Isaías 1:4 - Qullan Arunaca

⁴ “¡Ay, jucharar jakenaca, ñankha k'ept'at marca, ñankhanac lurir jakenacat sarakerinaca, jan ist'asiri ñankha wawanaca! Tatitutjja jayarst'atäpjjewa, Israelan Kollan Diosaparojj apanucuwayapjjewa, kheparuw cuttjjapjjaraqui.

Aymar Bibliia 1986

⁴ “¡Ay, jucharar jakenaca, ñankha k'ept'at marca, ñankhanac lurir jakenacat sarakerinaca, jan ist'asiri ñankha wawanaca! Tatitutjja jayarst'atäpjjewa, Israelan Kollan Diosaparojj apanucuwayapjjewa, kheparuw cuttjjapjjaraqui.

Qullan Arunaka DC

⁴ ¡Ay, jucharar jaqinaka, ñanqhampi phuqhantat marka, ñanqhanak lurir jaqinakat saraqirinaka, jan ist'asiri ñanqha wawanaka! Tatitut jayarst'atäpxtawa, Israelan Qullan Diosaparux apanukuwayapxtawa, qhiparuw kutt'awayxapxta.

Isaías 1:4 Jak'a apnaqawi uñst'ayäwi

Génesis 13:13

cawqhantejj jakenacajj jan walïpjjäna, uqhamarac Tatitu contras sinti jach'a juchanaca lurapjjaraquïna.

2 Reyes 21:22

Uqhamawa jupajj Tatitur apanucüna nayra awquinacapana Diosaparu, ucatsti janiw jupan munañaparjama lurcänti.

2 Crónicas 12:1

Cunapachatï Roboaman reinopajj suma ch'aman sartäna ucqhajja, jupajj ch'amaniw amuyasïna, ucatsti Tatitun leyinacapa phokhañjja apanucjjänwa, uqhamarac take Israel jakenacas uca pachparaqui lurapjjäna.

2 Crónicas 27:2

Jotam reyin luratanacapasti chekapänwa Tatitun nayrakatapana, cunjämatï Uzías awquipana chekapäcäna uqhamaraqui. Ucampis jupajj janiw mantcänti Tatitun temploparu. Ucatsti marcajj jan wali luräwinacapampejja chicaquïscänwa.

Nehemías 1:7

Juma nayrakatanjja sinti jan wali tokeruwa saranucupjjta; janiraquiw camachi arunacamarusa phokhapcaractti, leyinacamarusa, cawquïri Moisés sirvirim toke churapquista ucanacarusa.

Salmos 58:3

Ñankha luririnacajj taycan puracapatpach aynacht'apjje; c'arinacasti janïr yurcasaw pantjasipjje,

Salmos 71:22

Nayasti yuspagar churäma, arsutam phokherïtamatsti, jumataquiw arpa jachsuyä; Diosajjay, Israel marcan Kollanapa.

Salmos 78:40

¡Walja cutiw Diosarojj jan jaysapcänti, wasarancasaw chuym usuyapjjäna!

Salmos 78:41

Wasitatsa, yant'asipcaquïnwa; Israelan Kollanaparuw llaquisiyapjjäna.

Salmos 78:57

awquinacapjamaw Diosarojj apanucupjjäna, mays uñtapjjaraquïna; p'aquisir arcor uñtataw c'umthapipjjäna;

Salmos 78:8

nayra pachan jaquir awquinacapjam jan sarnakapjjañapataqui, kallasir t'ajjmar jan jakëpjjañapataqui, pächasir chuyman jan jakëpjjañapataqui, Diosat saraktir jan jakëpjjañapataquiraqui.

Salmos 89:18

Jiwasanacan arjjatirisajj Tatituwa, Reyisasti Israel marcan Kollanapawa.

Éxodo 32:7

Ucatsti Tatitojj Moisesarojj sänwa: —Sarakawayam ucatsti uñjanim, Egiptota irpsuncta uca jakenacamajj jan walt'añaruw puripjje.

