Isaías 10:3 - Qullan Arunaca

³ ¿Cunac lurapcät jumanacajj cunapachatejj cuenta churapcät ucqhajja, camachapcaquïta cunapachatejj mutuyäwejj jayat jutcani ucapachajja? ¿Qhitirus sarapjjäta yanap mayirejja? ¿Cawqharus take kamir cancañamjja jaytanipjjäta?

Aymar Bibliia 1986

³ ¿Cunac lurapcät jumanacajj cunapachatejj cuenta churapcät ucqhajja, camachapcaquïta cunapachatejj mutuyäwejj jayat jutcani ucapachajja? ¿Qhitirus sarapjjäta yanap mayirejja? ¿Cawqharus take kamir cancañamjja jaytanipjjäta?

Qullan Arunaka DC

³ Tatitux luratanakamat wayt'apkätam ukapachax kunak lurapkäta. Tatitux mutuyäwi apayanipkätam ukapachax kamachapkakïta. ¿Khitirus yanapt'a mayipxäta? ¿Kawkharus qamir yänakam imantapxäta?

Isaías 10:3 Jak'a apnaqawi uñst'ayäwi

Génesis 31:1

Ucampisa Jacobojj yatiraquïnwa Labanan wawanacapajj aqham sasa parlasipcatapa: “Jacobojj take cunatejj awquisancqui ucanacwa catuntasi, ucampiw kamiriptaraqui” sasa.

2 Reyes 7:15

Jupanacasti Jordanaru puriñcamawa sirionacana saratanacapa arctapjjäna, ucansti jupanacajj uñjapjjänwa uca thacpachana sirionacajja mäqui jaltjjañataquejj isinacapa, yänaka willtawayapjjatapa. Ucatsti reyin qhitatanacajj cutt'anjjasinjja, reyirojj yatiyapjjänwa cuntejj uñjanipcäna ucanaca.

Job 31:14

¿Cunjämampitcha nayajj Diosan nayrakatapar uñstiristjja? ¿Cunapachatejj jupajj nayaru luratajjat wayt'itaspa ucapachasti cun sasas arsusiristjja?

Proverbios 11:4

Taripäwi urun kamir cancañajj maynirojj janiw yanapcaniti, ucampis cheka cancañajja jiwañatwa khespiyani.

Isaías 13:6

Wararipjjam, Tatitun urupajj jac'anquiwa, take ch'amani Tatitun lekt'asinitapawa purini.

Isaías 17:4

“Uca urunjja Jacobon jach'achasiñap Samaria marcajj jan ch'amaniw uñjasini, kamir cancañapas chhaktjjaraquiniwa.

Isaías 20:6

Uca urunacansti take uca kota iraman jaquirinacajj sapjjaraquiniwa: ‘Uñtapjjam, cunarac jichhasti tucu cawquïri marcarutejj jiwasajj alcatascayätan Asirianquir reyit arjjatañapataquejja. ¿Cunjämrac jichhasti khespiñänisti?’ ” sasa.

Isaías 26:14

Jupanacajj jiwaratäjjapjjewa, janiw jactancjjapjjaniti; mä ch'iwiquëjjapjjewa, janiw jichhajj mayampsa sartancjjapjjaniti; jumaw jupanacarojj mutuytajja, tucjaractasa, jan mayampi amtascañataquiraquiw jupanacarojj tucjtajja.

Isaías 26:21

Tatitusti palaciopatwa mistunini, aca oraken jaquir jakenacar juchanacapat mutuyañataqui, orakesti janiraquiw juc'ampi jaken jiwayatanacarojj imantcjjaniti, jan ucasti take jan wali luratanacjja khanaruw apsuni.

Isaías 28:20

Mä jisc'a iquiñar iquintañjamäniwa, mä jisc'a janjjatampi janjjatasiñjamaraqui.

Isaías 30:16

jan ucasti sapjjtawa: “Janicuch sarcañäniti jan ucasti caballjjat jaltjjañäni” sasa. Waliquiwa, uqham jaltjjapjjañamay waquischi. Sapjjaractawa: “Wali jaltir carronacat sarjjapjjañäni” sasa. Waliquiwa, jumanacar arcnakerejj juc'ampi jaltirïniwa.

Isaías 30:5

takeniw sallkjat uñjasipjjäta uca jan cunatac inamay marcampi, janiraquiw jumanacataquejj uca marcanacajj cuna alekäquisa, jan ucasti chuyma mayjt'ayasiña jan walt'añampicwa apanejja.”

Isaías 30:7

jan ch'amani, jan cunatac yanapt'irjamaraqui. Ucatpï aca sutimpi uchtjja: “Jan cun luriri wararir jach'a ajjsarcañ animala” sasa.

Isaías 33:14

Sionanjja juchararanacajj qhathatipjjewa, nankha juchani jakenacasti ajjsarañampi phokhantatäjjewa, sapjjaraquiwa: “¿Qhitirac jiwasatsti jacaspa, tucjiri ninansti, wiñayatac naqhir ninansti?” sasa.

