Isaías 10:2 - Qullan Arunaca

² uca leyinacasti pisi ch'ama jakenacarojj janiw asqui lurquiti, marcajjan utjiri pobre jakenacan arsutanacapsa janiw yäkapcaractati, ijma warminacarojj inaquiw ch'amapa apsupjjtajja, wajchanacatsti lunthatapjjaractawa!

Aymar Bibliia 1986

² uca leyinacasti pisi ch'ama jakenacarojj janiw asqui lurquiti, marcajjan utjiri pobre jakenacan arsutanacapsa janiw yäkapcaractati, ijma warminacarojj inaquiw ch'amapa apsupjjtajja, wajchanacatsti lunthatapjjaractawa!

Qullan Arunaka DC

² pisi ch'aman jaqinakarux janiw askirjam uñjapktati, markaxan utjir juk'a yäninakan arsutanakapsa janiw yäqapktati, ijma warminakarux inakiw ch'am apsupxta, wajchanakatsti lunthatjapxaraktawa!

Isaías 10:2 Jak'a apnaqawi uñst'ayäwi

Job 31:16

“Pobrenacarusti pist'ayasiñapanjja yanapt'apunïyätwa, janiraquiw ijma warminacan pist'ayasiñan sarnakañapsa muncäyätti.

Salmos 94:6

ijma warminacaruw jiwayapjje, korpacht'ayasir jakenacaruw jiwayapjje, wajchanacaruw jiwayapjje,

Éxodo 23:6

“Pobre jaken ch'ajjwañapansti janiw chekaparu arsusitanacapjja jan waliru k'ewïtati.

Proverbios 22:22

Pobretjja jan aparamti pobrëtap laycu, janirac juezanacan nayrakatapansa t'akhesiyamti,

Proverbios 30:14

Yakhep jakenacajj khorüpjjewa, lacanacapasti espada uqhamarac cuchillor uñtatawa, marcanquir pobre jakenacar tucjañataqui.

Isaías 1:17

¡Asqui lurañanac yatekapjjam, cunatejj chekapäqui uca lurañanacaruraqui ch'amachasipjjam, t'akhisiyatanacarusti arjjatapjjam, wajchanacarusti chekapar uñjapjjam, ijma warminacatsti arjjatasipjjaraquim!”

Isaías 1:23

Jilïri apnakerinacamasti nayataqui sayt'asirinacawa, lunthatanacampis sumancapjjaraquiwa. Takenis kollke chilltayasircamaquïpjjewa, wajjt'äwinac catokañac munasipcaraqui. Wajcharojj janiw chekapar uñjapquiti, janiraquiw ijma warminacarus chekaparu uñjapquiti.

Isaías 29:21

jake jiwayat c'arintirinacasti juezanacarojj sipitanac uchapjje, jan juchanirusti c'arimpiw juchañchapjjaraqui.

Isaías 3:14

Tatitusti taripäwiruw jawsaraquini, ucatsti saraquiniwa chuymaninacaru, marcan jilïrinacaparusa: “Jumanacaw uva yapojj-jja k'al tucjapjjtajja, pobrenacatsa lunthatapjjaractawa, lunthatatanacamsti utanacamaruw imasipjjaractajja.

Isaías 3:15

¿Cuna munañampis marcajjaru t'akhesiyapjjtajja, pobrenacan ajanupsa taquisipjjtajja?” Uqham siw take ch'amani Tatitojja.

Isaías 32:6

Mä jan wali jakejj jan wali jakenacjamaw parli, chuymapansti jan wali amtäwinacac amtasqui, jake jiwayañac munasipqui, c'ari arunacwa Tatitutaquejj parlapjje. Mank'at awtjat jakerojj jan cunanwa qhitanucupjje, umat pharjatarus janiraquiw ums wajjt'quiti.

Isaías 5:23

Jumanacasti juchan jakerojj kollke laycojj jan juchan mistuyapjjtajja, jan juchanïqui ucanacarusti juchañchapjjaractawa.

Isaías 5:7

Take ch'amani Tatitun uva yapupajja, suma munat yapupajja, Israel marcawa, Judá marcawa. Tatitusti jupanacatjja munaraquïnwa leyipajj ajjsaratäñapa, ucampisa jake jiwayañanacacwa jicjjatejja; cheka luräwinacwa suyaraquïnjja, ucampisa t'akhesiñat warariñanacacwa jicjjataraquejja.

Isaías 59:15

Cheka chuymanïñajj chhaktawayjjewa, qhititejj ñankhat jithiktqui ucarusti yänacapjja lunthatapjjaraquiwa. Tatitusti mayjt'asiwayaraquiwa jan cheka cancaña utjatap laycojja.

Jeremías 7:6

janiraqui yakha marcat jutirinacarus sinti irnakayapjjätati, ni wajchanacarusa, ni ijmanacarusa, ni jan juchani jakenacarusa aca chekanjja jiwayapjjätati, ni yakha diosanacarusa yupaychapjjaraquïtati, ucanacampisti jumanacpachaquiw aynacht'apjjasmajja.

Lamentaciones 3:35

Tatitun nayrakatapana jaken jacañapa t'unañasa,

Ezequiel 22:7

Jakenacamasti janiwa awquinacaparusa, taycanacaparusa suma uñjapcaraquiti, yakha marcat jutiri jakenacarusa ñankhachapjjaraquiwa, wajchanacarusa, ijma warminacarusa inaquiw irnakayapjje.

Amós 2:6

Aqham siw Tatitojja: “Israel marcanquir jakenacajj walja ñankhanacpuni lurapjje, ucasti janiw jan mutuyatäpcaspati; jan cuna juchanirusti kollkeruw aljapjje, pobrerusti mä paris wisqhururaqui.

Amós 2:7

Pobrenacarusti wali t'akhesiyasaw jisc'aru tucuyapjje, janiraquiw chekapar uñjapquiti llamp'u jakenacarojja. Awquis, yokas pachpa warmimpiraquiw iquintasipjje, uqhamatwa nayan kollan sutejja taquichasipjje.

Amós 5:19

Cunjämatejj mä jakejj leonan nayrakatapat jaltcasajj mä osompi jalthapejja, uqhamäniwa, jan ucajj, maynejj utaparu mantasina perkaru catt'asi, ucatsti juparojj mayac catarejj achji, uqhamäniwa.

Miqueas 3:1

“Ist'apjjam jichhajj Israel marcan gobernantenacapa, uqhamarac jilïrinacapa, jumanacajjaya cuntejj chekäqui, asquïcaraqui ucjja yatipjjañamächejja.

Malaquías 3:5

Take ch'aman Diosasti siwa: “Nayaw jumanacaru juchañchiri jutä. Uca quipcaraquiw nayajj testigot sayt'ä qhitinacatejj laykasipqui, yakha warminacampi sarnakapqui, c'ari juramento lurapqui, irnakerinacarusa jan pagapquiti, ijmarus wajcharus jachayapqui, yakha marcat jutir jakenacarus jan wal uñjapqui, uqhamaraqui jan ajjsarapquituti take ucanacjjarojja.”

Mateo 23:13

“¡Ay, camachapcaquïta jumanacajj ley yatichirinaca, fariseonaca, c'ari chuymaninaca! Jumanacasti alajjpacha puncjja jist'antapjjtawa yakhanacan jan mantapjjañapataqui; ni jumanacas mantapcaractati ni yakhanacarus mantayapcaractati.