Isaías 1:23

Jilïri apnakerinacamasti nayataqui sayt'asirinacawa, lunthatanacampis sumancapjjaraquiwa. Takenis kollke chilltayasircamaquïpjjewa, wajjt'äwinac catokañac munasipcaraqui. Wajcharojj janiw chekapar uñjapquiti, janiraquiw ijma warminacarus chekaparu uñjapquiti.

Isaías 1:28

Ucampisa nayataqui sayt'asirinacampiru, juchararanacampirusti acch'a acch'a tucjä, nayar apanucurinacasti jiwarapjjaniwa.

Isaías 10:6

Jichhajj mä ñankha marcar nuwjam sistwa, nayar ñankha lurir marcaru, uqhamat k'al lunthatjañapataqui, uqhamaraqui kamir cancañapsa apakañapataqui, taquisiñapataqui callenquir ñek'er uñtata.

Isaías 12:6

Sionan utjasiranaca, cusisiñat arnakasipjjam, Israelan Kollan Diosapajj jumanac taypincatapata, take acapachan jach'a ch'amapampi.”

Isaías 14:20

Janiw jichhajj mayni reyinacarjam imapcätamti, marcamar tucjatam laycu, uqhamaraqui marcaman utjir jakenacaru jiwarayatam laycu. Ñankha lurir jaken wawanacapasti janiw wiñaya utjcaspati.

Isaías 29:19

Llamp'u chuymani jakenacasti Tatitunwa cusisipjjani, juc'ampi pobrenacasti cusisipjjaraquiniwa, Israelan kollan Diosapana.

Isaías 3:8

Chekpachapuniw Jerusalenajj k'al aynacht'ani, Judá marcasti k'ala tucjataraquiw uñjasini, ucansti Tatitutaquiquiw arsupjje, uqhamarac lurapjjaraquisa, jach'a cancañapar, ñankhachasaraqui.

Isaías 30:1

Tatitusti saraquiwa: “¡Ay, cunaquïcan khoru wawjama sarnakapqui ucanacataquejja, jan nayar jisct'asisa cuns amtapjje, jan nayan amuyt'ayat amtäwinac waquichapjjaraqui, uqhamat juchat juchjjaru montonapjje!

Isaías 30:15

Tatitusti, Israelan kollan Diosapajj siwa: “Cuttanjjapjjam, samaratäquïpjjaraquim, khespitäsipcätawa. Samarañampin, iyawsañampina ch'amajj utji.” Ucampis jumanacajj janiw munapctati,

Isaías 30:9

Aca marcajj Diosataqui sayt'asir marcawa, janiw take chuymäcaraquiti, janiraquiw Tatitun yatichäwinacapsa ist'añ munapquiti.

Isaías 31:2

Jupasti yatiraquiw cunjäma jakenacar jan walt'ayañsa, cunapachatejj cunsa arsu ucqhajj janiw khepar cutcaspati. Jupasti khoru jakenacataquiw sartaraquini, qhitinacatejj ñankha luririnacarojj yanapapqui ucanacataqui.

Isaías 37:23

¿Qhitirus arunacamampejj ñankhachtajja? ¿Qhiti tokes ucatak arsustajja, uqhamaraqui wali jach'a jach'a tucusa uñatatastajja? ¡Israelan Kollan Diosapataquiw uc lurtajja!

Isaías 41:14

Tatitusti saraquiwa: “Israel, Jacobon marcapa, jisc'äscamsa, pisi ch'amäscaraquimsa, jan ajjsaramti, nayaw yanapascäma. Naya, Israelan Kollan Diosapa, nayaw khespiyirimätjja.

Isaías 41:16

Qhuyuraraquïtawa, ucatsti thayaw apasjjaraquini, tutuca thayaraquiw willitatjjani. Ucapachaw jumajj Tatitun cusisïta, Israelan Kollan Diosapatsti cusisiraquïtawa.

