipcatayna ucanacajj janiw juc'ampi qhitinacatejj jupanacaru t'unjcatayna ucanacarojj jakcattapcaniti. Jan ucasti take ch'amampiw Israelan Kollan Diosaparojj jakcattapjjani.

Isaías 13:12

Jakenacasti k'alaw tucusini, Ofiranquir suma korit sipansa juc'aniquïpjjaniwa.

Isaías 17:7

Uca urunjja jakejj jupar uscuri Tatituruquiw uñtjjani, Israelan Kollan Diosaparu.

Isaías 2:11

Jach'a jach'a tucur jakenacasti alt'atäpjjaniwa, jach'a ch'aman tucur jakenacasti alt'ayataw uñjasipjjani. Uca urusti Tatituquiraquiw jach'a cancañap uñacht'ayani.

Isaías 2:17

Jach'a jach'a tucur jakenacajja, k'ala alt'ayatäpjjapuniniwa. Uca urusti Tatituquiraquiw jach'a cancañap uñacht'ayani,

Isaías 3:6

Uca laycu mä jilajj awquin utapan mayni jilaparojj sani: “Jumanjja ist'asiñataqui isimas utjasquiwa, jichhajj nanacan jilïrejjay tucum, uqhamaraqui aca t'unjat marcsa apnakaraquim” sasa.

Isaías 54:4

Jan ajjsaramti, janiw mä p'enka uñjascätati, janiw cuna jan wali arunacsa sapcätamti, janiraquiw cunatsa p'enkascätati. Tawako cancañaman p'enkachatäcäyät ucjja armasjjätawa, janiraquiw mayampsa ijma cancañam jisc'achapcäyätam ucsa amtascjjätati.

Jeremías 15:8

Jupanac taypinsti ijma warminacjja, kotalac ch'allanacat sipansa juc'ampi jila jaytaractjja. Chica urpachaw jiwañsa puriyaniractjja, jach'a wawanacani warminacjjarusa, acatjamatwa jupanacjjarojj llaquisiñampi ajjsarañampi puriyaniracta.

Lucas 1:25

“Jakenacan jan juc'amp nayar jisc'achañapataquiw Tatitojj acjja luri nayampejj” sasa.

Lucas 21:22

Uca urunacasti mutuyäwi urunacäniwa, ucan take cunatejj Kellkatanacanjj sisqui ucanacajj phokhasini.

2 Tesalonicenses 3:12

Uca casta jakenacarojj Tatit Jesucristosan sutipjjaruw ewjjt'apjjta: “Llamp'u chuymampi jacañataquejj irnakapjjpan” sasa.

1 Samuel 1:6

Ucatwa Peninajj, Anan uñisiripänjja, tokeraquïnwa uqhamarac jupat larusisa, jisc'achasa, Tatitojj jan jupar wawa apayatap laycu.