Isaías 39:3

Ucatwa Isaías profetajj Ezequías reyin ucaru saräna, ucatsti jisct'araquïnwa: —¿Cawquitsa uca jakenacajj jutapjjatayna, camsapjjaractamsa? —sasa. Ezequiasasti saraquïnwa: —Jaya marcatwa jutapjje, Babiloniatpacha jutapjje —sasa.

Isaías 5:14

Jiwañasti mä ajjsarcañ animalar uñtataraquiw lacapjja ansatati marcpacharu, jilïrinacapampiru mank'antañataqui, cusist'añanacana, thokt'añanacana sarnakasquirinacarusa.

Isaías 5:26

Tatitusti mä wiphalwa apti, jayanquir marcarusti qhuyt'asaraquiw jawsi; wali jaya oraketpachwa jutayaraqui. Ucspacharaquiw juti, mäquiw puriniraqui;

Jeremías 22:7

Jumataquisti wali armantata jakenac qhitanï, jumaru t'unjañapataqui. Cedrot lurata suma pilaranacamsa qhuchhunucupjjaniwa, ninaruw liwintapjjaraquini.

Jeremías 4:30

Jumasti tucjata marca, ¿Cunataquis suma púrpura sat isimpi isthapista? ¿Cunataquis uca kori yänacamp uscusta? ¿Cunataquis nayranacamsa ch'iyara pintasta? Uqham c'achachasitamajj janiw cunataquis asquïquiti, munirinacamas jichhajj apanucupjjtamwa, jiwañamaraqui thakhapjjejja.

Jeremías 5:31

Cuntejj profetanacajj yatiyapjje ucajj c'ariwa; sacerdotenacasti munañanacaparuw apnakapjjaraqui, ¡marcajjasti uqhamwa munaraqui! Ucampisa ¿cunsa lurapjjäta tucuya urojj purincan ucqhajja?’ ”

Jeremías 9:9

Uca luratanacapatsti ¿janit mutuycästi? ¿Uqhama jakenacarusti janit juchap uñt'asiycästi? Naya Tatituw ucjja arsta.

Oseas 5:13

“Cunapachatejj Efrainajj usutätap amuyasjjani ucqhajja, uqhamarac Judästi chhojjrinacapa uñjjatasjjaraquini ucqhajja, Efrainajj Asiriaruw sarani ucanquir jach'a reyit yanapa mayiñataqui, ucampis jupajj janiw c'umaraptayancaniti, janiraquiw chhojjrinacapsa kolljjatancaniti.

Oseas 9:5

¿Cuns jumanacajj lurapjjäta jach'a fiesta urunjja, Tatitun jach'a fiesta urupanjja?

Oseas 9:7

¡Mutuyäwi urunacajj purinjjewa! ¡Luratanacamat pago catokañ urojj purinjjaraquiwa! Israelajj ucanacan puritapjja yatiraquiniwa. Jumanacasti sapjjtawa: “Profetajj pisi amuyt'an jakewa, amuyt'ayata jakesti lokheraquiwa” sasa. Ucsti sapjjtawa, ñankha lurañanacampi phokhantatäpjjatam laycu, uqhamarac uñisisiñanacamas jach'ätap laycu.

Amós 5:19

Cunjämatejj mä jakejj leonan nayrakatapat jaltcasajj mä osompi jalthapejja, uqhamäniwa, jan ucajj, maynejj utaparu mantasina perkaru catt'asi, ucatsti juparojj mayac catarejj achji, uqhamäniwa.

Miqueas 7:4

Jupanacat walïqui ucasti mä ch'aphir uñtatawa; wali cheka lurirïqui ucasti yakha ch'aphir uñtataraquiwa. Ucampis jutasquiwa jacthapitanac mayiñ urojja, cuntejj uñjirejj yatiycäyätam uca urojja. Ucapachawa jupanac taypinjja mayjt'asiñajj utjani.

Sofonías 1:18

“Tatitun colerasïwi urupanjja, janiw jakerojj khespiycaniti, kollkepasa, koripasa, Diosan ninar uñtat colerasïwipaw takpach marcaru naqhantani uca laycu. ¡Take acapachan jaquir jakenacaraquiwa jan mayani, janc'ac tucjatäni!”

Lucas 19:44

Pamparuw tucuyapjjätam. Jakenacamarusti jiwarayapjjaraquiniwa, uqhamaraquiw jupanacajj ni mä kalsa yakha kaljjar uchat jaytapcaniti, Diosajj jumar uñjir jutctam ucqhajj jan catokatam laycu —sasa.

Deuteronomio 28:49

Diosasti aca oraken jaya nacionatwa juma contra sartayani, cunjämas mä pacalejj janc'aqui jaltanejj uqhama, cawquïri marcan parlasïwiptejj jan yatcta;

1 Pedro 2:12

Diosar jan uñt'ir jakenac taypinsti sum sarnakapjjam. Jupanacajj jichhajj jan wali jakenacatjamsa jumanac toke parlapcchi ucasa, jumanacan asqui luratanacam uñjasasti, Diosaruw yupaychapjjaraquini cunürutejj jupajj luräwinacat wayt'ir jutcani ucürojja.