Isaías 41:20

uqhamat takenis uñjapjjañapataqui, yatipjjañapataquiraqui, wal ist'apjjañapataqui, amuyt'apjjañapataquiraqui, naya, Tatitun, take acanacjja ch'amajjampi luratajja, naya, Israelan Kollan Diosapa, take ucanacjja uscutajja.”

Isaías 5:19

Jumanacasti sapjjaractawa: “Diosajj janc'aquiy lurañanacapjja lurpan uñjañasataqui. Israelan Kollan Diosapasti janc'aquiraqui amtäwinacapjja phokpan, uqhamat uca amtäwinacap yatiñasataqui” sasa.

Isaías 5:24

Ucatpï jichhajj, cunjämtï ninajj wichhurojj naqhantejja waña laphinacsa mäqui naqhantejja, uqhamaraquiw jumanacajj tucusipjjäta, saphitpach ñussuri alir uñtata, cunjämtï pankaranacapas lak'ar tucuwayejj uqhama. Take ch'amani Tatitun, Israelan Kollan Diosapan yatichäwinacapa, arsutanacapa jisc'achapjjatam laycu.

Isaías 57:17

Israelan juchap laycuraquiw mä pacha coleratayätjja, juparojj mutuyaraquïyätwa, apanucuraquïyätwa; ucampis jupajj nayataquiw sayt'asïna, jupan amtataparjamaquiraquiw sarnakasïnjja.

Isaías 58:2

Sapüruw thakapjjetu, sarnakäwinacajj jicjjatasasti c'uchiquïpjjewa, mä suma asquinac lurir marcäpcaspas uqhama, leyinacajjsa sumsa phokhapcaspa uqhama; cheka leyinacwa mayipjjetu, nayar jac'achasisinsti c'uchiquïpjjaraquiwa,

Isaías 65:11

Ucampis jumanaca, qhitinacatejj Tatitut jayarst'apjjta, kollana kollojjatsa armasipjjaracta, uqhamaraqui Gad y Mení sisqui uca kamir cancañ churiri diosanacaruw mank'sa, vinsa churapjjaractajja.

Isaías 65:3

mä marca, cawquïritejj nayan ajanojjaru sapüru ñankhachquitu; diosanacarusti pankar yapunacan sacrificionac loktasipjjaraqui, ladrillot lurat altaranacjjan incienso naqhayasipjjaraquïnjja;

Isaías 9:17

Ucatwa Tatitojj waynanacatjja jan qhuyapt'ayasquiti, uqhamaraqui wajchanacatsa, ijma warminacatsa janiw qhuyapt'ayasquiti. Take aca marcpachasti sinti jach'a juchanac luriri ñankhacamaquiwa, takenis jan wali ñankha arunacac parlasipqui. Ucampisa Tatitun colerasiñapajj janiw apartquiti, jichhas jupajj ajjsarayascaquiwa.

Jeremías 15:6

Jumajj nayarojj apanucuwayistawa, maysa uñtaractajja. Naya Tatituw arsta. Ucatpï nayajj, llamp'uchasiñan karitäjjatajj laycuw amparajj ayttjja jumar mutuyañataqui, ucat t'unjaracsma.

Jeremías 2:13

“Marcajjajj pä jach'a juchanac luri: Naya suma jacañ umarusti, apanucuwayapjjetuwa, ucatsti jupanacajj pachpa phuch'unacapwa allisipjjaraqui, uca phuch'unacaparusti janiw umajj sayt'caraquiti.

Jeremías 2:17

Take acanacasti nayar apanucutam laycuw pasaractamjja, naya, Tatitu Diosamaru apanucupjjatamata, naya jumar irpiriru apanucutamata.

Jeremías 2:19

Pachpa ñankha luratamaw mutuyätamjja, jan take chuymampi sarnakatamaw juchañchascätpa. Amuyt'asim, ucatsti uñjaraquïtawa, cuna jan walïcataynatejja uqhamaraqui c'allc'ücaraquitaynatejj nayar apanucuñajj uca. Uqhamaraqui nayar jan yäkatamajj cunja jan walïquitejj ucwa uñjäta, naya Tatitu Diosamar apanucutamatjja. Naya take ch'amani Tatituw ucjja arsta.

Jeremías 2:31

(Uca quipcaraqui jumanacasa, qhitinacatejj jichha jacapcta ucanacasa Tatitun arunacapa ist'apjjam.) Israel marca, ¿nayajj jumataquejj mä wasarar uñtatätti? ¿Mä ch'iwin phokhantata oraker uñtatätti? Nayan marcajja, ¿cunatrac sista: ‘Nanacajj khespitäjjapjjtwa, janiw juman ucar cuttanipquiristti’, sasasti?

Jeremías 2:33

“Cunapachatejj yakha chacha thakeri sarcta ucapachasti cawqui chekatejj sarañäqui ucjja sumwa uñjtajja! ¡Ñankha lurañataquisti walipunïtawa!

Jeremías 2:5

Tatitojj jumanacarojj sapjjtamwa: “¿Cuna jan walsa nayra awquinacapajj nayanjja jicjjatapjjänjja, nayat jayarst'añataquejja? Jan cunataqui inamaya diosanacana khepapwa sarjjapjje, jupanacasa ina ch'usaruw tucupjjaraqui.

Jeremías 32:32

cuntejj Israel marcasa, Judá marcasa, reyinacapasa, jilïrinacapasa, sacerdotenacapasa, profetanacapasa, Judá orakena, Jerusalén marcana jaquirinacas lurapquitu ucanacatwa jupanacarojj k'ala tucusiyäjja.

Jeremías 50:29

“¡Take arco apnakeri jakenacaru jawsapjjam, Babiloniaru nuwantapjjañanacapataqui! ¡Marcaru muyuntata purintapjjaraquim, uqhamat jan maynis jaltañapataqui! ¡Cunjäma lurañatejj jupanacaru waquisqui uqhamarjama lurapjjaraquim uca marcarojja! ¡Cunjämtï jupajj lurqui, uqhamaraqui jumanacajj jupampi lurapjjam! Nayataquisti wali ñankha jakew tucuraquïnjja, naya Israelan Kollana Tatitu Diosapataquejja.

Jeremías 51:5

Israel marcampi, Judá marcampejja nayataquejj nayrakatan jucha lurapcchi ucasa, uqhamaraqui jucha luratanacapampejj marcanacapjja phokhantapcchi ucasa, naya take ch'amani Tatitojja, Israelan Kollan Diosapajja, janiw jupanacarojj apanuccti.

Jeremías 7:19

Ucampisa nayaru ñankhachañat sipansa, jupanacpachaw juc'ampi ñankhachasisipqui, jupanacataquisti mä p'enkaraquiwa. Naya Tatituw ucjja arsta.

Jeremías 7:26

Ucampisa jumanacajj janiw nayarojj jaysapquistati, ni ist'apcaraquistasa, jan ucasti juc'ampi khoru chuymaniw sarnakapjjtajja nayra awquinacamatsa juc'ampi.

Ezequiel 14:5

“Cawquïri israelitanacatejj nayat jithektjjapjje yakha diosanacaru yupaychañataqui, ucanacarusti nayaw chuymapa llamct'araquëjja.

Ezequiel 16:33

Take k'añu lurañan sarnakeri warminacarojj kollke churatawa, ucampisa jumajj janiw kollkjja maycaractati, jan ucasti jumaw take waynanacamarojj wajjt'asiñanac churaractajja uqhamat take toket jumampi juch luriri jutapjjañanacapataqui.

Ezequiel 16:45

Jumasti, chacharu uqhamaraqui wawanacaparu uñisir warmin phuchapätawa. Cullacanacamasa chachanacaparojj, uqhamaraqui wawanacaparusa uñisipjjaraquïnwa. Jumanacan taycamasti mä hitita warmïnwa, awquimasti mä amorreo jakeraqui.

Daniel (hebreo) 9:11

Take Israel jakenacaw yatichäwinacamjja jan ist'apcti, juman arsutanacamarusa janiw jaysapcaractti, ucatpï nanacjjarojj purinejja take ñankhachäwi arunacajja, uqhamaraqui cuna juramentotejj Moisesan leyipan kellkatäqui ucarjama, nanacasti juma tokew jucha lurapjjta.

Sofonías 1:6

Ucatsti tucjaraquïwa take qhitinacatï nayar arccasina sarakapqui ucarojja, uqhamaraqui jan nayarusa thakapquitu ucarusa, ni nayaru jisct'asiris jutapqui ucanacarusa.”

Números 32:14

Jichhasti jumanacajj jucha lurir awquinacan wawanacapjamajj, awquinacamjamaraquiquiw sarañ munapjjtajja, uqhamat Tatituru Israel marca contra, juc'ampi colerayañataqui.

Mateo 11:28

Nayar jutapjjam take karjatanaca jatjatanaca, nayaw samarayapjjäma.

Mateo 23:33

“¡Jumanacajj catari casta jan wali jakenacäpjjtawa! ¿Cunjämrac jumanacasti uca infierno mutuyäwitsti jaltapjjätasti?

Mateo 3:7

Cunapachatejj Bautisiri Juanajj uñjcäna fariseonacaru, uqhamarac saduceonacarusa ucqhajj sänwa: “¡Jumanacajj catari casta jakenacäpjjtawa! ¿Qhitiraqui jumanacarusti yatichapjjtamsti Diosan jach'a colerasiñapat jaltañsti?

Romanos 8:7

Janchin jacañat llaquisirinacajja Diosan uñisiripäpjjewa, ucatsti janiw Diosarojj munapquiti ni camachi arunacaparusa jaysapcaraquiti.

1 Corintios 10:22

¿Jan ucajj Tatituruch colerayañänejja? ¿Jiwasajj Tatitut sipansa juc'ampi ch'amanïtancha?

Deuteronomio 29:25

Ucatsti aqham sasaw arusjjatapjjaraquini: ‘Awquinacapan Diosapan suma arust'äwipwa p'aquintapjje, cawquïrtejj luräna cunapachatejj Egipto marcat irpsuncän ucapacha.

Deuteronomio 31:16

Ucapachasti Tatitojj Moisesarojj sänwa: “Niyaw jumajj jiwjjäta, aca marcajj naya contra sayt'asisajj yakha diosanacaruwa arcapjjani cawquïri oraktejj catupcani ucanjja; ucapachasti jupanacajj nayarojj apanucupjjetaniwa, uqhamaraquiw suma arust'äwiru jupanacampi mantapcta ucsa p'aquintapjjani.

Deuteronomio 32:19

Uqham uñjasinjja Diosajj colerasïnwa, ucatwa wawanacaparojj apanucüna.

Deuteronomio 32:5

“Khoru chuymani ñankha jakenaca, Diosarojj ñankhachapjjtawa, janiraquiw wawapat uñt'atäñataquis asquïpctati.

Colosenses 1:24

Jichhajj jumanac laycu t'akhesisajj cusistwa, uqhamatwa pachpa janchejjan phokhascta, cunatejj Criston cuerpopan t'akhesiñajj jan phokhatäcän ucjja, uca cuerposti iglesiawa.

Apocalipsis 18:5

Jucha luratanacapasti walipuniwa, alajjpachcamaraquiw puri. Diosasti take uca jan wali luräwinacapatjja amtasiraquiwa.

Jueces 10:10

Ucatsti israelitanacajj Diosaruw yanapa mayipjjän aqham sasa: “Dios Tatitu, juma contraw nanacajj jucha lurapjjta, uqhamarac apanucupjjaracsmawa c'ari diosanacaru yupaychatanacajj laycu” sasa.